#الحمل
مواضيع مصيرية عائلية وصحية بتشغلك ..
تفكيرك بأمور العيلة ومسؤوليات واهل وصحة ويمكن عم تفكر تاخد بيت جديد ومو كتير مرتاح لكن عم تفكر اليوم ببيتك او بييع او شراء عقار و ممكن صحة حدا من الاهل تشغلك ومشغول بالك بقصة بتخص العيلة وبكون عندك قلق من هالموضوع كتير لازم تعرف تتصرف ..
عاطفيا : بدي منك تهدي واترك مجال للتفاهم مع الشريك واذا لقيت مافي امل احسم امورك ..
■النسبة المئوية :
●مهنيا : %63 ●ماليا : %66 ●عاطفيا : %69 ●صحيا : %61
#الثور
يومك لحركة سفر تواصل نجاح لكن انتبه من الحوادث ..
تطورات عندك وانت بحالة جيدة نسبيا بيوم بيدعم رغبتك بالنجاح والتواصل ومن الايام المساعدة الك يوم بيحملك سفرات قصيرة اتصالات زيارات لقاءات مواعيد قادر توصل رأيك وتكون مسيطر على الاجواء لكن انتبه من حوادث الطرقات وقادر تنجح دراسيا ..
عاطفيا : لاتتعامل مع الشريك باستفزاز اليوم لان ناطرتك اجواء حلوة اذا بدك ..
■النسبة المئوية :
●مهنيا : %78 ●ماليا : %76 ●عاطفيا : %81 ●صحيا : %73
#الجوزاء
يومك منيح لتبلش شغل وتحصل على مال ..
يوم بتشعر بالكسل فيه وعندك بطء وهدوء بمسار هاليوم واكتر شي عم تفكر فيه هو المال او انك تعيد حساباتك دفعت كتير يمكن وصار وضعك محرج وبدك تنظم امور الشغل او تبدا شغل جديد وانت بحاجة لحلول ولتطلع من وضعك ويمكن تقبض مبلغ مالي ..
عاطفيا : انت امام اختبار للثقة من الشريك خليك منتبه حتى ماتوقع وكون جاهز ..
■النسبة المئوية :
●مهنيا : %67 ●ماليا : %79 ●عاطفيا : %75 ●صحيا : %72
#السرطان
ارتياح نسبي حلول وشراكات جديدة ..
بعد خيبة واوقات صعبة مرت عليك عم تكون بوضع أفضل وطاقتك عالية قادر تقلب الامور لصالحك وتصل للي بدك ياه وتكون ملفت للنظر اليوم لاتترك مجال للماضي يضعفك فكر بشي جديد تعملو ورح تصل يوم مميز لحتى تنجح وتطلع من تعبك واستغل دعم المحبين الك ..
عاطفيا : لاتعطي فرصة للشريك يستفزك وخليك رايق وكل شي رح يكون متل مابدك ..
■النسبة المئوية :
●مهنيا : %91 ●ماليا : %88 ●عاطفيا : %86 ●صحيا : %83
#الأسد
تحديات كبيرة ومو رايق فهدي وانتبه هاليوم ..
حاول تنتبه بيوم محتمل فيه كل شي لأن ناطرينك على غلطة ومو مرتاح يمكن بتحس انو مافي شي عم يزبط او يكمل هاليوم وانو الدنيا ماشي عكسك وماعم تعرف ليش مدايق من كل شي حاول ترتاح وماتبلش شي جديد يوم ضعيف الحظ وبدو صبر ..
عاطفيا : بتحس انو الحياة ماعم تعطيك الاستقرار بالحب ومافي شي رح يريح قلبك ..
■النسبة المئوية :
●مهنيا : %60 ●ماليا : %62 ●عاطفيا : %59 ●صحيا : %57
#العذراء
بكون حوليك كتير رفقة ويوم للقاءات ..
تحسن بوضعك العام وبهاليوم أنت عم تكون أفضل بكتير ومميز بحضورك ومن الأيام يلي بتحملك تطورات اجتماعية مهمة على صعيد الاصدقاء يلي بتكتر لقاءاتك معن لكن ضمن الاجواء المشحونة يلي بتكون جواتك والقلق الكبير بتحس انك مرتاح نسبيا ..
عاطفيا : ابتعد عن المجازفات بالحب وخليك عقلاني شوي هالفترة ورح ترتاح ..
■النسبة المئوية :
●مهنيا : %75 ●ماليا : %68 ●عاطفيا : %70 ●صحيا : %66
#الميزان
تغييرات مهمة وشغل ولقاءات بدها دبلوماسية ..
كون جاهز لأن عم تكون الفرصة متاحة بهاليوم عندك لتبدا شغل جديد وعم يشهد يومك كتير من التوتر بعلاقاتك خاصة بمجال الشغل وعم تحس انو في ناس بدها تخرب عليك وتضرك خليك حذر ولاتستفز حدا هالايام وركز بوضع شغلك والاختبارات يلي ممكن تعيشها ..
عاطفيا : انت بعيد عن الاستقرار بعاطفتك وهالشي ماعم يساعدك لتريح قلبك ..
■النسبة المئوية :
●مهنيا : %67 ●ماليا : %64 ●عاطفيا : %70 ●صحيا : %72
#العقرب
من أفضل ايامك بسفر ولقائات وقصة انترنت ..
بتكون بوضع منيح نسبيا وعم تطلع شوي شوي من توترك وتعبك وعم تكون مرتاح بهاليوم بعد الحالة الصعبة يلي وصلتلها وعم تجيك فرصة للسفر او لتبدا شي جديد بس بدك تنتبه بكل خطوة ويوم داعم بساعدك فيه الحظ لتكون منيح وتصل لوضع أفضل وتعمل شي بخص النت ..
عاطفيا : عم تنزعج على حالتك مع الشريك والكبرياء عم يمنعك تشكي وجع جواتك ..
■النسبة المئوية :
●مهنيا : %84 ●ماليا : %82 ●عاطفيا : %85 ●صحيا : %80
#القوس
يوم بحسن وضعك وفي فرصة مال وحل لقضية ..
انت بلشت ترتاح و الأوضاع عم تهدى عندك على صعيد العيلة والشراكات وبعرف انك كنت بوضع كتير صعب وقضيت ايام مزعجة بهاليوم عم تطلع من هي الحالة تدريجيا وعم تحس بأنو في حلول جاية وعم تشفى من مرض وتحل قضية كانت شاغلتك وعندك عندك مال ..
عاطفيا : لا تكون بعيد عن الشريك وحاول تقرب وجهات النظر حتى ترجعو ..
■النسبة المئوية :
●مهنيا : %66 ●ماليا : %78 ●عاطفيا : %70 ●صحيا : %75
رد مع اقتباس
المشاركة الأصلية كتبت بواسطة ¥محبوب$القلوب¥
