هنا

[أنثى حائرة]

مساء الخير..

اني طالبة جامعية عمري ما بين ال٢٠-٢٢ عندي قلة ثقة بنفسي بشكل جبير بحيث كارهة شكلي جسمي شخصيتي تفكيري كلشي بيه وشخصيتي كلش ضعيفة وعايشة حياتي بتوتر وقلق وخوف غير مبرر من كلشي ومااعرف اعبر عن وجهة نظري وسببلي هذا الشي احراجات وتقليل من قيمتي من قبل الاخرين حتى اهلي..
ما اعرف السبب الرئيسي لكن يمكن لانه عشت ببيت عبارة عن مشاكل اهلي دائما يتعاركون من جنت طفلة والى الان وابوية جان ولازال يضرب امي بشكل هستيري من يعصب لكن عندي اخوان وعاشوا الي عشته وشخصياتهم كلش قوية وواثقين من انفسهم ممكن بسبب تربية اهلي ومجتمعنا واختلاف تربيتهم للبنية والولد بحكم الرجل لازم تكون شخصيته قوية وغيرها،
المهم مثل مذكرت سابقا كارهة حياتي ويأست من كلشي احيانا افكر اتواصل ويا معالج نفسي بس ما اعرف احد واهلي ما اعتقد حيوافقون
فياريت اذا شخص مر بهاي الحالة قبل او يعرف فد حل معين يساعدني بي والله بعد ما اگدر اطيق نفسي اكثر..
واعتذر جدا اذا جان عندي خطأ معين بطرح مشكلتي او هيج شي

[ضياء المالكي]

عادية الكثير من الناس يمر بهذه الظروف وخصوصاً المشاكل العائلية تتراكم حتى تكون بهذا الشكل
تحاولين تغيرين حياتك الى شخصية اخرى
من اليوم أبدي انسي شخصيتك القديمة الشخصية المهزومة والخائفة
حددي هدف معين للانتقالة الى نمط حياة يختلف عن السابق
وستحققين نتائج عظيمة جدا
تحاولين تقرأين شيء عن قوة الشخصية اكو هواي كتب عن هذا الموضوع

[قاسم البهادلي]

قيمة الذات وسبل الحياة دون اي منغصات
​من مسئوليتك انتِ المشاكل في كل المجتمعات العربية والعالمية
وتجنبها يحتاج الى دراية وفطنة وقدرة على التحمل ومحاربة النفس الشريرة
التي تريد الرد على الاساءة بمثلها واعلمي بُنيتي ان الصمت من الحكمة
اذا اردت الحديث فالحديث طويل اتمنى لك السعادة وراحة البال

[Laraa]

فكرة العلاج النفسي فكرة جيدة
اكو موقع ع الانستا يقدم خدمة للعلاج عن طريق الاتصال مع الطبيب
بصراحة اني جربتهم بفترة دراستي بالماستر الكورس الاول كنت ضايعة ومشتته و وصلت مرحلة صرت اخذ مهدئات
لمجرد افكار وسواسية او يمكن حجة اني اختلقها حتى اهرب من الدراسة بالنتجية لحكت على نفسي

لكن اذا شفتي الموضوع صعب انه تتواصين ويه طبيب
يبقى ماعندج غير ان تواجهين و تحلين مشكلتج بنفسج , لازم ما بيها مجال
اكيد انتِ تعرفين شتريدين , اللي تريدي حاولي تحققي حتى لو هوايات حاولي تمارسيها
حاولي تتعلمين اشياء جديدة حياكة , خياطة , كروشيه و اليوتيوب يعلم ماكو شي صعب
اقري كتب بالمجالات اللي تحبيها القراءة بكثرة تساعدج تفهمين امور كثيرة , تفتحلج عالم جديد
و تساعدج على الكتابة , حاولي تكتبين , اذا عندج اختج او اي احد تثقين بي احجيله اللي تحسين بي
او احجي لنفسج بصوت عالي او اكتبيه او ارسميه المهم لتبقين شي بداخلج

واكيد اولًا واخيرًا حاولي تتواصلين ويه طبيب واتمنى لكِ السكينة والطمأنينة

[fairy touch]

مرحبا عزيزتي ...
الحقيقة ، شيء رائع انه من خلال سطور قليلة ، وصفت ِِ بدقة ، مشكلة لو ينطوني دفتر ما اعرف منين ابدي بيها و وين اوصل ، و لا يمكن اعرف اشرحها للناس ..
و انت ...خليتينا نشوف بكل وضوح ..الصورة ..من بدايتها لنهايتها ...
و بعد هذا تگولين انه انت شخصيتج ضعيفة و ما تعرفين تعبرين عن وجهة نظرچ !!!!!
معقول ؟!
اسمحيلي عزيزتي ...
انت ، بعد الملاحظة اللي ذكرتها اعلاه ، تبين انه دا تقللين من مواهبچ و مغمضة عيونچ عن مزايا و جوانب قوة بشخصيتج ...موجودة ، بس انت مدا تشوفيها ، ما مؤمنة بيها ، و بالتالي مدا تستعمليها ..هنا ..مو بس العائلة سببت المشكلة ،انت المجرم الاكبر بحق نفسچ ..
تعالي نستعرض نقاط التفوق اللي شفتها بكم سطر ، و ظهرت بدون انت ما تقصدين ، بل بالعكس ، و انت داتحاولين تطمريها ..
١. انت تجاوزتي مرحلة الطفولة و المراهقة ، يعني خلصتي من مرحلة الضعف الاكبر ،و صرت انسانة راشدة ، عرفا و قانوناً ...و هذا يترتب عليه انه التأثير النفسي السلبي للظروف المحيطة ، اصبح اقل على شخصيتج منا و جاي .
٢. انت امام المجتمع بنت لها اسرة تحميها و اخوة و بيت ، مصانة و محفوظة ..و هذي نقطة قوة ظاهرية بالمجتمع ...ما يحس بيها الا اللي ما عنده اهل و بيت .
٣. انت طالبة جامعية ....يعني هسة في اروع مراحل حياتك على الاطلاق ..اول نصيحة، و هاي كلمة دائما اگولها ، اكتسبي خبرة حياتية مجانية ، الكلية مجتمع مصغر ، من تنجحين اجتماعيا بيه ، رح تنجحين بحياتچ القادمة بأذن الله..
استمتعي برفقة صديقاتج ، لا تحسين بأي نقص ، لأن انت فعلا ما عندچ نقص ، كل وحدة من البنات اللي حولچ عندها مشاكل بگد شعر راسها ..منو ما عنده خوف و مشاكل ؟
بس السبع ، اللي يتصرف من منطلق ما يبين مشاكله ..اروح للدوام ، اشمر مشاكلي كلها ورا ظهري ..اتونس وية صديقاتي ...اتعلم و اختلط بالناس ..و اشتري اكثر مما ابيع ..يعني اخذ اكثر مما انطي ...لا تخلين اي احساس بالضعف يبين عليچ ..لأن بالحقيقة انت لا ضعيفة و لا اقل من اي وحدة من زميلاتچ .
٤. شنو سالفة اكره شكلي ؟
شبيچ ؟ سمينة ؟ اضعفي .
ضعيفة ؟ اسمني .
ملامحچ ما تعجبچ ؟ نص البنات اذا مو اكثر يشوفون نفسهم مو حلوات ، لكن الحلاة ، حلاة الشخصية ...شوفي فيروز المغنية ...ترا فيروز ملامحها جدا غريبة و مو جميلة .... لكن بس ركزي بوجهها و هي تغني ..رح تشوفيها فد الهة من آلهة الجمال و الرقي ..الى درجة اتمنى اغوص بملامحها ..و كل حركة من حركات وجهها ...
الذكي و الواثق من نفسه ..هو الحلو ..و انت ..جدا ذكية كما وشت لنا سطورك و تشخيصك الرائع للمشكلة .

يا بنتي ، انسي الماضي ...و لا تفكرين انه تحكمين على نفسچ بالضعف ...حتى لا تتصرفين بضعف ..
و لو ما المكان هنا ما يوسع ..كان حكيت عن تجربة شخصية ..كنت في بدايتها ضعيفة و خايفة ..و بعدين قررت اتغير ..و كان قرار انفجاري قلب كل الموازين ..
دائما نگدر نفتح صفحة جديدة ...
لا تخافين و لا تستحين ..ماكو احد احسن من احد ..

اتمنالك التوفيق ...يا حلوة ..و يا ذكية .

[Legend of fall]

مرحبا عزيزتي ...
الحقيقة ، شيء رائع انه من خلال سطور قليلة ، وصفت ِِ بدقة ، مشكلة لو ينطوني دفتر ما اعرف منين ابدي بيها و وين اوصل ، و لا يمكن اعرف اشرحها للناس ..
و انت ...خليتينا نشوف بكل وضوح ..الصورة ..من بدايتها لنهايتها ...
و بعد هذا تگولين انه انت شخصيتج ضعيفة و ما تعرفين تعبرين عن وجهة نظرچ !!!!!
معقول ؟!
اسمحيلي عزيزتي ...
انت ، بعد الملاحظة اللي ذكرتها اعلاه ، تبين انه دا تقللين من مواهبچ و مغمضة عيونچ عن مزايا و جوانب قوة بشخصيتج ...موجودة ، بس انت مدا تشوفيها ، ما مؤمنة بيها ، و بالتالي مدا تستعمليها ..هنا ..مو بس العائلة سببت المشكلة ،انت المجرم الاكبر بحق نفسچ ..
تعالي نستعرض نقاط التفوق اللي شفتها بكم سطر ، و ظهرت بدون انت ما تقصدين ، بل بالعكس ، و انت داتحاولين تطمريها ..
١. انت تجاوزتي مرحلة الطفولة و المراهقة ، يعني خلصتي من مرحلة الضعف الاكبر ،و صرت انسانة راشدة ، عرفا و قانوناً ...و هذا يترتب عليه انه التأثير النفسي السلبي للظروف المحيطة ، اصبح اقل على شخصيتج منا و جاي .
٢. انت امام المجتمع بنت لها اسرة تحميها و اخوة و بيت ، مصانة و محفوظة ..و هذي نقطة قوة ظاهرية بالمجتمع ...ما يحس بيها الا اللي ما عنده اهل و بيت .
٣. انت طالبة جامعية ....يعني هسة في اروع مراحل حياتك على الاطلاق ..اول نصيحة، و هاي كلمة دائما اگولها ، اكتسبي خبرة حياتية مجانية ، الكلية مجتمع مصغر ، من تنجحين اجتماعيا بيه ، رح تنجحين بحياتچ القادمة بأذن الله..
استمتعي برفقة صديقاتج ، لا تحسين بأي نقص ، لأن انت فعلا ما عندچ نقص ، كل وحدة من البنات اللي حولچ عندها مشاكل بگد شعر راسها ..منو ما عنده خوف و مشاكل ؟
بس السبع ، اللي يتصرف من منطلق ما يبين مشاكله ..اروح للدوام ، اشمر مشاكلي كلها ورا ظهري ..اتونس وية صديقاتي ...اتعلم و اختلط بالناس ..و اشتري اكثر مما ابيع ..يعني اخذ اكثر مما انطي ...لا تخلين اي احساس بالضعف يبين عليچ ..لأن بالحقيقة انت لا ضعيفة و لا اقل من اي وحدة من زميلاتچ .
٤. شنو سالفة اكره شكلي ؟
شبيچ ؟ سمينة ؟ اضعفي .
ضعيفة ؟ اسمني .
ملامحچ ما تعجبچ ؟ نص البنات اذا مو اكثر يشوفون نفسهم مو حلوات ، لكن الحلاة ، حلاة الشخصية ...شوفي فيروز المغنية ...ترا فيروز ملامحها جدا غريبة و مو جميلة .... لكن بس ركزي بوجهها و هي تغني ..رح تشوفيها فد الهة من آلهة الجمال و الرقي ..الى درجة اتمنى اغوص بملامحها ..و كل حركة من حركات وجهها ...
الذكي و الواثق من نفسه ..هو الحلو ..و انت ..جدا ذكية كما وشت لنا سطورك و تشخيصك الرائع للمشكلة .

يا بنتي ، انسي الماضي ...و لا تفكرين انه تحكمين على نفسچ بالضعف ...حتى لا تتصرفين بضعف ..
و لو ما المكان هنا ما يوسع ..كان حكيت عن تجربة شخصية ..كنت في بدايتها ضعيفة و خايفة ..و بعدين قررت اتغير ..و كان قرار انفجاري قلب كل الموازين ..
دائما نگدر نفتح صفحة جديدة ...
لا تخافين و لا تستحين ..ماكو احد احسن من احد ..

اتمنالك التوفيق ...يا حلوة ..و يا ذكية .

اتمنى ان تكون فعلاً قرأت هذا التعليق !

[ايليتا]

ستجدين كلامي غريب... احساسك كان يلازمني دوما.. اعتقد انك كتبتي عني قبل أن أخوض غمار العمل واجد ما لم يكن في الحسبان.. اليوم انتي تعيشين بين اهلك وصديقاتك وتجربتك محاطة بين عيون هؤلاء الناس.. ومن فرط حمايتهم لكِ تصورين انه شي سلبي ويقلل ثقتك بأنجازاتك لكن بالصميم انتاجك لأي جديد بهذه المرحلة يكون ضمن أسرتك لان بعد كم سنه راح تتخرجين أو تتزوجين أو تعملين وإذا كان عندك طموح دراسات راح تنشغلين عنهم... الأسرة السعيده هي من تتخاصم وتتشاجر من أجل بعضهم البعض صدقيني حينما يسود الصمت ويبدأ التجاهل وتدخلين للبيت كأنهم ضيوف شرف بحياتك هنا يجب أن تحزني... عندما يضرب أباك امك انه اكبر خطأ لكنه يجده في عين نفسه صواب... اعتبرني رجل ذو طباع حاده ممكن أن يوجد مثله الملايين لكن ان تعاملت معه على هذا الأساس راح تقبلين تصرفاته عاديه وانت وذكائج ودبلماسيتج لان البنت حبيبه الأب مهما يحدث كوني صديقة له هناك مرحلة عمريه يفقد بها الأب السلطة على أولاده حينما يبدون مشوار حياتهم دون استشارته مما يؤدي إلى حدوث نزاعات وخصومات باعتباره هو الأب يجب أن يكون مرجع وحيد لكل خطوة تخطوها.. مهما يكن وجودهم نعمة.. كم سنه كلشي حيتغير.. حبيهم وعيشي لحظاتكم بسعاده وصدكيني الشكل مو مهم أهم شي بسمتك وثقتج بنفسج شي انتي تنطي مو تاخذي من أحد... اهم نقطه كوني كبيره بعين نفسك حتى الآخرين يقدرون هالشي بيج ولا تنطين بنفسك ابد.. وهناك جميلات لكن يفتقدون الاحساس العالي بالآخرين... مبين عليكي طيوبه وذكيه حرامات تهدر عمرك الحلو بتفكير مو صحيح... خصصي لنفسك وقت للرياضه البسيطه مهما كان وزنك وعلى نغمات تحبيها..
اشربي مي هواي يحسن مزاجك
كافئي نفسك بقطع شوكولاة مرة بالاسبوع... وابد ابد ابد لتعتمدين بسعادتك على انسان غير نفسك
احيانا الشي البسيط بحياتك يتمناه غيرك امنيه.. فلاتثقين بصديقة مهما صار وحدث ولا بأي انسان يقلل من ثقتج بنفسك و هذا الشي اقضي عليه هسه من ذاتك انتي وصدكيني ماكو أجمل من امرأة تملك قلب طيب وحنون و الرقة مطلوبه بالصوت والنزاكة والتنسيق باللبس والسوق مليان بضاعه حلوة مناسبه لكل الأوزان... وهاي شوفي نفسك بطلة الفلم مال حياتك مو تكونين انتي مساعدة البطله لا حبيبتي عيشي دور البطوله دوما... استمتعي بأصغر التفاصيل فالسعاده ابد مو مجانيه إذا اعتمدت على أشخاص آخرين.. نصيحة أخيرة رغم طولت عليج
يجيج وكت وتكولين اني شكو بمشاكل ابي وامي هم اشو يتعاركون ويتصالحون بس نسوا انتو موجودين لازم يكونون حذرين لان يتصورون هاي مشاكلهم الخاصه ومراح تحسون بيهم... رغم انتو تعيشوها كأنها بسببكم حصلت رغم انتوا ابدا مو طرف بالموضوع.. فأنتي بعدي نفسك عن سوالفهم تره هم متصافين بس هاي بعد يحبون يهنبلون الاهل وكت العصبيه مظغوطين بسبب الحياة وصعوباتها... أي وشغله مهمه جدا الإنسان هو يقيم نفسه إذا متنطين حق نفسج راح يستغلون هالشغله بيج اما اهلج أو صديقات أو بالدوام أو زوجج وحتى أطفالج بالمستقبل إذا حسستيهم انتي ما واثقه من نفسك.. لذى زين سويتي تكلمتي هاي اول خطوة صح... وحاول تكتبين مشاعر بورقه والي ميعجبج احرقي واكتب طموحاتج وخلال سنه شنو حققتي راح تشوفين إنجازات يمكن صغيرة لكن بمرور الوقت تصقلين شخصيتك وتكونين فد شي روووعه
وللعلم ديفيد شارلي سمحون الحقيقي ماكان جميل لكن اسلوبه بالتعامل كان فد شي لهذا خله الكل ينعجب بي ويحبه بمسلسل رأفت الهجان اكيد سامعه بي... وبالنسبة أجمل الممثلات بحياتهن العاطفية تم خيانتهن وطلاقهن وفشلن بالعمل لان اخفقن في رفع قيمة أنفسهن لهذا وقعن في بئر الناس الرخيصه إلى تحب تقلل من الي أمامها...
حبيبتي كل التوفيق وقلبي معك لأنني كنت يوما ما أشعر تماما كما تشعرين وتأسفت على حالي إذا يرجع بيه الوقت اعيش لحظه بلحظه وابد مو انانيه أن تبحثين عن سعادتك لان راح تسعدين غيرك طالما انتي حولك هالة الفرح

[Sωeeτ]

مشاركات وافية