هنا

[فقار الكرخي]

نريد نعيش.

وما نسمع قنابل صوت نسمع بس خراخيش
نريد بهل وطن نرتاح حتا نعيش

كافي نوح

بعد فصل الخريف بعيد جا ليش الورد مذبوح
جا ليش الوطن لابس هدوم السود
جا ليش الوطن مجروح

كافي نموت

جبنه احنه العمر ميتين وبلا صوت
من كد ما نطينه ارواح من يمه وبجه تابوت

كافي نموت
كافي السياسي يبوك شعب بسكوت
وطن مـات الكـمـر بيهه وبلا حوت



نريد لهل وطن ضحكاته تنعاد
نريد بهل وطن تضحك بعد بغداد

كلشي نريد بس ما ردنه ذله نعيش
ردنه بهل وطن مامش عبوديه
ردنه نام وحنه بوطن وبحضنه مرتاحين
شعب متعوب خلص عمره بسجن ويريد حريه
تره نص الــعــمــايم صــيــت وبــلا ديـن .
عشنه بهل وطن ميتين كافي نموت يوميه

بـعـد مـنـخـاف
عـرفـنـه الـخـوف مـيـشـبع شعب جوعان
عرفنه اليريد يعيش ما يسجد ابد ليران
بلد متروس بس احزاب تسجد تعبد التومان
بلد متروس بس احزاب تاخذ امر من طهران


لــ احــمــد الــمــنــدلاوي

[انثى مخمليةة]

شكرا فقار