لاتجينه لاتجينه
كان كَلت ابوجه الابيض
غير معشركم لكَينه...
جينه مشتاكَين وبلهفه
وتسد بابك علينه
جينه يدفعنه الهوى...
ودمعاتنه تكَطر بدينه...
وجنت اظن عندك وفه..
وروحينه من فرد طينه
غمكَت جرح الجفه..
وزدت القلب ونه لونينه
اعتب على الروح..
جي لنها اعله ريحتكم حنينه
واعتب على الشوكَـ والعشرة
وسوالفنه الحزينه....
علمتني شلون يتبرة الخوي
وحمل اليقع محد يعينه...
عفيه صحبة هل وقت
بيها اليجافي شوكح عينه
ولا تجينه..
ما أجيكم واليدكَـ بابك بعد تنشل يمينه
جينه...
مدري الجدم زل بينه اعله دربك لو عمينه
جيت ارد روحي..
البكَت سنتين بديارك رهينه..
احسبني ضيف..
وعادة الينضاف للخطار يرخص ماي عينه
وانته ما جنك ربيت ابماينه
وشارب حنانه...
ونكرت حتى العرف...
يوم الوكت بيدك رمانه..
عفيه كَلبك..
بلكن ابساعة وفه وبالك طرانه
جينه نشكيلك عذاب اجروحنه
ولوعة هوانه....
آخ يادمعي فلا يبطل
يهل لمَّن عمانه....
وحتى اعز الناس...
من طحنه بهظم جاروا علينه...
ومن وصلنه الدارهم..
قالوا اشجابك..؟؟؟!!!
لاتجينه..!!!
وعفيه صحبة هل وقت..
بيها اليجافي شوكح عينه..!!
رد مع اقتباس
المشاركة الأصلية كتبت بواسطة Suzana
