هليوووووو درر
مااعرف وين انزل الموضوع بس باعتباره قصة فكلت هنا المكان الانسب
تشيللو لحد يتورط ويحجيله شيفد لزكة مصايرة
ابتليت كتله من كنت صغيرة بكت ( سرقت ) حمار
هو مو اني بكته وحدي لا وياية شركاء 2 اخوية وابن خالي
اسولفلكم سالفة الحمار المكرود مادام حارة وضوجة
كنا دائمًا بالعطلة الصيفية نروح لبيت خالي بمندلي من احنا صغار ونبقى اسبوعين اكثر يمهم
المهم جيران بيت خالي ناس على كد حالهم وطيبين و بسطاء كان عدهم حمار
فمرة من المرات كنت بالشارع اني و اخوية وابن خالي فات ابن الجيران وديجر الحمار
اخوية كله يولد خلي نصعد ع الحمار , الولد مقبل
طبعاً اني وابن خالي عجبتنه فكرة الصعدة ع الحمار
يمعود ناخذ فرة ونرجعه مقبل
مااطول السالفة عليكم لزمنة الولد بسطنا واخذنه الحمار منه
وين ودينا الحمار دخلنا لبيت خالي وره البيت
وطبينه جوه نتغدة ولايمنه الموضوع
اندكت الباب , طلع خالي يفتحها .. عاد اني باوعت على شركائي كتلهم ولكم بس لا هذا الولد اجه
طفرنه ع البالكون نشوف منو اجهطلع الولد جايب ابوه وجاي علينا
لا و شوف الصلافة مالتنه نباوع من البالكون ونأشرله للولد اصطبرلنه
المهم عاد الرجل كال لخالي الحمار مالتنه يمكم جهالكم باكو, خالي كله يمعود شدتحجي
طب خالي للبيت ويروح وره البيت ويلكه الحمار المسكين صافن
وعينكم متشوف الا النور ,كانت بسطة محترمة
هسه لو ماخذين فرة بالحمار نكول مو مشكلة قابلين بالبسطة
بس طبعاً مسكتنه طلعنه العصر و نركض وره الولد بالشارع وبسطنا
مرات من اتذكر سوالفي من كنت صغيرة يعني صدك ابو حسين
تاريخي يفشل , كانت امي تكول انتِ اخر لحظة والله غير رأيه وسواج بنية
وانتو شلونه تاريخكم وذكريات الطفولة
المشاركة الأصلية كتبت بواسطة تشيللو
ما خفتي من الحمار 
