هنا

[Mohammed K.F]

والله فشله
بسبب الطالبات شوفي جواب هل سؤال وشنو جواب هذا السؤال وهنة ديشوفن المُدرسة يعني انكشف انكشف وبالاخير وگعت بيها



والله الرياضيات صعب ومكروه يعني اذا الواحد يغش بي لازم يكون عادي هل شي
بس الغش مينجح ويانا

بس الحمدلله نجحت بذراعك بدون غش وخلصت وبهيج حالة تكون الفرحة اكثر

لا والله جانت الفرحة حتكون اكبر لو نجحت من اول مرة بغش او بدونه
لان العطلة كلها خلصتها دراسة وتوتر..لان جانت اخر سنة وبعدها جامعة وهاي المادة جانت ضرورية باختصاصي

مكمبر وين يعتقلوه وبعدين خطيه منقبل توصل لهالدرجة

هذا لو بوت لو تركي

منا وهيج اللي يريد يغش يگول للمراقب خليني اغش وادزلك شدات وشعبية

ههههههههههههههههه قوية

[علي الواسطي]

اني الي مغامرات لا تعد ولا تحصى
وحدة منهن جنت اتحدى (المدرسات) اكلها اليوم راح اغش وهي تكلي مستحيل فصار الامتحان وجابت الكرسي وكعدت كبالي وكالت خل اشوف تغش اليوم طبعا اني متفق ويه صديقي نبدل بالاوراق وعافت كل الطلاب وبقت يمنه لحد مابقه تقريبا 20 دقيقة من الامتحان فواحد من الطلاب شوية سمين كاعد بالاخير اجه يريد يسلم الورقة الولد الورايه كلي تحضر بحيث الولد من صار بيني وبين المدرسة تبادلنا بالاوراق خلال ثواني اسلم ورقتي بأيد واستلم بالثانية بنفس اللحظة وماشافتنا كملنا اجوبه وكالت هاااا شلونه الغش كتلها تمام كالت هم كلي نقلت كتلها اي كالت شلون وسولفتلها .
ومرة ثانية تحديت مدرسة كتلها الا اخليج تجيبيلي النقل بيدج وبالامتحان اكو فايل بي ورقة الحضور للتوقيع ولد كتب الحل عالفايل وكتلها اريد ورقة الحضور وماقصرت جابتلياها وبقت يمي لأن اني اول واحد كاعد ومن كملت كتلها اني اشكرج كالت على شنو كتلها عالنقل وشوفتها النقل .
ومرة من المرات اسوي البرشومة على كد الكلينساية واخليها بنصها جان تشوفني دكتورة واكفة علينه جان تكلي انطيني الورقة كتلها ماعندي كالت لا موجودة بالكلينكس بس شسوي فتحت الكلينساية ومسحت خشمي بيها كتلها هسه هم ترديها جان تكول اشمرها شمرتها وطلعت غيرها .

ترى هواي عندي سوالف اخلي المجال للبقية

[Mohammed K.F]

صارت بخوك وعفت الامتحان وكتبت الها الاتي
مراقبة في قاعة الرجال

يوم وما أصعبه
يا إخوتي الرجال
حضرت إلى قاعتنا
مراقبة!
سيدة آنسة
لم انتبه
لكنها فائقة الجمال
عيونها كعيون
صقر ثاقبة
تنظر وأي نظرة
قاسية
تقطع الأوصال
فقلت أعطاك الإله
عفة
يردفها الجمال
لكنه لم يكتمل
إلا بغض الطرف
يا أستاذتي
كي ينقل الرجال
نظرت ولم تأبه بنا
قالت لنا محال
صمتا
هدوا
اسكتوا
لا تلتفت
طقات كعب حذاها
تدخلنا إنذار
وجوهنا شاحبة
كل يصد لصاحبه
كأنها ألأسد
ونحن كـ الأشبال
اسمع في كل النساء
رأفة وعاطفة
لكن عينيها بدت
كالخاطفة
وكأنها الزلزال
مسكين من تراقبه
كالموت من تحاسبه
تعسا لكم يا أخوتي
الرجال
مادام راجفة القلوب
مراقبة
وعيونها كعيون
صقرثاقبة
فنجاحكم محال
يا أخوتي الرجال

والله يا خوية لو جنت مدرسة واحد يكتبلي هيج الا اني احل الامتحان بمكانه
يا اخي ركز بالجمال وعيونها اللي مثل عيون الصقر وعوف الامتحان يولي

[Mohammed K.F]

لا هذه الوجبة سنة ٢٠١٦ وتوني منقوله يمهم واليباوع عليه ادنك راسي بس فعلا ماشفتهم يغشوون ههه يعني مو شقا ..
اخر مرة طالب عندي بالرابع العلمي ايخلي مجموعة من الاوراق بالكتاب ويكتب اسمه عليها وبكل ورقة امتحان كومة تمارين محلوله بحيث الجاي يبقيه والمو جاي يمسحه فانتبهت عليه مرتبك جان اخذت الكتاب وفتشته لكيت الاوراق حلفلي "والله" طبعا هذن اراجع بيهن ونسيتهن بالكتاب..
طلعته بره ودزيته للمدير واجا ولي امره ..
ولي امره والدته طبعا اعتذرت المره وكالت ادري بابني مو خوش ادمي بس مااكدرله سامحيه لخاطري ..كتلها روحي خاله الله وياج بس خل يعيد الامتحان واعتبري مصاير شي هههه

هههههههههه عالاساس هاي رقة وتعتبرين نفسج سامحتي الولد؟ بس يعيد الامتحان
لعد شنو جنتي ناوية تشنقنين الولد؟ لو تودينه يقاتل داعش؟

[قاسم البهادلي]

والله يا خوية لو جنت مدرسة واحد يكتبلي هيج الا اني احل الامتحان بمكانه
يا اخي ركز بالجمال وعيونها اللي مثل عيون الصقر وعوف الامتحان يولي

والله ذكرتني بيها ونزلتها هسه بقلمي
ونجحت والحمد لله

[Suzana]

هههههههههه عالاساس هاي رقة وتعتبرين نفسج سامحتي الولد؟ بس يعيد الامتحان
لعد شنو جنتي ناوية تشنقنين الولد؟ لو تودينه يقاتل داعش؟

جنت ناويه احطله صفر بس مادامه شالع گلب امه بالبيت اجي اني هم اشلع گلبها ..

[Mohammed K.F]

اني الي مغامرات لا تعد ولا تحصى
وحدة منهن جنت اتحدى (المدرسات) اكلها اليوم راح اغش وهي تكلي مستحيل فصار الامتحان وجابت الكرسي وكعدت كبالي وكالت خل اشوف تغش اليوم طبعا اني متفق ويه صديقي نبدل بالاوراق وعافت كل الطلاب وبقت يمنه لحد مابقه تقريبا 20 دقيقة من الامتحان فواحد من الطلاب شوية سمين كاعد بالاخير اجه يريد يسلم الورقة الولد الورايه كلي تحضر بحيث الولد من صار بيني وبين المدرسة تبادلنا بالاوراق خلال ثواني اسلم ورقتي بأيد واستلم بالثانية بنفس اللحظة وماشافتنا كملنا اجوبه وكالت هاااا شلونه الغش كتلها تمام كالت هم كلي نقلت كتلها اي كالت شلون وسولفتلها .
ومرة ثانية تحديت مدرسة كتلها الا اخليج تجيبيلي النقل بيدج وبالامتحان اكو فايل بي ورقة الحضور للتوقيع ولد كتب الحل عالفايل وكتلها اريد ورقة الحضور وماقصرت جابتلياها وبقت يمي لأن اني اول واحد كاعد ومن كملت كتلها اني اشكرج كالت على شنو كتلها عالنقل وشوفتها النقل .
ومرة من المرات اسوي البرشومة على كد الكلينساية واخليها بنصها جان تشوفني دكتورة واكفة علينه جان تكلي انطيني الورقة كتلها ماعندي كالت لا موجودة بالكلينكس بس شسوي فتحت الكلينساية ومسحت خشمي بيها كتلها هسه هم ترديها جان تكول اشمرها شمرتها وطلعت غيرها .

ترى هواي عندي سوالف اخلي المجال للبقية

والله انت لازم ينطونك جائزة
ومحد بيهن عاقبتك او سوتلك شي؟
اي والله بعد سولف

[Mohammed K.F]

والله ذكرتني بيها ونزلتها هسه بقلمي
ونجحت والحمد لله

يلا حصلنا موضوع وقصيدة تخبل من شاعر مبدع
هاي اعتبرها احد انجازاتي بهذا الموضوع

[Mohammed K.F]

جنت ناويه احطله صفر بس مادامه شالع گلب امه بالبيت اجي اني هم اشلع گلبها ..

يعني اذا يعيد الامتحان مو معناتها راسب؟

[Suzana]

يعني اذا يعيد الامتحان مو معناتها راسب؟

احتمال ينجح اذا يقرأ ..هو كورسات من 15