هنا

[ابو مناف البصري]

والله صعبة والعقل ميشيلها
اربعين حسين ما نمشيلها
************
يعني معقولة صدگ يبقى الوباء
وبمحرم صدگ منقيم العزاء
نسلّم من بعيد مثل الغرباء
والمواكب تبقى سكتة بليلها
*************
يعني معقولة الذي حبهم فرض
والسماء مخلوقة الهم والارض
هيچ يرضى الباري يمنعنه المرض
عن محل اياته وتنزيلها
**********
يعني معقولة رضى بهاي الرسول
نعوف حزن حسين چا عنّا شيگول
وينكسر خاطرها بت طه البتول
ما تلاگي بمجلس الينعيلها
**********
يعني معقولة تظل كورونا
والگبلها اشكثر ما منعونا
واليموت بحب علي خيعونه
كل يقيني الباري راح يزيلها
**************
يعني معقولة تظل هل جائحة
ومن تجي الحوراء ماكو نائحة
واحنا من هسة نشم الرائحة
رائحة حرگ الخيم نبچيلها
************
يا اله الكون يا ربي الرؤوف
هاي خدام الزچية بالالوف
تريد تنعى حسين مذبوح الطفوف
الداسته اعلوج آل امية بخيلها
**************

صباحكم ومساءكم خير وعافية

[انثى مخمليةة]

جميل جدا