هنا

[شاكر العتابي]

عزيزي العراقي...

اذا جنت طائفي وتدري أنك طائفي وفرحان لأنك طائفي فأنت شخص معاق روحيا وانسانيا واخلاقيا،

أما اذا جنت طائفي وتدري أنك طائفي وحزين لأنك طائفي، فأنت شخص مريض وتحتاج علاج وطني والله يشفيك،

وإذا جنت طائفي ومتدري أنك طائفي، فهناك فحص أولي كلش سهل، شوف نفسك يا قناة فضائية تحبها، وراح رأسا تعـرف أنت مصاب بالعدوى لو لا،

وفي حالة كونك مو طائفي وتدري أنك مو طائفي فوضعك قلق وانتبه لصحتك الوطنية دائما،

أما إذا جنت مو طائفي ولا تدري أنك مو طائفي، فأنت شخص طبيعي وانسان معافى ونيالك لان حضرتك شبعان ضحك علينا ، ودائما تگول هذولة شكد سخفاء، الدنيا وين وصلت والجماعة بعدهم سنة وشيعة ،،،طبعا اعرف درس اليوم شوية صعب... وهم راح اعيده بعدين... بس ترى راح اجيبه بالامتحان... والممفتهم يرفع ايده رجاء ،،

منقول

[ḾïSs TǿTà]

اني مو طائفيه وادري بنفسي والحمد لله
بس ليش ؤضعي قلق

[بـاران]

جميل اتمنى يكون درس للكل

[Suzana]

حلو الله يبعد الجميع عن هذا المرض

[شاكر العتابي]

اني مو طائفيه وادري بنفسي والحمد لله بس ليش ؤضعي قلق

شكرا توته بس ينراد الك فحص للتأكد يم دكتور الواطنية

[شاكر العتابي]

جميل اتمنى يكون درس للكل

ماطول قيمتيني انتي مابيك شي سليمة والحمد لله ومتحتاجين دوه كومي روحي لهلك

[شاكر العتابي]

حلو الله يبعد الجميع عن هذا المرض

فحص الاشعة يكول مابيك شي سوزان مبروك

[ابن الوطن]

اتمنى ان تكون هناك حملة لقاحات من هذا النوع لتوعية اصحاب العقول المريضة
كي لا يتفشى هذا المرض الفتاك والذي تكاثر على اكتاف اصحاب الذمم الرخيصه...موضوع ذو معاني كبيرة وجميله
شكرا لك اخي العزيز

[هدوء الكون]

شكراا لك انا ابداا مو طائفية يعني اقيم الانسان
من اخلاقه وثقافته وحبه لوطنه ودينه بعيدا عن الطائفة

شكراا للطرح

[شاكر العتابي]

اتمنى ان تكون هناك حملة لقاحات من هذا النوع لتوعية اصحاب العقول المريضة
كي لا يتفشى هذا المرض الفتاك والذي تكاثر على اكتاف اصحاب الذمم الرخيصه...موضوع ذو معاني كبيرة وجميله
شكرا لك اخي العزيز

المختبر يكول انت سليم وعندك زيادة بكريات الدم الوطنية لازم تخفف منها ليصير عندك ضغط وطني زايد شكرا للتقييم العراقي