الثيوصوفيا .. !!
- هي كلمة يونانية مركبة من مقطعين : "ثيوس" ومعناه "الاله" ، و"سوفوس" ومعناه "الحكمة" ، فعند ماندمج المقطعين سوه ، راح يصير عدنه كلمة "ثيوسوفوس" ، واللي تعني "حكمة الآلهة" ..
-وشنو هاي "الثيوصوفيا" ، فلسفة ، علم ، أدب ؟
-الثيوصوفيا هي خليط من الفلسفة والعلم والدين ..
-منو مؤسس هذا المذهب ؟
-مره اسمهه "هيلينا بتروفنا بلافاتسكي" ..
-شوكت طلع هذا المذهب ؟
- بالقرن التاسع عشر ..
-شنو شعار "الثيوصوفيا ؟
-شعارهم : (لادين اسمى من الحقيقة) ..
-اكو عبارة لمؤسسة هذا المذهب ست "هيلينا" تكول بيهه : (الثيوصوفيا تطرد الله من السماء ..) ، شنوقصدهه بهاي العبارة ؟
- يكولون : قصدهه انو الله مو موجود بمكان دون مكان آخر ، يعني مو مثل مايتصور أغلب الناس انو الله مكانه في السماء فقط ، لا بالعكس ، الله موجود في كل مكان ، وهو محيط بكل شيء ، وهو اقرب إلينا من حبل الوريد ، تريد تكول : اينما تولوا فثم وجه الله ..
-على كلامك هذا ، تعتبر الثيوصوفيا دين من الأديان ؟
- يعني مو بالضبط ؛ بس تكدر تكول هيج ؛ باعتبار أنو الثيوصوفيا تعتبر نفسهه دين عام ، يعني دين للانسانيه جمعاء ، وأفضل طريقة للعبادة في هذا الدين هي : خدمة الإنسان ..
- زين ، شنو مباديء الثيوصوفيا ؟
-الثيوصوفيا بيهه 3 مبادئ أساسية وهي :
اولا : بالوجود اكو حقيقة واحدة غير محدودة ، ومانكدر نعرف شنو هيه ، وهاي الحقيقة اسمهه "الكينونة" أو "الفراغ" أو "الحركة" ، شتريد تسميهه سميهه ، بكيفك ..
ثانيا : كل الموجودات جايه من هاي الحقيقة الواحدة ، ونابعة منهه ..
ثالثا : هاي الحقيقة الواحدة والمطلقة ، تنبعث منهه اكوان كثيرة ، وتندثر هاي الأكوان ، وترجع لهاي الحقيقه مرة ثانية ، وبعدين هم تنبعث اكوان أخرى ، وهمينه تندثر وترجع لهاي الحقيقة المطلقة ، وهكذاإلى لانهاية ..
والحمد لله ..
رد مع اقتباس
المشاركة الأصلية كتبت بواسطة τοиa❥
