مثال الثقة في النفس والاستقلال، ومع ذلك تحب اوي اللي يحسسها بمدى روعتها وتعشق الاهتمام جدا، تحب تبقى محاطة بشلة من المعجبين طول الوقت، وشخصيتها الظريفة اللي بتشع مرح وحب للاخرين بتخليها فعلا محاطة بمجموعة كبيرة من الاصدقاء المحبين لها ولطبيعتها، بتعرف ازاي تحافظ على علاقات الصداقة اللي في حياتها عشان عمرها ما تتأخر على حد محتاج مساعدتها او دعمها، شخصيتها اللطيفة بتخليها تسامح بسرعة وصعب انها تشيل من حد، ناجحة وقيادية وتحب تحط الامور كلها تحت سيطرتها لما بتحط هدف قدام عينيها بتعرف ازاي توصله، بتكره الروتين والملل اللي بيسببولها الاحباط، بتحب التغيير وتجربة الحاجات الجديدة، بتستنى الشكر والتقدير والمجاملات من المحيطين بيها وتحب تحس ان اللي اصحابها محتاجين لوجودها في حياتهم لأنها طول ما هي بتحس بكده طول ما حتكون سعيدة، كل الصفات دي بتنعكس على استايل هدوم انثى برج الاسد
محور الاهتمام
هو ده هدف انثى برج الاسد انها تكون مجور الاهتمام ومحط الانظار، وده بيحدد طريقة اختيارها للبسها عشان كده بتختار الطبعات الملفتة زي نقشة النمر والفرو والحرير الطبيعي والجلد اللامع والهدوم المطرزة واي حاجة تلفت النظر، وده كمان نفس الوضع بالنسبة للالوان اغلب دولابها من الاحمر والاسود والدهبي وغيرهم من الالوان الجريئة
استايل هدوم انثى برج الاسد
الجرأة
استايل انثى برج الاسد بيتميز بالجرأة والتمرد تحب تبتكر شوية تقاليع ولمسات على استايلها تخلية جريء زي انها تلبس قطعة من الحرير المطرز او الساتان اللامع في الشغل او في خروج النهار، او غيرها من اللمسات اللي بتتحدى الهدوء والقيود بس الجميل فيها انها بتعرف ازاي تعمل ده من غير ابتذال بل على العكس بتقدر تبتكر طقم في قمة الانوثة والفخامة وبيتماشى مع قواعد الذوق في نفس الوقت اللي بيتميز فيه بالجرأة.
استايل هدوم انثى برج الاسد
التركيبة الفريدة
نقدر نقول ان انثى برج الاسد هي اول واحدة بتلبس التريند اول ما ينزل وده بسبب ثقتها في نفسها اللي بتخليها تقدر تجرب اي شيء جديد وميهماش الانتقاد، وبتعرف ازاي تعمل توليفة كده وتركيبة معينة خاصة في الكاجولات محدش بيعرف يظبطها قدها، لأنها بتراعي الموضة والتجديد والجرأة في الالوان والطبعات والخامات وبتحطهم مع بعض في قالب من الاناقة والفخامة من غير ابتذال او انعدام ذوق، تركيبة فريدة جدا من الاختيارات اللي بتخلي لها استايل مميز ملفت وجذاب وفي منتهى الشياكة في نفس الوقت
استايل هدوم انثى برج الاسد
انثى برج الاسد والسهرات
ملكة السهرات والاناقة بتعرف ازاي توفق الاستايل الخاص بالسهرة اللي هي رايحاها وتظبط عليه طقمها بحيث يبقى مريح وانيق وجذاب ويخليها نجمة السهرة بلا مناذع، واهم قطعتين بتهتم باختيارهم في طقم السهرة الخاص بيها هما البالطو او السويتر والشوز، اللي لازم يكونوا عنوان الاثارة والانوثة وبتعتبرهم من اساسيات اطلالتها ومش مجرد كماليات
استايل هدوم انثى برج الاسد
الاكسسوارات
انثى برج الاسد بتدي عناية فائقة لاكسسوار الشعر وتسريحة الشعر او لونه او الايشارب، من الاخر كده اي حاجة بتتحط على راسها وبتهتم بيها زي اي قطعة تانية في لبسها من ناحية اناقتها وتناسق الالوان مع باقي اللبس او انها تختار التسريحة المناسبة يعني عمرها ما بتغفل عن النقطة دي او بتتعامل معاها بشكل متواضع، وبتعتبر النضارة سواء شمس او نظر من القطع المهمة جدا في اطلالتها عشان كده عندها مجموعة من احدث الموديلات في النضارات، اما الحاجة التانية المهمة في اختيار انثى برج الاسد لاكسسواراتها فهي انها بتعتمد على الدهب بشكل خاص في قطع المجوهرات بتاعتها ونادرا جدا لما بتلبس الفضة او الامسسوارات الملونة او حتى الالماظ
اكيد في عوامل كتير اوي بتأثر في موضوع اللبس واختيار الهدوم ده، لكن بشكل عام دي الصفات المشتركة اللي بتحدد استايل هدوم انثى برج الاسد
رد مع اقتباس