العرفان .. !!
-العرفان لغة هو "المعرفة" ، وأما معنى العرفان عند العرفاء فهو : المعرفة اللي تجي عن طريق القلب ، وليسعن طريق العقل أو التجربة ..
-شنو اقسام العرفان ؟
-ينقسم العرفان إلى قسمين :
الأول : العرفان النظري : اللي هوه العلم بالله تعالى وأسمائه وصفاته وتجلّياته ..
-شلون يعني ؟
- يعني إعطاء رؤية كونية عن المحاور الأساسية في عالم الوجود ؛ اللي هيه : الله ، الإنسان ، العالم ..
الثاني : العرفان العملي : اللي هوه عبارة عن العلم بطريق السير والسلوك إلى الله ، فمن أين يبدأ هذاالطريق ، وإلى أين ينتهي ، وما هي المنازل والمقامات التي يجب أن يسلكها العارف للوصول إلى الله تعالى، وكيفيّة مجاهدة النفس للتغلّب على ميولها وتحريرها من علائقها ، حتى تستطيع طيّ المراحل في سيرهاإلى الله تعالى ..
-شنو موضوع علم العرفان ؟ يعني علم العرفان عليمن يركز ؟
-موضوع علم العرفان هو "الله" ؛ يعني علم العرفان يركز على ضرورة معرفة الله وصفاته وأفعاله ..
- حلو ، زين شنو الهدف من العرفان ؟
-الهدف هو الوصول إلى الله والذوبان فيه ، يعني تشوف الله في كل شيء ، وتغفل عن اي شي غير الله ..
- يعني اللي يصير عارف بعد مايشوف هاي الموجودات : سماء ، أرض ، بحر ، انسان ، حيوان ، الخ ، هايكلهه تصير معدومة عند العارف وبعد ميشوفهه ؟
-لا مو هيج الحجي أبو الشباب ؛ العارف يبقه يشوف باقي الأشياء ويعتقد انو الهه وجود حقيقي ، بسبنفس الوقت يشوف العارف هاي الاشياء هي تجلي من تجليات الله ، ومظهر من مظاهر الله ..
-خوش ، زين شنو المنهج المتبع في علم العرفان ؟ يعني شنو الطريق اللي من خلاله نكدر نوصل للحقائق حسيب علم العرفان ؟
-الطريق للوصول الى الحقائق هو طريق "الكشف والشهود" ، يعني مشاهدة الحقائق اللي موجودة وراء هذا العالم المادي ..
-وشلون يكدر يوصل الشخص لهيج مستوى ؟
-يكدر يوصل من خلال تربية النفس وتهذيبها ، والمواظبة على العبادات وكلّ ما يؤدّي إلى القرب من الله تعالى ، وخلوص النفس له ..
-بس هذا المنهج مو مخالف للعقل ؟
-لا ، يكولون : انو الكشف والشهود أعلى مرتبة من العقل ، يعني العقل مقبول اوكي ؛ بس العقل وحده مايكدر يوصل لتمام الحقيقة ، فلابد اذن من منهج آخر اعلى من العقل للوصول إلى تمام الحقيقة ، وهذاالمنهج الآخر هو منهج "الكشف والشهود" ..
-عود ليش العرفاء فضلوا منهج "الكشف والشهود" على منهج "العقل" ؟
-اكو عدة أسباب لتفضيل العرفاء منهج الكشف والشهود على منهج العقل منهه :
اولا : المعارف اللي يحصل عليهه البشر عن طريق العقل والتجربة ، هي معارف مو مضمونة ، يعني الزمن دائما يكشف خطأ كثير من هاي المعارف ، بينما المعارف اللي تجي عن طريق الكشف والشهود فهي مصمونه لأنها مثلما يكولون : تشوفهه شوف العين ..
ثانيا : منهج العقل والتجربة يخلينه نعرف العالم معرفة حصولية ؛ يعني تصير عدنه صورة باذهاننه عنالعالم ، وأما منهج الكشف والشهود فيخلينه نعرف العالم معرفة حضورية ، يعني نكوم نشوف العالم علىحقيقته مو نشوف صورة عنه ..
والحمد لله ..
رد مع اقتباس
المشاركة الأصلية كتبت بواسطة Scrap
