اسد الكوفه اليوم نشوفه ﭼـنه البسمله
عله الدايه ودگ والثايه الاولى لكربله
بيده السيف وهتف بشارب عمه حلف
يترس بحر النجف بدماهم
يسولفله ابوه بعلم الانساب
ويعرف اليجيله من الاعراب
اگباله الگوم صارو مثل الڪتاب
ويعاين عليهم كلهم ارڪاب
سوه الروس سبحه من اليبرزون
ونسدة الكوفه وما يطلعون
هوس انه مسلم ما يعبرون
بطارف عينه صد لحسينه سلم مبتسم
بهاي الوادم مارد سالم مااشوف زلم
هوس هوسة حرب راح اكلبهه گلب
ازگي هذا الدرب بدماهم
تربات الكلايف صدها صوبين
حيدر واليضربه يگسمه نصين
والي يريد يشرد يشرد منين
عينه اعلى المعسكر عين لحسين
طوعه هلهلته وعصبت الراس
مره تگله مسلم مره عباس
صار الجيش شجرة وجرد الفاس
حيل مصلصل صال وزلزل يضحك بالحرب
اسد وزمجر يندب حيدر سد كل الدرب
جرد سيف ورمح غطه الطك بالجرح
سد عيون الصبح بدماهم
فتح بيبان سبعه بسيفه لنار
وتحضر الوادي دزله خطار
كل اول فدائي من الانصار
لحسيني حبيبي فدوة اندار
صفاها وخبطهه لنواعير
وصل روسهم لجبال ساعير
رحه المعركه وجفوفه الدير
حسينه قضيته دينه هويته عارف غايته
الكامل دينه بينه وبينه وضح صورته
مرسال امن نعرف كل ساحات الشرف
متخوصر وگف بدماهم
قسورة من تقدم رجفت الكاع
من شجرة كريمه وكلهم اسباع
لو هبت عواصف يوكف شراع
ليث وما تهمه كثره اضباع
صارت كوفته ويكفيها عنوان
متحزم عليها هديب ديوان
يعرفهم اكباله موش فرسان
تروح انفاسه ورافع راسه تربات الفحل
ما يتنازل عالحق نازل راسه ما نزل
لمن فاض الدمه سولف عالملحمه
غركها الموزمه بدماهم
..
لتحميل القصيدة MP3
هُنـــا
رد مع اقتباس
المشاركة الأصلية كتبت بواسطة ☆Abbas ALiraqi☆
