ومضات عراقيه بقلم الشاعر حسين الساعدي الجزء الاول
ومضة
سَكتوك!!!!
سَكتوك إوصرت ضدي
والثمن كلش رَخيص!!
وصرت أخرس يا حسافه
شدوا ابحَلكك قَفيص!!
بالعَكس أنتَ اخسرتني
ولبَست ثوب النقيص!
وراح أذبك من حياتي
مثل مااذب القَميص
----------------
كلشي ما محتاج لا تسأل شَريد
بس بقيت ابحيرة من وَكتي العنيد!
قبل شفنه أعياد بس ماعدنه ثوب!
هسه عدنه اثياب بس ما شفنه عيد!
------------------
ومضة وغزل
نَعم اكتب غَزل وبدَم الجروح
على الاوراق اكتب والحياطين!
وَوصفها الحبيبة ابسلوة الروح!
لأن هاي الحبيبة اتحب الحسين
انصحك مثل هاي الناس خليك
متواضع اِشما كانت ضروفك
ترى تنمحي لو زدت ابتعاليك
نجم غايب ولا واحد يشوفك
حيرة
اغطي اعيوني بيدي من الاكيك!
حتى ما اناظرلك ابدربي
الكَه الكَلب تالي ينظر اعليك
بالله اشلون اغطي اعيون كَلبي
مريض!
اسمعت عنك مريض وصرت دكتور
طيبتك رغم كل المأسي
راسك طاب انتَ ومابقه ايدوور
بس اني الطحت يوجعني راسي
-------
الغي الخاص!
تتوقع إذا ما تكتب اوياي
اتنازل وَدزلك رساله!!
لا والله إذا تبقه اعله هالراي
الغي الخاص احط مغلق بِداله
------------
ولا واحد!
اجاني الليل واني امضيع احباب
واليضيع احبابه اشلون ليله!
صدكت الوكَت والوكت جَذاب
كسرني من عرفني مالي حيله
أنهَ اشمدريني ضَملي الوَكت دولاب
ويدَور على الطيبيين عيله!!
كضيت العمر كله اتغربل اَصحاب
ولا واحد طلع دَكته اَصيله!!
حسين الساعدي
راق لي
رد مع اقتباس
المشاركة الأصلية كتبت بواسطة Daleen
