هنا

[رمـْـْْـْــــــــآڊ]

شكرا ضياء

[ضياء المالكي]

مو كالت المعلمة ماكو ترك!
لو كاتب اسمي بكل الفراغات ما ازعل
يلا مبروك..راسب

ضياء كم أنت جميل صديقي
رحم الله الوالدة واسكنها جنات الرضوان
وحفظك واخوانك وعائلتك وكل من تحب

اختيار موفق ألينا...شكرا لكِ ودمتِ بود

اي والله رسبت بهذا السؤوال هههههه
خاف انوب هم تزعل وشخلصنا من زعلك ههههههههه

العزيز كل الشكر لك وربي يوفقك ويحفظك ويحفظك محبيك

[ضياء المالكي]

موضوع رائع وضيف اروع
شكرا لك الينا والشكرموصول للاخ ضياء المالكي
تحياتي

العزيز سعد الف تحية لحضرتك
مشتاقينلك جداً

[ضياء المالكي]

انت مدرسة استاذ ضياء
شكرا الينا ع الاستضافة الجميلة

العزيز سكراب
ممنون جداً صديقي
كل الحب

[ضياء المالكي]

كانت رحلة مشوقة..شكرا ضياء
شكرا الينا

شكراً سوزان الجميلة
كل الود

[ضياء المالكي]

شكرا ضياء

العزيز رماد
كل الشكر

[،،،،،،،،،]

كل الشكر عمو للدعوة وفكرة الموضوع
دائماً تبهرينا بأفكارك المميزة

باقة ورد


:
:
الرئآسه العآمه لتعليم الاعضاء

دولة العراق

اسئلة مدآرس درر العراق النموذجيه

الفصل الدرآسي 2020 / 2021
مدة الإمتحآن ((يوم))
:
:
*النك نيم : ضياء المالكي

*(( رتبة العضو)): مراقب

*معلمة المآده والمصححه والمراجعه وكلش ..:
ألـــيــــنــآ
دارينا بالتصحيح عمو




تحذيـــــــــــــــــر
عـــدم ترك أي سؤال
صااااار



ملآحــــــــظــه :
((الغــش ممنوع))
هم صااااار

:


آلآســئله :
:






السؤآل الاول:
المنزل..


أختآر الإجآبه الصحيحه..
/1ترتيبك بعآئلتكم ,,((الكبير _الوسطي_ الصغير ))

2/من هو اقرب واحد لك من عآئلتك ,,((أخوكـ _أبوكـ_ أمكـ _أختك /زوج /زوجه))
بعد وفاة الوالدة الله يرحمها الاخت الكبيرة هي الاقرب حالياً

3/ شنو تحب وانت بالبيت فآضي بالبيت ,,((تآكل_تشاهدالتلفزيون_تلعب بلآي ستيشن _ عالنت_ تنآم ))
مرات كلهن تسويهن وخوصاً بالحجر الصحي وماكو دوام ههههه

4/ وانت جوعآن وش تحب تآكل ,,(( مآلح_ حلآ _أي شي بس اهم شي تعبي الكرش)
هذه الايام مسوي رجيم وبعض من الاكلات الخاصة ... وجاري تفليش الكرش


5/وش تحب تشرب في البيت ,,((ببسي _عصير_قهوه وشآي))
قهوة وعصير دائماً بس مو نفس الوقت

6/ وانت تشاهد التلفزيون شنو تحب تشوف ,,((مسلسل_ فلم_برنآمج _أغآني))
على الاغلب برامج


8/وشو الوقت اللي تحب تنآم بي,,((الليـل_بعد الغدآ عالعصر_مآتفرق معك دآيم ودك تنآم))
بهذه الايام ماكو وقت محدد وين مااحس بالنعاس انام الصبح بالليل بعد الغدا هههه






:
السؤآل الثاني:
الحيآة..


أجب على الأسئله التآليه ,,


1/ حكمه تؤمن بهآ؟
كن كالحمام ... تأتي بسلام وترحل بسلام

2/ لون تحبه كلش ؟
الازرق

3/دوله ودك تروح لها ؟
انكلترا مارايح الها اتمنى اروح الها

4/وظيفة تتمنى انك تتوظف فيهآ ؟
ماكو شيء معين ... احب شغلي ووظيفتي كلش هواي

5/ موقف مآتحب تشوفه قدآمك ؟
أي موقف يجعلك حزين ويجعلك بألم دائم كفقد عزيز او حبيب


6/صفه تكرهه ومآتحب تكون بأي انسآن تربطك فيه علآقه ؟
عادة الاشخاص الي يملكون صفات مااحبها ابتعد عنهم قدر الامكان وماااخالطهم
وخصوصا صفت الكذب والنفاق

7/ سيآرتك المفضله ؟
اي نوع من هنداي

8/رسآله على الجوال متنسآهآ,,شنو ؟
يعني رسائل ايام زمان من كنا شباب ههههه لاترجعينا ليورى

9/مكآن يعجبك كثير وتحب تروح له دائما ؟
دائماً المتنزهات والحدائق ومدن الالعاب
وعادة عدنا في القرنة ملتقى النهرين ومكان لشجرة ادم مكان جدا جميل وهادىء دائماً اروحله


10/من هو الصديق الاقرب لكـ (اسمه وسيره ذآتيه عنه )وقل ليش تحبه؟
حسن الصديق القريب جداً لا سيرته الذاتيه ماراح احجي عنه لانه هذه خصوصيته
اما ليش احبه لانه صادق وصديق حقيقي جدا


11/وشنو الطلب اللي مت وانت تطلبه من اهلك ومحد اهتم الك ؟؟
ماكو شيء محدد





:







السؤآل الثالث:
أيآم الدرآسه..


أشرح مآ يأتي,,

1/مدرس متگدر تنسآ ابد منو؟
اكيد ست زهره معلمة الابتدائية معلمة رائعة بكل ماتعنيه الكلمة


2/موآد درآسيه تحبه؟
احب الرياضيات الفيزياء الكيمياء

3/مواد دراسية تكرهه؟
اكره التاريخ الجغرافية وهيج اشياء ماكدر احفظها


4/ وين كنت قآعد بالصف سواء اذا كنت تدرس الان ولا من قبل؟
اني حالياً خلاص موظف خلصنا الدراسة واتخرجنا
اني دائماً اختار الرحلة الثانية من السطر الوسط مادري ليش

5/شنو اكثر مرحله دراسيه تحبه مره ؟
مرحلة الجامعة كانت الاجمل طبعاً
الحياة تختلف عن باقي المراحل


6/شنو اقسى عقآب صآر لك وانت تدرس ؟وفي أي مرحله؟
كنت بالمرحلة الرابعة من الكلية وبأيام الامتحانات واخر يوم ولازم اسافر وي اخوي للهند
لانه وزارة الصحة طلعته حتى يتعالج لانه انصاب بعمله في الكهرباء
وبالتالي تركت الامتحان وسافرت وبعدها رجعت امتحنته دور ثاني

/7 عمرك اخذت شهآدة تقدير او تكرمت في الاصطفاف الاسبوعي
اي دائماً بس ماكانت شهادات تقديرية بوقتنا اشياء بسيطة مثل علبة اصباغات او هيج اشياء


8/ موقف محرج. صارلك بالمدرسه ؟
يعني هي المواقف هواي وكثيرة وماتنحجي ههههه ننفضح

9/ سنه كنت فآشل فيهآ درآسيا ؟؟
لا الحمدلله كل السنوات كنت متفوق بيها لذلك مارسبت ولا سنة في كل مراحل الدراسة
ولا ممتن دور ثاني فقط بالسادس العلمي بوقتها وكعت انكليزي وامتحنته دور ثاني
والمادة بمرحلة الرابعة تركتها بسبب ظرف طارىء الي حجيت قبل شوية عنه

10/ اذا انت متخرج من الثآنوي كم كآنت نسبتك وأدبي ولآعلمي؟؟وإذا مو متخرج انت ادبي ولا علمي ؟؟
اني اتخرجت بسنة 2003
كان معدلي 68 وكان قسمي علمي
:




السؤآل الرآبع:
المنتدى..
عمو بصراحة ماريد اتكلم عن هيج موضوع حتى لاتثير مشكلة معينة مثل ماثارت بعضو خلف الكواليس
لذلك اعتذر جداً من حضرتك واعتذر من اصدقائي الاعضاء مع جل تقديري واحترامي لهم


آكمل الفرآغآت التآليهـ بالعضو المنآسب..

1/ عضو رهيـــب وخفيف دم ...........

2/عضو مآودك يغيب ابد .............

3/عضو تحس لو غآب يهدأ المنتدى..........

4/ عضو تحسه مميز في بموآضيعه
...............

5/ عضو يثير اهتمامك .................

6/ عضو تعرفه خارج المنتدى ................

7/عضو كآن نشيط وتحس انه صآر خامل...................
8/ عضو ودكـ تگعد وياوتشرب شاي وتاكل .............
9/عضو تعرفت عليه عن طريق المنتدى ..................
10/عضو ودك تزوره ...............
11/عضو تحسه خآرج عن النص دآيم...................





:





السؤآل الخآمس :

أكتب تعبيـر عن منتدى درر العراق من وجهة نظرك لآيقل عن ((سطرين))
,
:
منصة ثقافية رائعة تظم العديد من الطاقات بمختلف الاختصاصات
ودائماً متصدر نتائج البحث في متصفح كوكل






السؤآل السآدس ((سؤآل مسآعد)) :

اكتب بيت من الشعر او نص تحبه ..
سأختار لكِ احد نصوصي الكاتبها بقلمي
((بين صدى الألم وجراحات الأمل هناك صوت لمآسي الحُلم
فتعثر الأمل بحجر الحلم المفقود
ذكرياتنا عالقة في موعد الأمس
وقُتِل موعد اللقاء برصاصة اليأس
تناثرت أشلاء الحروف بين أزقة الورق
والقلم يبحث عن صفحة بيضاء
ليرسم عليها حلمهُ اليائس
والكلمات تبعثرت بين أسطر الخوف وحبر الألم
وأصبحت لاجئة لموطن الرعب​))




:
:


إنتهت الأسئله
تعبت ماكو عصير هههههه




بالتوفيــق
معلمة المآده

ألـــيــــنــآ


كل الشكر عمو للدعوة
وعاشت ايدك على افكارك الجميلة والممتعة

عاااشت ايدك عمو اجوبه حلوه

بس الدرجه مكامله لأن اكو نقص كلش بيها