____________________
باقي كم يوم وتجينه يا محرم
للطم متحضرة ادينه يا محرم
الخادم ايسمعك خطابه
اه يحسين ومصابه
من هسه يا محرم جينه ونصبنه مأتم
دنيا بلا مجالس بله شتضنها ترهم
غير الحسين شعدنه شنسوي لو كعدنة
والطاهره شنكلها اليمهه اتكتب عهدنه
عزانه هوانه بذممنه امانه
غااليه عدنة المجالس وانت تدري
واحنا سمونا العوابس وانت تدري
يومك انريد اقترابه
اه يحسين ومصابه
عدنه العزة عقيدة مثل الهوة نريدة
ما ينكطع لطمنه عالمنكطع وريدة
الجف طابع بصدرنه واليحجي مايضرنه
كلمه وحجتها زينب ما ينمحي ذكرنا
نعاني ونتاني ونعدلك ثواني
حسين نقسمله بغريته ما نعوفه
الله خالقنه الخدمته مانعوفه
والحزن نقره بكتابه
اه يحسين ومصابه
انريد المناحه تبدي وحادي المصيبه يحدي
نترقب لهلالك وي الامام المهدي
جمر المصيبه بينه بنصب العزة بتدينه
ومنهسه ودنه نمشي لزيارة اربعينه
الشعيرة بصيرة تقوي المسيرة
شما يصير الخطر زادت هلمواكب
وبتحدي الموت عادت هلمواكب :122:
وعلى كل حايط كتابه
اه يحسين ومصابه
صحنه العزة دوانه عوفونه نرتجيكم
حسين الشفاء بذكرة شلون العزة منحضرة ؟!!
بلمجلس وننادي احنا بأمان الزهره
كالو خطر عليكم خاف الخطر يجيكم
لطمنه وي امنه التسجل اسمنه
الزهره هيه دكول ادور عزة وليدي
احضر وبعيوني اصور عزة وليدي
تسمعه الناعي وجوابه
اه يحسين ومصابه
نحجيها بصراحه احنه تعبنه راحه
من الخالق انرزقنه بالدمعه والمنادة
مكضيه يا دنيانه وباجر كبر ورانه
والمانسينه يومه حاشاه اذا نسانه
بجينه بحنينه بسير علينه
هوة كال الي ذكرني اني اذكره
والي بالدنيا نصرني اني اذكرة
نشفع بساعه حسابه
اه يحسين ومصابه
يل طشرتنه اسمع هذا العزة يلمنه
اي يلا يا زلمنه لازم نشد جزمنه
خلونه وي الزهره نطلع بوجه الابيض
اعله ابنها حزنها نون ويه ونها
تصيح ابني انكطع نحره ايشيعه
داست الخيل على صدرة ايشيعه
اله ما عافو ثيابه
اه يحسين ومصابه
(تدويني)
لتحميل القصيدة MP3
هُنا
____________________
رد مع اقتباس
المشاركة الأصلية كتبت بواسطة تشيللو
