هنا

[¥محبوب$القلوب¥]

الارض متروسه ازلام
ألّبست دمعتها احرام
اركضوا للفزعه إسهام..اتدللي
…
يبت حيدر علامݘ..شتعرفين بعمامݘ
نموت اربعطعش مره ونرد فدوه لعباتݘ
ويبوݘ الشد نطاقه..شتربطه ومن علاقه
ومع الدنيا النرخصها لأجل دعوه بصلاتݘ
العذر يخت الطيبين
ولمن نرجع عدلين
وعتب حگ اتعتبين..اتدللي
…
دليلݘ خلّه بارد..الفِزَع بالملگه شارد
صحابه ولو تنخينه بعلي انكشخ الصوارم
وتنخي الكل نشامه..ويبيضون الجهامه
وصلاة الوحشه صليها الݘفن من هسه والم
ورفاگة حيدر ناس
الهوه التشتمه احساس
وأبد ماطخت راس.. اتدللي
……
مثيل اهلݘ قلايل..البغضكم حضه مايل
يزينب والكفل زينب فلا غيره نبايع
ولوّن يرضه الكفلكم..وحگ لوعة عطشكم
ولجلكم للسمه السابع نصفطها الشرايع
ونرد صفين اردود
ونخيّط شطهم جود
ونشبعݘ ماي وزود..اتدللي
…3
فلح تلعه الصحابه..ويردون الطلابه
ويزينب راجت الحومه اوجب گطف السنابل
ويملاݘة حياده..الزرع طال بحصاده
أرخصينه الشتال اينع وجوب انكومه حاصل
المناجل سيف وقوس
حياده ونحصد روس
ونسوي الجيش اكدوس..اتدللي
… .
ويزينب والنبايه..وفلا خلفة نثايه
نشامه انصار ابو اليمه ويسبحون بخناجر
ونعرف اركانه خمسه..ولݘن هالساعه سته
انفرض لن بخطر خدرݘ ركن ذبح العساݘر
وحك النون وكاف
نݘتف الشوف اݘتاف
وخيالݘ ماينشاف.. اتدللي
… ..
وصل خطار اخوتݘ..وازمطي بعالي صوتݘ
ونعزب للرمح والصارم انفرح دليلݘ
ويعمر خل دلاله..الكرم ماله وحلاله
شحلات الگهوه بدلال الحسن من ݘف كفيلݘ
المواگد روس اتصير
الذبايح كثره وخير
ونعزب حتى الطير.. اتدللي
… ..
الذبايح.. الكتايب
الشتال.. الطشاش
اكدوس.اݘدوس
ونخيط.. ونفصل
.................
للشاعر خالد صباح الشمري

[هـآئِـم ۦٰ]

قصيده جميله شكرا ابو بنين

[انثى مخمليةة]

يسلموو

[¥محبوب$القلوب¥]

قصيده جميله شكرا ابو بنين

عفواً عزيزي نورت

[¥محبوب$القلوب¥]

يسلموو

سلمكِ الله من كل داء

[،،،،،،،،،]

شكرا جزيلا

[¥محبوب$القلوب¥]

شكرا جزيلا

عفواً نورتِ الموضوع