وبيهم جِوهَ كصِتَه_حسين الساعدي
((والعاقل يفتهم))
*****
أطباع عند البشر
كلمن خذاله طبع....
بيهم ابلكمة تعب
يشكر الربه وقنع*
وبيهم الياكل جمل
لكن أبد ماشبع!*
بيهم يزيد الفتك!
بيهم يخيط الركع*
بيهم مشه ابغيرته
وبيهم مشه اعله النفع*
بيهم وفي ابكلمته
غيره وشهامه وسبع*
وبيهم ابصورة اسد
بس بالحقيقه ضبع*
وبيهم يذب نكطته
خاطر يجدي الربع*
وبيهم صريح وحجه
رايح يجر الربع*
وبيهم جِوهَ كصِتَه
خاطر يغش الرَبع!*
حسين االساعدي
رد مع اقتباس
المشاركة الأصلية كتبت بواسطة ПộR
