السلام عليكم
يمكن قليل جدا الي يتابع عمل العتبات الحسينية والعباسية بكربلاء وقليل الي يطلع طريقتهم بالعمل والتخطيط وميزانية العمل
العتبات الحسينية اليوم اظهرت جدارتها في بناء الدولة من حيث مشاريعها الاستثمارية الكبيرة استطاعت من خلالها تقليل البطالة من حيث عدد العاملين في مشاريعها واستطاعت تطوير الواقع الصحي وجلب الكفاءات للعمل في مشافي حديثة ومتطورة وحققت انجازات لم تستطع الحكومة انجازها على مدى 20 عام
ناتي لمشاريع العتبة الحسينية :
*انشاء مراكز الشفاء بجميع محافظات العراق 17 مركز باحدث الاجهزة وافضل الاعمال الهندسية واقل تكلفة واقصر وقت
وهذي صور لبعض المراكز
* تعفير ودعم ومساعدات للعوائل الفقيرة
*انشاء معمل للمياه واخر للاوكسجين لدعم المستشفيات وايصاله للحجر المنزلي
*تصنيع روبوتات لخط الصد من قبل كتائب سيد الشهداء التابعة للعتبة
*بناء مدارس مخصصة للابتدائية والمتوسطة والثانوية في كربلاء للفقراء واليتامى بواقع 150 صف دراسي لكلا الجنسين
*انشاء معامل للمنتوجات الغذائية والمواد الانشائية دعما للمنتوج المحلي
*انشاء اكبر مصنع للادوية في العراق يفتتح بداية عام 2021
*انتاج الاف الكمامات واطنان من المعقمات وتوزيعها على المستشفيات
*انشاء اكبر مطحنة في العراق لتقليل الاستيراد وتشغيل الايدي العاملة
*انشاء مركز فريد من نوعه لاضطرابات التوحد
*انشاء اكبر مفقس اسماك بالعراق دعما للمنتوج المحلي
*انشاء اكبر مركز لعلاج السرطان في البصرة
*انشاء مقبرة لضحايا فيروس كورونا
*تعديل وتأهيل عدد من شوارع كربلاءبعنوان: دورنا هو تقليل حزنهم
حين امتنع الجميع عن استقبال ضحايا كورونا استجابت مرجعية النجف وانشأت لهم مقبرة تضم جميع مكونات العراق بمساعدة الفصيل العسكري التابع لها
نيويورك تايمز
هاي بس العتبة الحسينية
اذا صارلي وقت انزللكم انجازات العتبة العباسية
ويجي واحد يكول وين جاي تروح فلوس العباس والحسين لو واحد يكول ليش مينطون لفلوس لوزارة المالية لك رواتب ما انطوكم وانوب تنطيهم العتبات حته ثاني يوم يبوكون شباج الضريح
زين كل هل الانجازات ويجي واحد يكول شمسوين هي فلوس الائمة مو من جيبهم اسئلك بالله الحكومة شكد صارلها مو 17 سنة انطيني مشروع واحد سوته الحكومة اذا ما باكت بيه مليارات وضل ع النص .. وكلها من جيبك يا فهيم
مراكز الشفاء الي تتبناها العتبة الحسينية اتقدم خدمات مجانية للمحافظات وتكلفتها ما تتجاوز ال٣٠٠ مليون دينار، ومدتها ما تتجاوز الشهر
جيبلي مشروع كدرت الحكومة تنفذة بهل وقت القصير ؟
لو مشروع يكلف 300 مليون اذا ما سووه مليار ؟
ضروري جدا نستفاد من العتبات ببناء العراق لان اظهرت براعتها وتفننها بالصناعة والتطوير والدعم والامكانية والتخطيط الهندسي والفكري
بصراحة اني جدا معجب بمشاريعها ومتابعها من زمان الي ضوجني وسويت هذا الموضوع اطفال الفيسبوك الي ينشرون عن العتبات بدون ما يطلعون على انجازاتها وشلون دعمت الصحة بالعراق
الي عندة غير رأي يبينه نحترم جميع الاراء
وجميع التعليقات تقيم
رد مع اقتباس
المشاركة الأصلية كتبت بواسطة Jawad980
