احلام .. اليقظة !!
- هو إعمال الذهن في تحقيق الرغبات ، بما يحقق إشباعاً على مستوى الخيال ..
- شلون يعني ؟!
- يعني اذا واحد عنده هدف معين وماكدر يحققه بالواقع ، فراح يلجأ هذا الشخص إلى الخيال لتحقيق هدفه، يعني يكوم يتخيل انو هدفه تحقق ..
-مو واضح ؟!
- يعني الفقير يحلم انو غني ، والمريض يحلم انو صاحي ، والفاشل يحلم انو ناجح ، ..الخ ..
-شكد نسبة الناس اللي يعانون من أحلام اليقظة ؟
-أغلب الناس تعاني من هاي الحالة ؛ بس الشباب أكثر فئة من الناس معرضة للإصابة بهاي الحالة ..
-ليش الشباب يتعرضون لأحلام اليقظة أكثر من غيرهم ؟
-لانو الشباب عدهم امل وطموح أكثر من غيرهم ؛ ولذلك عدهم أهداف كبيرة يردون يحققونهه ؛ وبالتالي إذاماتحققت هاي الأهداف ، فراح يصابون بالإحباط وأحلام اليقظة ..
-عود ليش اهدافهم ماتتحقق ؟
-بسبب الظروف التعبانة طبعا ..
-زين ، أحلام اليقظة مضرة لو نافعة ؟
-إذا جانت طبيعية تكون مفيدة ، واذا جانت مو طبيعية فراح تكون مضرة ..
-شلون يعني ؟
- يعني بعض الناس عدهم أحلام اليقظة طبيعية ؛ يعني تكون هاي الأحلام هي حافز ودافع الهم لتحقيقه على أرض الواقع مثل أغلب المخترعين اللي جانت اختراعاتهم عبارة عن أحلام ، وبعض الناس عدهم أحلاماليقظة موطبيعية ؛ يعني يستغرقون بصورة كاملة في أحلام اليقظة بدون أن يحطون خطط لتحقيق هايالأحلام على أرض الواقع ..
- شنو الأسباب اللي تخلي بعض الناس يصابون بأحلام اليقظة بصورة سلبية وغير طبيعية ؟
-اكو عدة أسباب تخلي البعض يصابون بأحلام اليقظة منهه :
اولا : الإحباط ، فالشخص اللي عنده هدف وماكدر يحققه في الواقع ، فراح يصاب بالإحباط ، وبالتالي احلام اليقظة حتى يعوض فشله في الواقع ..
ثانيا : عدم الثقة بالنفس ، فبعض الناس عدهم اهداف يرغبون بتحقيقهه ؛ بس بنفس الوقت ماعدهم ثقة بأنفسهم ، ويخافون يواجهون الحياة وتحدياتهه ، فيلجأون إلى الخيال وأحلام اليقظة لتحقيق هاي الاهداف ..
- حلو ، بس شنو الفرق بين أحلام اليقظة وبين التفكير ، مو تعتبر أحلام اليقظة نوع آخر أنواع التفكير ؟
- لا ، اكو فرق بين أحلام اليقظة وبين التفكير ، لانو التفكير بيه معنى وهو الوصول إلى هدف معين ، أماأحلام اليقظة فما بيها هدف سوى الهروب من الواقع ..
والحمد لله ..
رد مع اقتباس
المشاركة الأصلية كتبت بواسطة ☆Abbas ALiraqi☆
