هنا

[فقار الكرخي]

وبعد ننباع
ما دام الدموع تخون خد الگاع
ما دام المناجل تعبد الاقطاع
وشريان الورد
بالبرد
يبچي بساع
يذرف ..
والجروح وساع
دم حزنه
نزل مزنه
وبچيته،
وضاع ..
بعد ننباع ..
ما دام الفگر عالفگر،
چيلة نار
ما دام الطفل،
يتگمّط بصبّار ..
ما دام الثلج،
جاسته الچيلة وماع
بعد ننباع
ونتواعد بموت،
وما يصِحّ الموت
وكلما يطفه موگد
يشتعل تابوت
وكلما بِچَتْ سَكته
يصير دمعة الموت
وكل ثاير عِثَر،
بالدرب دم يفوت
بعد ننباع ..
ضيَّعنه الحزن،
بس الحزن ما ضاع ..
ننزف،
والحروف متاع ..
نبحر،
والمتون شراع ..
نركض،
والملاگه وداع ..









عامر عاصي

[هـآئِـم ۦٰ]

شكرا ورده
​

[انثى مخمليةة]

دُمتَمْ بِهذآ الع ـطآء أإلمستَمـرٍ
يُسع ـدني أإلـرٍد على مـوٍأإضيعكًـم