هنا

[Suzana]

مرحبا
بالاونة الاخيرة الكثير من الناس تتجنب المتشافين من فايروس كورونا فبعض المحلات مثلا لا تبيعهم حاجيات و من الجيران من يتجنب المتعافين واكو ناس شالوو من بيوتهم وصاير تنمر مو طبيعي تجاهم !

اشوكت نفهم الوباء بصورة صحيحة؟ اشوكت نفهم انه المتعافي حاله من حالك ويمكن صارت عنده مناعه اكثر منك وكاعد ينطي بلازما للمصابين حتى يتعافون واشوكت نفهم انه كل واحد بينا معرض للاصابة بالفايروس ؟
نعم التزم باجراءات الوقاية كفوف وكمامات وعدم الملامسه وهذا من حقك بس لاتعتبر كورونا وصمة عار ع الناس وبالتالي تتنمر ع المتعافين من المرض..
للاسف التفكك الصاير بالمجتمع مو طبيعي ٫ لذلك نشوف حتى الينصاب بالفايروس يستحي ومايعلن عنه خوفا من ردة فعل الناس تجاهه وبالتالي راح يكون مشروع لنشر اصابات اكثر ...وهالشي مو صحيح لازم تصير حملات توعية وتثقيف للناس يابه تره المتشافي من الفايروس مايعدي ولايخوف ،بدلا مانهنيه على اجتيازه الازمة بسلام وعودته للحياة الطبيعية مجددا نگوم نحاربه ونصيحلهم بيت ابو كورونا !

ارائكم بخصوص الموضوع ؟

[المستشار القانوني]

فعلا
انا معك في هذا
اللي يحصل للأسف من أغلب الناس بمجتمعنا... ينظرون المتعافي نضرة ريبة وتشكيك... بل ويشعرونه بأنه يشكل خطر عليهم وعلى الاخرين
نحتاج حملات توعية عبر وسائل الإعلام المرئية والمسموعة.. بشكل مكثف.. لتصحيح هذا السلوك الخاطيء... بارك الله بك... ست سوزان لهذا الطرح المهم جدا...

[Suzana]

فعلا
انا معك في هذا
اللي يحصل للأسف من أغلب الناس بمجتمعنا... ينظرون المتعافي نضرة ريبة وتشكيك... بل ويشعرونه بأنه يشكل خطر عليهم وعلى الاخرين
نحتاج حملات توعية عبر وسائل الإعلام المرئية والمسموعة.. بشكل مكثف.. لتصحيح هذا السلوك الخاطيء... بارك الله بك... ست سوزان لهذا الطرح المهم جدا...

شكرا جزيلا سيد الكلمات..تحياتي لك

[انسان ثاني]

ضحكتني سالفة بيت ابو كورونا ههههه

بصراحة هاي اول مرة اسمع بسالفة التنمر ع المتعافين ، هنا يمنا المصاب يكول اني مصاب وما يستحي وحتى الي يشك بروحه مصاب من وحدة يعزل نفسه ويكول تره اني شاك بيه كورونا فـ هل فترة راح انقطع عنكم

صارت ويا جوارينا و اصدقائي و شيء كلش طبيعي ، تفاجئت من هل موضوع بصراحة وما ادري وين دتصير هيج حالات ، الحمدلله يمنا الناس كلش متفهمين الوضع

[Suzana]

ضحكتني سالفة بيت ابو كورونا ههههه

بصراحة هاي اول مرة اسمع بسالفة التنمر ع المتعافين ، هنا يمنا المصاب يكول اني مصاب وما يستحي وحتى الي يشك بروحه مصاب من وحدة يعزل نفسه ويكول تره اني شاك بيه كورونا فـ هل فترة راح انقطع عنكم

صارت ويا جوارينا و اصدقائي و شيء كلش طبيعي ، تفاجئت من هل موضوع بصراحة وما ادري وين دتصير هيج حالات ، الحمدلله يمنا الناس كلش متفهمين الوضع

ههههه ..نعم رامي الحالة موجودة وللاسف يمكن منطقتك مابيها لكن هي موجوده ،نفسيات البشر مو سوه
نورت رامي

[البارون ..]

وما خفي كان اعظم ست سوزان
تقييم هذه الحوادث حالياً هو سابق لاوانه
ننتظر تنتهي هذه الجائحة ونقييم الناس
تحياتي

[Suzana]

وما خفي كان اعظم ست سوزان
تقييم هذه الحوادث حالياً هو سابق لاوانه
ننتظر تنتهي هذه الجائحة ونقييم الناس
تحياتي

شكرا جزيلا اسرار..اسعدني تواجدك

[Scrap]

المشكلة مو بس بالناس
المشكلة الجهات المعنيه مدا تثقف بصوره صحيحة للمتعافين
لذلك اكيد تشوفين الناس تخاف تتعامل وياهم وهم حقهم
شكرا جزيلا ع الموضوع ستنا الغالية

[نائيةٌ .. جدًا !]

..

أساس كل سلوك غير واع وغير متحضر
تجاه المتعافي أو المصاب هو الخوف والجهل
والخوف والجهل يا سوزانا الجميلة
باعثان لكل تصرف متعثر تنكره الأخلاق
فحب النفس والسلامة غريزة بشرية تدفع
الإنسان للتصرف بطريقة غير متزنة !

أمنياتنا للجميع بالسلامة

..

[رامي الاصيل]

حالة النفور من الشخص المصاب المتعافى موجوده فعلاً وبكل
وضوح و وقاحة بس المؤسف اكثر ان الطبقة المدعية بالتثقف هي
أكثر الناس المتحاشية و المترددة بدليل ان الطبقة العادية و البريئة
تتخالط حتى مع المصابين الغير متعافين وألي حصل بمستشفى الحسين
بالناصريه خير دليل بألفة وتلاحم وعزيمة الشباب البسيط بتقديم
المساعدة الطبية و الاعاشة بدون تردد بخلاف هروب البعض..
و الدليل الأخر حفلات الاستقبال البهية من قبل أهالي منطقة المصاب
المتعافى و خاصة المناطق الشعبية البسيطة... ما نحتاج للتثقيف
لنبذ عادة النفور بس أتصور بحاجة للتشخيص والتأنيب المتمرد على الإنسانية

شكراً سوزان