الرجل العنيد, العاشق الجامح, وفي و صادق, رجل الثور… كلمة فشل مش موجودة فى قاموسه و لو فشل لازم يرجع يحاول ويحاول لحد لما ينجح, رجل تقليدى من الدرجة الاولى و بيحافظ على العادات اللى موجودة فى مجتمعه جدا تعالوا نقرأ اكثر عن صفات البرج ده اللى من مواليد 20 ابريل – 20 مايو.

رجل برج الثور
1- عاشق جامح:
الرجل فى البرج ده بيكون صبور جدا عشان يوصل للست اللى بيحبها و مش بيييأس ابدا لأنه بيقدر قيمة الحب و ميقدرش يعيش من غيره, انه عاشق للحب, رجل الثور بيحب احساس انه يكون محبوب و مرغوب فيه . مفيش حاجة عنده اسمها العاب فى الحب يعنى مش بيقبل الخداع و الغش و لا ان حبيبته تكون بعيدة عنه او اى حد ثانى يشغلها لا يمكن ابدا يكسر وعوده و هو حبيب و عاشق من الدرجة الاولى و بيخاص من كل قلبه.

2- مادى:
عشان هو ناجح فى عمله ساعات ممكن نقول عليه مادى شوية لانه مش بيسيب فرصة استثمار او تجارة غير لما يجربها و بيحب يكون عنده مقتنيات كثيرة و غالية و بيقدر الفخامة و الشياكة و قيمة الفلوس عنده عالية جدا, بس على الرغم من كده مش هيبخل على حبيبته بأى حاجة بالعكس هيوفرلها كل احتياجتها.
3– رياضى:
عنده قدرة تحمل عالية و صبر و بيقضى وقت طويل فى لعب الرياضة و بيحب يختار جدا نوعية اكله لان صحته مهمة و هو من انواع الاجسام اللى ممكن تتخن بسهوله لو ساب نفسه فعشان كده بيحاول انه يحافظ على وزنه.
4- أنيق:
الوانه المفضلة فى اللبس هى الموف و الازرق الفاتح و بيحب جدا يلبس الكرافتات الحرير و احيانا التى شيرت الكاجوال . مفيش اى حاجة تكون موضة جديدة و تعدى عايه لازم يشوفها بعينه اللماحة و يشتريها . هو بيعتز جدا بشكله و شياكته لانه عارف انه بيختار ملابسه صح . حب الرجل الثور للشراء و الموضة بيرجع لحبه لاقتناء الاشياء زى ما قلنا قبل كده مش بس عشان يواكب الموضة.
5- غير اجتماعى:
رجل الثور احيانا بيكون مش اجتماعى لانه مش بيثق فى الناس بسهولة و بيخاف يتواجد فى مجموعات كبيرة من الناس او انه يتكلم فى تفاصيل حياته قدام حد منهم على الرغم من انه شخص كتوم جدا بس مش هيخلى الناس يبعدوه من حوار او موضوع بيتكلموا فيه لازم يحاول يثبت نفسه.
6- حريص:
رجل الثور عنده حرص عالى لان مقتنياته كثير, فى ناس بيعتبره انانى و مش بيحب يشارك حد فى حاجة بس ده بيكون خوف منه على ممتلكاته اللى لو حد استلفها منه لازم يرجعها بنفس حالتها لانه ممكن يسبب لنفسه مشكله كبيرة مع الرجل ده لو مرجعلوش حاجته و يكون احسن لو محدش اخد منه حاجة.
رجل برج الثور ايجابياته كثيرة جدا لان عنده قدرة على تحقيق غاياته و احلامه وعنده قدرة على المثابرة والاجتهاد وهو اهل للثقة و دايما يوفى بكلامه ووعوده وديه صفة نادرة ومطلوبة جدا إنك تلاقيها في شريك حياتك…