هنا

[فقار الكرخي]

وعــاتــبــت
كلشي بجفاكم
حتى ذاك الباب لنسد اعلا صبعي
ومن وراكم

حتى سهرات اليالي الضحكن بوجهي بكفاكم
وعشكت دورت كفاكم من شفت بوجوهكم مامش نفاهه

واضحك اعلا سافرله يوم
وصاح غربه
الغربه عندي وانه كاعد يم هلي

وراح اسولف عن الغربه
وهيه مو كل غربه غربه

الغربه من تاني مرسال التحبهم

من يمر ساعي البريد ويجزي دارك
بروحك يفتت انينك و نتضارك

وانه من بالي شلتكم

بطلو بحلامي تجون
ومن تجون

تفززون البيه بعد جفاه نامن
وانتو من يوم المشيتو روحي احسن
جن بريد بلايا عنوان الدرب
ويستحي الساعي يفكه

وافرح بملكاكم
فرحه البدوي من جيب بثار حكه

وروحي ذاك الضرف الغافيله اعلا باب
الشالو اهله كبل لحضات بوصوله
وشنهي اكوله
وجوهكم فرحة عرس

واكعد هواي ويه روحي
واحجي بيكم
واسلت بروحي تتن
للجروح البيه منكم
وفلست عمري جكاير
وكاس فركه نشربه كل يوم بعصركم

وانتضركم صحره صحره
وخلصت رملات روحي
وما تجون

وانه كلبي زغير كلش
والجروح البيه منكم يا كبرهن

وانه اشكي للله بيهن
ايكلي يا عبدي شيلمهن

والذكريات البيه منكم
مثل جويات من ابوي بجسمي عاشن
ومثل جن ذيج الاحلام البيه ماتن









لـ احـمـد الـمندلاوي

[انثى مخمليةة]

يسلموو فقار