سنطه .. وكل گمر ساكت
سنطه .. وكل گمر ساكت
واطراف الخيم تلتم رماد وماي
ونهر ممدود بس عطشان
تسبيح ودعا وقرآن
ومشابگ جنان الله وعيون تحير
واحلام عله كل جربه تريد تطير
وحيره من الفجر لو مر
الأذان يعيش اذا تطبر
رساله من السمه وجبريل
ينقل كل سلام الله عله اهل الله
التمو سبح زهراء .. من بيهم وگف صله
وتراب يطيب العله
ورساله من السمه ندزت
نزلت راية مشدوده انكتب بيهه
الف هيهات للذله
الحسين المعقل الاول
الحسين الثوره والمبدأ
بس گلب العقيله الليله ما يهدأ
وإذن توجع تراچيهه
السمه تنزف كواكب غيم اذا تسمع بواچيهه
ومشه شوگ الحسين وخضر بعابس
تره جرف المخيم ما يظل يابس
وطلع شبه النبي بطوله
سألو .. رد يقاتل ؟ خير ؟
الخير من الله گلوله
وطلع عريس لابس بدلت الزفه
عله چفه شچم حلم راسم
رفع راس الحسن من گال
انه القاسم
ومشه الحر الرياحي بكل رياح رماح
اخر چلمه .. اااه يحسين لمن طاح
وجون الحارب الدنيه ومشه بروحه العشگ نيران
كلشي ولا حسين يظل صدك عطشان
كلهم كفو وفو نذر لحسين
بس هي المصيبه منين
لمن فاج نور الله مثل مافاج ابو الحسنين
الگمر خله النهار يصير كله احمر
وصارت دنيته حمره
الكمر ماخله راس حسين ينزل دوم
بس كضه وجع ظهره
لزم ماي الفرات وبده فوگه الماي
اخوي واخذ مني هواي
طاح وطاحت الخوه عله جرف الشط
وعرفنه الخوه من عنده
درس وانطانه مانهده
واخر مشهد من الطف .. مشه القرآن
وعينه عله خيم والنار
عينه عله الحزن تندار
يأ اهل الله .. الواع اليوم لو ما بالبچي شلونه
من فوگ الرمح .. تندار يم زينب تره عيونه
عبدالله العبدلي
رد مع اقتباس
