شلون تتعامل ويا الانثى
١-لتتأخر عليهه بالموعد لان مراح تسكتلك و اذا هي تأخرت عادي بس انت لا يا حبيبي اصلاً لتفتح حلكك
٢-لتدك عليهه هواي لان راح تلكه ساجده عبيد ترد عليك وتعرف ساجده عبيد بعد شلون شايله صوتاما اذا هي دكت عليك لا يا حبيبي لازم من اول دكه انت مجاوبهه شنو من اول دكه لا والله لازم قبل لتسمع صوت الطوط بأذنهه واتمنى الوالده تكون مداعيه عليك بيومهه وتكون ناسي التلفون بالبيت وطالع
٣-اذا شفتهه زعلانه نصيحه مني باوعلي من احجي وياك لو راح تسألهه ٥٤٤٢٧٨٧٤٣ مره شبيج مراح دكلك شبيهه يا عيني شغل خاصية التحقيق واعرف انت شبيهه ويا ويلك وعذاب ليلك اذا معرفت شبيهه لان هنه عدهن قياسات خاصه اذا معرفت معناها متحبهه
٤-الاهتمام ثم الاهتمام ثم الاهتمام مثل ما وصو بسابع جار انت لازم توصي بسابع اهتمام واحب انصحك عزيزي المشاهد الكريم المكرود المظلوم المغلوب على امرك انت لازم تهتم ٤٨ ساعه خلال ٢٤ ساعه ولدكلي شلون ما اعرف شدلك ماطور مال مبرده لان هي كلش تحتاج هالشي واكثر شي لازم تهتم بي
٥-ونصيحه اخيره لحضرة جنابك المظلوم من دكلك انطيني تلفونك لتحاول تماطل ولا تفكر ترمش اصلاً كبل انطيهيا وحاول تخلي فارغ دائماً حته لتطلع عليك جوله تفتيشيه مثل ما هو موضح في الصوره ادناه للمرحوم ماشي يا عيوني ؟ ماشي يا خويي؟عبالك الحب سهل؟
تعرف لو مسويت ذني كلهن شيصير بيك؟
تابع الاخبار وشوف النسوان شديسون بالزلم
#فاعلة_خير
ثيماللا مرتين
رد مع اقتباس
المشاركة الأصلية كتبت بواسطة تشيللو
