ابوذيات عراقيه بقلم الشاعر حسين الساعدي الجزء الاول
ابوذيات ساعديه الجزء الاول
دَكت
ابوجه اعداك روحي ازماط دَكَت
يل روحك نَذاله اوياي دكَت
ليش ابطيحتي طَبلتك دَكَت
طحت لأجلك شجاك اشمتت بيه
بستان
تِنيتَك عمري كَله اسبوع بس تان
وتئن روحي عليك وبقت بس تأن
تريد الواحتك يل بيك بَستان
واَفرهد كل ثمر ناضج بديه
منه منه
واحسبها ابوصالك منه منه
والعنوان اعلمك منا مناه
يا كلبي المصايب منه منه
هو الجابك وشفت الأذيه!
االساعدي
خَله
هسه لا تلوم الكَلب خَله
تَراه مَجروح والجارحه خِله
وصارت بيه ابطعنت غدر خله
بس ايطيب صُب لومك عليه
ديانا
النصيحة اتفيد من أهل ال ديانا
اشخذت وياهه من ماتت ديانا!
اعتبر متدين ايامك ديانا
وتراضي الخالقك قبل المنيه
فَتاك
عُشر حزن الحزنته اوياك فاتاك
يمن سهر الفتتني كون فتاك
إذا تدري بعيونك سهم فتاك
ليش اتفوت وتعاين عليه
شطره
سألته اعله المدينة إوكال شطره
وكتبلي شطر بس اشلون شَطره!
خله الكَلب بالنص صار شطره!
لمن كتب رايح مالي جيه
علاه
اَمسيت إوصَبَحت وياك عل أه
يل طَبعك اشكَد بالكَلب علاه
زماني أشما غرورك عَلي علاه
هَم توكَع وَكَضَنك بديه
مره مره
يحادي الظعن بينه مره مره
وطعم دنياي بعده مره مره
أذكر فرح كَلبي مره مره
وبعدهه انهد دمع عيني عليه
خَيالي
أبَد لا مو طبيعي انتَ خَيالي
ابشعاعك حتى مَيبين خِيالي
كُمر ضاوي رسمتك في خَيالي
عسى ابيوم الكُمر وتلوحه اديه
بقلم
الشاعر حسين الساعدي
منقوووول
رد مع اقتباس
المشاركة الأصلية كتبت بواسطة بـاران
