كلمات قصيده مهند العزاوي ماريد اكابر الهجر مابيه زود كامله
ماريد اكابر الهجر مابيه زود
عاين مشيتي دكول مشيت محسود
لوباقي عالي وما الوح احسن حيل
بس مصيبه بسلتي جان العنكود
جريت جفك من اهد ما صديت
وليهسه جفي مصوفر وما مكيود
وين المه مثلك وانت حضنك تفصال
ربك قياس لحضني منطيك زنود
عود البخور يموت من يبدي يعيش
وهيج انته حبك عايش وماموجود
لاتمشي وحدك خاب خل امشي وياك
هوه الدمع شيفيد لو ماكو الخدود
كل الدموع في النهار تجمعت
في سكون اليل فاضت ادمعي
شيئا فشيئا ان قلبي قد خرج
لو لم تكن في صدري قبضه اضلعي
لو كنت في قربي تراك نواظري
لاختاض من شعري قصيد الاصمعي
جمع شملي ابتغئ لا شملنا
رؤياك نصفي والرجوع تجمعي
مو بلجكاره بصدري خليت النار
بهداي امشي وبيه ركضه هادود
جرب تعال بيوم غطيني بهيل
ورجعلي بعد سبوع تشتم بارود
الفركه مو ضربه قدر ضربه عين
جي عندي مثلك جنت كلش محسود
من احجي بيك يضيع دمع الدفان
بلساني شوغه ناي وسوالف عود
اني انطي شجره وماضحي بعصفور
انطيك كلشي جان بس كون تعود
ان لم تكن تنوي رجوع للهوا
بلغني حته لايطول تضرعي
بلغني حته لا يكون فريسه
مابين اسناني ويمضغ اصبعي
بلغني حتئ لانمر بلحضه
يكون ردك عن حديثي منبعي
يامستقري عشت عمري تائها
اخبرنس ان في غرامك موقعي
طول غيابك والعمر رمشه عين
يخلص واموت وراخ ياكلني دود
وين تعال نريد نسمع عن الخير
نوكف كبال قاضي ونجيب شهود
تتمنئ امي تشيل صينيه الياس
خطابه جايب ليش بابكم مسدود
يوصل لرمشي الشيب وابقئ متانيك
حد ما يخلصن بيه شعرات السود
رد مع اقتباس
المشاركة الأصلية كتبت بواسطة انثى مخمليةة
