هي دعوه.. نرسم الواقع خيال
في محطات التامل
كل توقف يعني ذكره..
كل هواجس تبني روحك حظن شجره
تطير في عالم يحده احساس غيم
وتبني يم جرف الحقيقه احساس مجره
تصوغ ترجية شمس
تربط الباجر بامس
تحجي يم اذنك همس
تبني يم صفصاف روحك بيت ماي
تغير الوان الخريف بكيفك وتصفه عله راي
تلبس وليفك حلقته..ويمكن تنزعه بدلته
ويمكن تروح لغرفته..ويمكن تسامر غربته
ووتسمع اصوات البلابل صوتهن كله نقاء
وتبني يم عاهات جيلك .. الف مرسوم لحياء
ولا تسافر بالتامل .. الليل مايعرف حلم
ولا تظل ابوهم عايش..حته ليخضر ندم
وانزف اللون الاخضر من عيونك
لاتهل حس عله دم
هي دعوه.. نرسم الواقع خيال
نترس الدنيه جهال
نخلي بيبان السمه بكبر الهلال
وخل ثكل صخرتنه يبقه
شكد حملهه وطر بلال
نلبس الاخضر يقين
عين للماعنده عين
نكبر بواهس ضحكنه
ولانضل نتسال احنه الفرحه وين !؟
عبدالله العبدلي
رد مع اقتباس
