استايل هدوم انثى برج الجوزاء

عاشقة للحرية بتكره القيود بكل اشكالها، ورغم انها جدعة جدا وتحب تساعد اي حد محتاجلها بس ماتحبش ده يكون فرض عليها، لبقة جدا ومرحة وماتتواجدش في اي مكان الا وتسيب اثر في كل حد اتعاملت معاه، عندها براعة في التواصل مع الاخرين وتعرف تتعامل كويس جدا بمهارات التفاوض والاقناع عشان توصل لاهدافها، ساعات بتكون مندفعة وكلامها جامد بس عشان هي لبقة ومتحدثة كويسة بتعرف تخرج نفسها من المواقف دي، عندها سرعة بديهة وقدرة على قارءة مشاعر اللي قدامها كويس جدا، تركيبتها معقدة وعندها مهارات كتير متعددة مزاجية وكل شوية على حال وهو ده بالظبط اللي بيحدد استايل هدوم اتثى برج الجوزاء
ملكة التنوع
لو فتحتي دولاب هدوم انثى برج الجوزاء حتحسي ان يخص اكتر من شخص مش شخص واحد، بتحب تنوع في الاستايلات لدرجة غريبة لدرجة ان دولابها مليان موديلات مختلفة ومالهاش اي علاقة ببعض حتلاقي الكلاسيك اوي والكاجوال اوي اوي ، اما الحاجة اللي ممكن تجمع بينهم فهي درجات الالوان اللي غالبا بتتنوع بين الاصفر والبرتقالي والفوشيا والالوان الجريئة عموما.

استايل هدوم انثى برج الجوزاء

هدومها كأنها جديدة طول الوقت
انثى الجوزاء بتدي اهتمام وعناية زايدة جدا بهدومها على طول بتغسل الهدوم وتكويها وتحطها في الدولاب على اللبس على طول بتعرف تحافظ على هدومها كويس وتخلي شكلها كأنها اول مرة تتلبس، وبتدري نفس الاهتمام لشنطها واكسسواراتها اللي بتعرف تنسقها بدقة شديدة جدا مع اطقم اللبس
مرحة وحيوية
من الحاجات المميزة جدا في شخصية انثى الجوزاء هي حبها للحيوية والمرح وتحب دايما تضيف لمسة كده مطرقعة لطقم الهدوم بتاعها يعني حتى لو اختارات تلبس بنطلون جينز وبلوزة حتختار لون جريء للبلوزة او قصة ملفتة ولو مش ده او ده مكن تلبس ساعة كبيرة او قطعة اكسسوار مميزة وملفتة المهم تبقى في لمسة جريئة وشبابية في لبسها

استايل هدوم انثى برج الجوزاء
الخلطة الجوزائية
وعشان برج الجوزاء علامته التوأم فده بيدي احساس طول الوقت ان انثى الجوزاء بتضم شخصيتين، وده بيخليها سهل اوي تخلط بين استايلين مختلفين وتلبسهم بشكل مميز يليق عليهاجدا ويخرج بشكل انيق ورائع بتعرف تختار موديل من الجيبات الكلاسيكية على توب له قصة كاجوال وتعرف ازاي تخليهم لايقين مع بعض بشكل جذاب جدا

استايل هدوم انثى برج الجوزاء
انثى الجوزاء والسهرات
الجرأة هي عنوان استايل الجوزاء في السهرات، مش معنى كده انها لازم تختار حاجة مكشوفة مثلا بالعكس هي ممكن تختار فستان كلاسيكي جدا من ناحية التفصيل لكن بتضيف مجمعة من اللمسات الشبابية المليانة بالحيوية اللي هي بتعشقها بتخلي استايلها جريء يعني تختار لون قوي وجريء ومجموعة من الاكسسوارات المتنوعة اللامعة الكبيرة الظاهرة، واللمسة الخطيرة النهائية متمثلة في الشوز الانثوي المثير اوي اللي بيكمل اطلالتها الخاصة.

استايل هدوم انثى برج الجوزاء
الاكسسوارات
انثى الجوزاء بتهتم جدا باكسسوار الايدين الاساور والخواتم والشنطة كمان، لها ذوق خاص جدا في اختيار القطع دي وغالبا بتختار خلطتها المفضلة بين الجريء والشبابي والانيق والراقي وبتعرف ازاي تنسق كل قطعة اكسسوار مع طقم الهدوم اللي حتلبسه، وبتعتني بقطع الاكسسوار بتاعها عناية فائقة من ناحية النضافة واللمعان وطرق التخزين
وبالرغم من اختلاف الاذواق وشكل الجسم والميول الشخصية الا ان دي كانت اهم السمات المشتركة اللي بتميز استايل هدوم انثى برج الجوزاء