سلمولي اعله كلمن جاس جيبه العوز و ايغني
اجي للبيت ... الم اهدومي و صوري
انا صوري تعذبني
و امسح كل مكاتيبي
و اشم ابنيتي اخاف اتفز
لو فزت تأخرني ...
انا خايف ... لاچنها الحياة اكثر تخوفني
لو ضحكت تندمني ...
انا ماعندي شي يضمن فرح باچر
اخافن تنعدي بحزني ...
ادور البيت لايبقى اثر مني ...
و اخط الزوجتي مرسال
بالكحله اعله المرايه ...
عليه انعي اذا جاس الحزن گلبچ
انا طالع
لچن هالمره ماناسي ..
احبنچ ...
و انگي الآخ ...
ولكم آخ شينسي امي ارباها
اخاف تشك اذا ضكني الگبر احتار و انساها
المهم هسه اذان المغرب بروحي
انا راح انتحر و افتك من اجروحي
سلمولي عله اليكرهني و يحبني
سلمولي اعله كلمن جاس جيبه العوز و ايغني ...
موعود قاسم
رد مع اقتباس
