الفلسفة .. الوضعية !!
- هي الفلسفة اللي تؤمن بالعلم فقط ، وماتؤمن بأي شي غيبي ..
- شلون يعني ؟
- يعني العقل البشري بعدما عجز عن الوصول إلى معرفة الأشياء المطلقة مثل : الله ، مابعد الموت ، الجنة والنار ، الملائكة ، الخ ، بعدما عجز العقل البشري عن إدراك هاي الامور ، لازم على الإنسان أن يتوجه إلى التجربة والحس لمعرفة الامور ، وأي شي مايدخل تحت التجربة لازم نرفضه ومانؤمن بيه ..
- شنو أنواع الفلسفة الوضعية ؟
- الفلسفة الوضعية بيهه اتجاهين :
الأول : إتجاه يمثله الفيلسوف الفرنسي "اوكست كونت" ، وهذا الاتجاه يكول : انو الفكر الإنساني يمر عبر ثلاث مراحل هي: 1- المرحلة اللاهوتية. 2- المرحلة الميتافيزيقية. 3- المرحلة الوضعية أو العلمية ..
الثاني : الوضعية المنطقية اللي ظهرت في العشرينيات من القرن العشرين الميلادي بين مجموعة من الفلاسفة يسمون ب"دائرة ڤيينا" ..
- شنو هاي "دائرة فيينا" ؟
- هاي المجموعة جانت تضم مجموعة من الفلاسفة مثل "رودلف كارنب" و"هيربرت فيغل" و"كيرت جيرلنج" وغيرهم ، جانو يناقشون فكرة فلسفية مهمة وهي "فكرة التحقق من المعنى" ..
- شلون يعني ؟
- يعني ذوله الفلاسفة طرحوا هذا السؤال : شلون نعرف انو هذا القول (اي قول أو جملة أو معتقد ) بي معنى لو مابي معنى ..
- اي وبعدين المن توصلوا ذوله الفلاسفة ؟
- توصلوا إلى انو اي قول أو جملة أو معتقد ما نكدر نثبته بالتجربة والحس ، فهذا القول "هراء" لا معنى له، فقط الأقوال اللي نكدر نثبتهه بالتجربة والحس هي الأقوال اللي بيهه معنى ..
- زين ، والأقوال المنطقية مثل "استحالة اجتماع النقيضين" ، و "الكل اكبر من جزءه" وغيرهه ، هاي الأقوال الما نكدر نبثتهه بالتجربة والحس ، فهل تعتبر هاي الأقوال همينه مابيهه معنى حسب "الوضعية المنطقية" ؟
- لا ، هاي الأقوال المنطقية مستثناة من هذا الكلام ؛ يعني الأقوال المنطقية تعتبر أقوال لها معنى في رأي المنطقية الوضعية ؛ لانو هاي الأقوال يمكن اثباتهه بالدليل والبرهان القطعي اللي ما يقبل الشك ..
رد مع اقتباس
المشاركة الأصلية كتبت بواسطة Scrap
