هنا

[Mohammed K.F]

اكبر غشاش بتاريخ وزارة التربية العراقية
هو محدثكم

مرة من المرات اخذوني للمدير بسبب الغش
امشي كدام المدرس وبجيبي ورقة الغش ما اكدر اطلعها من جيبي واشمرها
لأن المدرس وراية
واعرف من اوصل للمدير راح يفتشوني
جان امد ايدي بجيبي واطلع الكصكوصة واحطها بحلكي وابلعها
شافني المدرس
وساعه يدور بحلكي
احجي شحطيت بحلكك
استاذ ماحطيت شي
ولك اني شفتك بعيني
ونكرت ويم المدير فتشوني وجان يتفشل استاذ صباح
يكلة الورقة بجيبة
المدير يدور يكلة ماكو وينها
جان يكلة بلعها يمكن


اما سالفة هاي المدرسة
لو هي بدال استاذ صباح
جان ما بلعت الورقة
جان بلعتها الها

هههههههههه خرررب بلع الورقة
خو يسوولك غسيل معدة ويطلعون الورقة
اكول فقار خليك خوش ولد ولا تتحارش بالمدرسة

[Mohammed K.F]

الحمدلله لله ما غشيت
معدلي بالعلمي كان 89
وما اتقبل فكرة الغش

موضوع لطيف
بادرة طيبة من قبلكم اخي الكريم محمد
صباحك أمل

ما تتقبل فكرة الغش؟! مثل قداح ليش عايش؟
ما متندم لان ما غشيت؟
نورت ابو حمودي

[قدّاح]

يا اخي ما تكلي انت المن عايش اذا لا غشيت ولا غششت؟
انعم الله على ذاك الطالب الشقي بسببه سويت عمل خير وحصلت كم حسنة
منور صديقنا

هههههههههه لا ما يجوز .
الغش دمار للبلاد والعباد . شكم معلم وطبيب ومهندس وصلوا للوظيفة بالغش وأساءوا لوظيفتهم .
والحمد لله أن الانسان اللي ما يغش يكون ضميره مرتاح ووظيفته حلال وراتبه حلال .
وآنه لحد الآن متندم على مساعدتي لذاك الولد المتنمر ههههههههه

[Mohammed K.F]

اسولفلكم هذا الموقف..
اني ما اغش بس ما عندي مشكلة اساعد اي شخص يريد يغش.
مرة وحدة بحياتي غشيت جنت بالسادس ابتدائي.. ومن الغباء فتحت الكتاب عالرحلة ونسيته وحتى الجواب نقلته خطأ.
المدرس جان يشوفوني بس ما كال شي.. وكملت الامتحان وسلمت الورقة حسب الاصول.
بعد كم يوم صارت كل المدرسة تحجي بالسالفة ويجون يسألون منو هذا الطالب اللي غش؟ مع العلم الشعبة مالتنة كلهم يغشون بس اني وكم واحد ملتزمين وما نغش.
صار المدرس وين ما يروح يحجي علية ويكول اكو طلاب يخدعونك باخلاقهم وتكول ماكو مثلهم.. بس بعدين يصدمونك ويطيحون من عينك.
كلش انزعجت ورحتله كتله استاذ كافي ترزلني بكل مكان..انت شفتني نقلت ليش ما تعاقبني؟ كال لا ما اعاقبك لان انت اكبر من هيج بهواي...كتله عالاساس هسة ما عاقبتني بعد كل هاي التصرفات!
كال هذا جان درس الك حتى ما تعيدها بعد..وفعلا بعد ما غشيت ابدا.
هم الي عودة احجيلكم شلون جنت اغشش الطلاب

[basher4]

موضوع الغش موضوع مصيبه لمن يسلك مهنة التعليم ومررنا بالكثير الطرائف والمواقف
واليكم واحده
واحد من الاستاذه عصامي بشكل يقلب الدنيا اذا صار مراقب على قاعه الذكي ياخذ اربعين من كد ما يثولهم رعب مو امتحان
قبل كم سنه كنت مراقب وما اشوف الا الاستاذ العصامي يهمس باذني... مو الاخير القبل الاخير علي يمنه ديربالك عليه...
يجماعه شبت بي نار يعني واذا ابن اخوك؛ وين عصاميتك يا يا
من توصل يمك حلت وحرمت على الغير بگلبي بس يشيل راسه صفر والظاهر تدلل استاذ..
عموما كانت العيون ايام الدراسه تتشذر يمين وشمال لكن غير جسر واترعبل وما اذكر حسم نجاحي غش...
تحياتي

[فقار الكرخي]

هههههههههه خرررب بلع الورقة
خو يسوولك غسيل معدة ويطلعون الورقة
اكول فقار خليك خوش ولد ولا تتحارش بالمدرسة

هاي المدرسة ما ادري اشو كلبي
ديرف عليها

[فقار الكرخي]

هاي شنو محد عرف شخصيتها؟

خاف انخمن منو
وهالمرة تسويها عنكود عنب
مثل البارحة من سويتها بطيخة

[المستشار القانوني]

موضوع شيق...
ثق وأعتقد... اموت من ضاهرة الغش... وعمري ماغشيت من الابتدائية للمعهد للكلية... ابدأ ابدا. . وافتخر بهذا الشي....بس اشوف زملائي يربشون بهالبراشيم وماكو ههههههههه ومره صادو بنيه بالكلية بالامتحان غشت.. بس حيل انقهرت عليهه اعتبروهه راسبة.. بالكلية وطلعت تبجي حيل انقهرت عليهه رغم أنه انا ضد ضاهرة الغش... تحياتي...

[انثى مخمليةة]

موضوع حلوو

بما اني اتخرجت
خل اسولفلكم قصتي ويه الغش طبعا انا شاطره بالابتدائيه والمتوسطه والاعداديه ماجنت اغش

ابد
بس بالكليه واجهتني صعوبه بماده الاسلاميه جانت كلش صعبه باول مرحله بالامتحان النهائي
جان الاستاذ الي واكف مراقب عليه كرايبنا الله يذكره بالخير وحب يساعدني لان ضليت بس انا بالقاعه

جاب ولد من زملائي جان شاطر هذا الولد وانطاه الملزمه مالت الحل ووكفاه يم الشباك لان جان الكرسي مالتي يم الشباك

وردلي الجواب ،،،بس من كد الخوف ماكتبت شي الا القليل ونجحت بالدفراات

ههههههه

[Suzana]

اخر مرة غشيت من امتحنت كفاءة اللغة العربية العام المضى ع الحاسبة الولد الجان كاعد يمي يمتحن قرأ اسمي وطلع يعرفني فهو مدخل ملزمة وياه وكل شوية يفتح الملزمة وايكولي باوعي تقريبا سؤالين نصا نقلت هههههه وجبت ٧١