يمي شو طينك نشف
وين مگيود بسمارك
وجرة عيونك خذت منك روازين الظلام
ودفت البردان عين
وين مگيود وحنينك يم حلم كل شفه تين
وگمت تبعد وانه اگول اليبعد ..
هلالي يصير
اي .. لحد ماشفتك گصير
وشفتك تدلي الغريب عله البساتين الچنت
ما ادنه ليهه
الخذك مني ارد اگله .. كلشي بيه يعيش بيهه
وليش باگوگ ويه بلعت ريجهم .. وانت الحبيب
وليش ماخضر نسيمك بالچذب خبصة گصب
سنين حاني عليك ظهري
وگوه سويتك رطب
خوني .. الياس اليخون الحنه ما يلگاله چف
گلي بالحباك .. ناگع ..!؟
يمي شو طينك نشف
عبدالله العبدلي
رد مع اقتباس
