هنا

[زفير]

اجوبة لطلفة كشخصك محمد

شكراً الينا

[Mohammed K.F]

اجوبة لطيفة محمد خاصة من وصفتنا باننا نغرد خارج السرب هههه..
تحياتي يالغالي واتمنالك التوفيق

يعني ما ركزتي الا بالسؤال الاخير؟! ههههههههه غير المعلمة تريد اذكر اسماء والا ترسبني وتعاقبني كدام كل الطلاب ثمانين جلدة.. وشتريدين بعد خليتج وية عاشق الحاجة ساندرا
سوزان الغالية لا حُرمنا من وجودك

[Mohammed K.F]

الجميل محمد اينما حل
اجوبه لطيفة ومتميزة
فعلا كل الاسماء الي ذكرت تستحق
شكرا ألينا

واسمك ضمن الاسماء التي لا يمكن ان نتخطاها..وجودك يزين أي موضوع
دون ان اراك..احبك

[Mohammed K.F]

اجوبة لطلفة كشخصك محمد

شكراً الينا

جوليوس الغالي..انت عنوان اللطافة والاخلاق الراقية

[علي الواسطي]

موضوع مميز لحضرة المعلمة ويارب تصيرين مديرة

ضيف مميز تحياتي لشخصه

[علي الواسطي]

اجوبة لطيفه كشخصك استاذ محمد كل التوفيق لك

[رمـْـْْـْــــــــآڊ]

موفق محمد
شكرا الينا

[فقار الكرخي]

الرئآسه العآمه لتعليم الاعضاء

دولة العراق

اسئلة مدآرس درر العراق النموذجيه

الفصل الدرآسي 2020 / 2021
مدة الإمتحآن ((يوم))
:
:
*النك نيم : Mohammed K.F

*(( رتبة العضو)): من أهل الدار

*معلمة المآده والمصححه والمراجعه وكلش ..:
ألـــيــــنــآ






تحذيـــــــــــــــــر

عـــدم ترك أي سؤال



ملآحــــــــظــه :
((الغــش ممنوع))


:


آلآســئله :
:






السؤآل الاول:
المنزل..


أختآر الإجآبه الصحيحه..
/1ترتيبك بعآئلتكم ,,((الكبير _الوسطي_ الصغير ))
الوسطي
2/من هو اقرب واحد لك من عآئلتك ,,((أخوكـ _أبوكـ_ أمكـ _أختك /زوج /زوجه))
اختي
3/ شنو تحب وانت بالبيت فآضي بالبيت ,,((تآكل_تشاهدالتلفزيون_تلعب بلآي ستيشن _ عالنت_ تنآم ))
عالنت
4/ وانت جوعآن وش تحب تآكل ,,(( مآلح_ حلآ _أي شي بس اهم شي تعبي الكرش)
أي شي المهم أعبي الكرش
5/وش تحب تشرب في البيت ,,((ببسي _عصير_قهوه وشآي))
قهوة

6/ وانت تشاهد التلفزيون شنو تحب تشوف ,,((مسلسل_ فلم_برنآمج _أغآني))
فلم
8/وشو الوقت اللي تحب تنآم بي,,((الليـل_بعد الغدآ عالعصر_مآتفرق معك دآيم ودك تنآم))
الليل




:
السؤآل الثاني:
الحيآة..


أجب على الأسئله التآليه ,,


1/ حكمه تؤمن بهآ؟ إبتسم تبتسم لك الحياة..فلا يوجد ما يستحق أن تحزن لأجله

2/ لون تحبه كلش ؟ الاصفر لوني المفضل

3/دوله ودك تروح لها ؟ كانت الصين قبل لا اعرف ياكلون لحم البشر..غيرت رأيي لان ما احب تكون نهايتي وجبة غداء بكرش صيني

4/وظيفة تتمنى انك تتوظف فيهآ ؟ طيار

5/ موقف مآتحب تشوفه قدآمك ؟ امم كثير مثلا ما أحب اشوف احد يضرب طفل..

6/صفه تكرهه ومآتحب تكون بأي انسآن تربطك فيه علآقه ؟ التعالي والتكبر

7/ سيآرتك المفضله ؟ اودي وتويوتا

8/رسآله على الجوال متنسآهآ,,شنو ؟ مرة واحد كان متعارك وية زوجته ويمكن طردته من البيت.. كتبلها رسالة يعتذر منها ويطلب تعفو عنه. بس بالغلط الرسالة دزها الي.
لحد الان ما اعرف وجه الشبه بيني وبين زوجته...يمكن كانت هلكد حلوة مثلي


9/مكآن يعجبك كثير وتحب تروح له دائما ؟ دائما احب اتواجد بالاماكن الطبيعية مثل الغابات او الحدائق او قرب المياه

10/من هو الصديق الاقرب لكـ (اسمه وسيره ذآتيه عنه )وقل ليش تحبه؟
حاليا عندي مجموعة اصدقاء احبهم جدا وممستعد اخسر أي أحد منهم.. بعضهم من الدرر وبعضهم خارج الدرر.
اما منو الاقرب فان شاء الله كلهم قريبين من الروح والقلب

11/وشنو الطلب اللي مت وانت تطلبه من اهلك ومحد اهتم الك ؟؟ يزوجوني






:







السؤآل الثالث:
أيآم الدرآسه..


أشرح مآ يأتي,,

1/مدرس متگدر تنسآ ابد منو؟ اذكر كل المدرسين والمدرسات وبقيت على تواصل مع بعضهم حتى بعد المدرسة. مثلا استاذ جاسم التقيت بي حتى بالسويد.
اذكر ايضا مدرسة الرياضيات بالسويد بمرحلة الاعدادية Carina كانت جدا لطيفة وعقلية هائلة بمادة الرياضيات..

2/موآد درآسيه تحبه؟ الرياضيات والمواد العلمية

3/مواد دراسية تكرهه؟ الأحياء

4/ وين كنت قآعد بالصف سواء اذا كنت تدرس الان ولا من قبل؟
عادة اجلس بالمقدمة..لكن بالجامعة بديت ارجع للمقاعد الخلفية حتى انام
5/شنو اكثر مرحله دراسيه تحبه مره ؟
الجامعة
6/شنو اقسى عقآب صآر لك وانت تدرس ؟وفي أي مرحله؟
بالاول متوسط كان مدرس الجغرافيا يضوج مني يكول عني ما اسكت وبكلشي اتدخل..كان اول ما يدخل للصف يطردني.. وكنت استغل الفرصة اروح اتدرب على التنس.صح ما وصلت مرحلة الاحتراف لكن صعب أحد يهزمني بهاي اللعبة
/7 عمرك اخذت شهآدة تقدير او تكرمت في الاصطفاف الاسبوعي
اي.. كنت دائما قدوة الصف والمدرسة ومن الطلائع بالاصطفاف الاسبوعي
8/ موقف محرج. صارلك بالمدرسه ؟
حدثي ولا حرج.. مرة ببداية دراستي بالسويد اجت طالبة جديدة من روسيا وكانت اية من الجمال.. المدرسة تقصدت تكعدها يمي وطلبت من عدنة نتعرف على بعض. البنية عرفت نفسها ومن صار دوري التفت على صديقي اسمه علي كتله علاوي الله يخليك اني شاسمني؟ طبعا علي انفجر من الضحك وكال للصف شنو سألته. بس خلص الدرس البنية كامت من يمي وغيرت مكانها...تتوقعون زعلت ؟
9/ سنه كنت فآشل فيهآ درآسيا ؟؟
ولا سنة
10/ اذا انت متخرج من الثآنوي كم كآنت نسبتك وأدبي ولآعلمي؟؟وإذا مو متخرج انت ادبي ولا علمي ؟؟ما اعرف شكد كان معدلي..لكن درجاتي كانت تأهلني ادرس اي شي غير الطب والهندسة الطبية.





:




السؤآل الرآبع:
المنتدى..


آكمل الفرآغآت التآليهـ بالعضو المنآسب..

1/ عضو رهيـــب وخفيف دم ...........
فقار الكرخي٫ رحيل
2/عضو مآودك يغيب ابد .............
كل الاعضاء بدون استثناء...الكل ترك بصمة طيبة هنا واصبح وجوده ضروري
3/عضو تحس لو غآب يهدأ المنتدى..........
هواي.. مثلا سوزان٫ فقار الكرخي٫ ألينا٫ نور
بين قوسين الطبقة المتجبرة.
وين ما اروح اشوفهم كدامي يفترون باقسام المنتدى.. اهدو شوية خلونا نشوف دربنا
يذكروني بايام شبابي
4/ عضو تحسه مميز في بموآضيعه
...............
بالعلمی .. Mohammed K.F
بالادبي.. جواد ( لحد الان لا منافس لهذا العلم)
بالشعر.. فقار الكرخي ( حتى سوالفه شعر)
بالمواضيع العامة.. ألينا ( افكارها متجددة وما تخلص )
5/ عضو يثير اهتمامك ................. اكو اعضاء يهمني حضورهم وتواجدهم بمواضيعي لان يقرون ويشجعوني بتعليقاتهم وتفاعلهم.. مثل سكراب وسوزان وسابقا كانت اسرار الكون ( يمكن اسمها حاليا السيسبان).

6/ عضو تعرفه خارج المنتدى ................
الكثير من الاصدقاء تعرفت عليهم هنا وتواصلت وياهم خارج الدرر..منهم سوزان٫ ادريس٫ زمرد٫ فقار٫ ضياء المالكي.. واقعا اسماء جميلة اشعر بالراحة بالحديث وياهم.. ولو ما تحبوني لكن اني احبكم
7/عضو كآن نشيط وتحس انه صآر خامل...................
ممتابع صراحة..فاعتقد اني اكثر الاعضاء اللي اصابهم الخمول بعد ما كنت جدا نشيط.
8/ عضو ودكـ تگعد وياوتشرب شاي وتاكل .............
كل عضو يعزمني ودي اكعد وياه
9/عضو تعرفت عليه عن طريق المنتدى ..................
كل الاصدقاء هنا تعرفت عليهم من خلال المنتدى.. ذكرت بعضهم بالسؤال السادس.
10/عضو ودك تزوره ...............
اللي ذكرتهم بالسؤال السادس وغيرهم امثال اكرم الياسري. اصلا كلهم اطلبهم عزيمة بس اسافر للعراق
11/عضو تحسه خآرج عن النص دآيم...................
اكو عضو حاليا يمكن اسمه عاشق الحاجة ساندرا..
وسابقا كان اكو عضو نسيت اسمه الان غير موجود..كان دائما يغرد خارج السرب ونبهته شكد من كنت بالادارة بس بدون فائدة.
وحتى تكتمل اجابتي واحصل درجات اكثر اكول ايضا ألينا وسوزان



:





السؤآل الخآمس :

أكتب تعبيـر عن منتدى درر العراق من وجهة نظرك لآيقل عن ((سطرين))
,
:
بصراحة هي جملة واحدة فقط تصف منتدى درر العراق: مجتمع عراقي مصغر.




السؤآل السآدس ((سؤآل مسآعد)) :

اكتب بيت من الشعر او نص تحبه ..

البارحة جواد كتب نص اسمه ( قصة قصيرة..ساحر) بصراحة لجمال النص قريته يمكن اربع مرات او اكثر. فما اريد اختار غيره كجواب لهذا السؤال



:
:


إنتهت الأسئله
كانت صعبة للغاية



بالتوفيــق
معلمة المآده

ألـــيــــنــآ

من هذا كلبك يوجعك
اثاري تريد تتزوج

دكول هيج من البداية ليش تضم

عوف اهلك اني ازوجك

شنو المواصفات التريدها كول

[Mohammed K.F]

موضوع مميز لحضرة المعلمة ويارب تصيرين مديرة

ضيف مميز تحياتي لشخصه

الله لا يكولها...اذا هي معلمة واحنة مخلصانين شلون اذا صارت مديرة؟ ترجعنا للابتدائية اذا مو للحضانة

اجوبة لطيفه كشخصك استاذ محمد كل التوفيق لك

علاوي الطيب نورت يا غالي

[Mohammed K.F]

موفق محمد
شكرا الينا

حياك الله رماد..نورت