هنا

[Suzana]

حسب تقاريركم هذولي حتى الهم علاقه بخروج العراق من كأس العالم ..بيها حرق مدارس وصدام يوصي بيهم وعدهم محلات بالسعوديه يعني ياكلون طرف وينامون وسطه ..
طيب ..ماذا عن بقية الناس اذا كان عضو الشعبه وفدائيوا صدام واهل حلبچه واهل رفحا والسياسين متنعمين بخير العراق منذ سقوط صدام زين بقية الشعب شو محد يعدهم بالعده بس شابعين حر وشموس وضيم فألى متى يبقى البعير على التل ..ليش هو خير العراق ورث للشيعه واحزابها الملعونه لو للسنه ومجرميها لو للأكراد المستهترين زين
..بعد واحد شيحچي غير بس يسلم على رجل كان يحرق ايد اخوه اذا طلب زايد عن الناس والعاقل يفتهم ..اذا ماترجع مقدرات الناس بيد اصحاب العدل الألاهي فأتوقعوا اي شي من هؤلاء الصعاليك ..فقار الطيب

هدي هدي عدنانوووو ..لايصير بيك شي يمعوود

[عدنان الواثق]

هدي هدي عدنانوووو ..لايصير بيك شي يمعوود

هو اني خلصت عمري مهدي لعب ماشوفيني ماگول

[فقار الكرخي]

طبعا صدام يطالب السلطات السعوديه بحسن معاملة اللاجئين مو حب في اللاجئين ولكن رغبة في مكسب سياسي ضد السعودية ولا تنسى في تلك الايام كانت حرب الخليج الثانية و التلاسن والاتهامات شيء طبيعي
انا اذكر لك حقائق تاريخيه مثبتة لا أمجد احد ولا انسف الارض بأحد التاريخ يحكي واعتقد ما احد ينكر الاوضاع التي عاشها العراق من الفقر والجوع وانعدام الامن
هم لم يهجروا قسريا هم قاموا بثورة ولما فشلت فروا هارين للنجاة بأرواحهم نعم ممنوعين من دخول المدن لانهم ناس لا امان لهم
حتى وهم في المخيم حرقوا المدارس التي تعلم اطفالهم بكل ما فيها من كتب وتجهيزات
اقرأ القصة كما يرويها الكاتب حميد الواسطي مع التركيز على اخر المقال ورد اللواء عبد العزيز ال الشيخ
قصَّة حرق مدارس اللاجئين العِرَاقيين برفحاء السُعوديَّة بقلم: حميد الواسطي

بِسْمِ اٌللهِ اٌلرَّحمَن اٌلرَّحيمِ
في الذِكرى 19 لاِنتفاضة آذار.. قصَّة حرق مدارس اللاجئين العِرَاقيين برفحاء السُعوديَّة بقلم: حميد جبر الواسطي

أمَّا بَعدُ ، وَخِلال تجربتي كأحَد المُشاركين في اِنتفاضة شعبان / آذار 1991 وَبَعد قمعهَا مِن قِبلِ النظام العِرَاقي السابق وَكنتيجة مكثت أنا كاتب السُطور (مِن 1991 إلى 1995) مَعَ عشرات آلاف مِنَ اللاجئين العِرَاقيين بمُخيَم رفحاء في المَملكة العربيَّة السعوديَّة. وَفي تِلكَ الأثناء كانت السُلطات السعوديَّة قد شيَّدَت مدارس بمُختلفِ مراحلها مِنَ الإبتدائيَّة إلى الدراسات الجامعيَّة (عَلَى شكلِ كرافانات كبيرة وَحديثة وَأجهزة مُتقدّمَة بضمنهَا حاسبات إلكترونيَّة: كانت كلفة ذلك المشروع حوالي 20 مليون ريال سعودي) خِدمَة لأبناء اللاجئين العِرَاقيين وَتمَّ تعيين مُعلمين وَمُعلمات وَأكاديميين مِن بينِ اللاجئين وَاللاجئات العِرَاقيين وَالعِرَاقيّات برواتب مُجزية، بَيدَ أنَّ بعض اللاجئين قد حرقوا المدارس مَعَ محتوياتها في وضحِ النهار وَحرموا اللاجئين مِن تِلكَ الفرصة المفيدة، فضلاً عن ذلِك لَقد إنعكسَ سلباً عَلَى العلاقة بَينَ السُلطات السعوديَّة وَعموم اللاجئين العِرَاقيين برفحاء.

اللواء الركن عبدالعزيز بن محمد آل الشيخ كانَ وقتها قائداً للقوات المشتركة السعوديَّة وَمسؤولاً عن أدارة اللاجئين العِرَاقيين في الأراضي السعوديَّة وَمنها معسكر أو مخيم رفحاء وَقد جاء آل الشيخ إلى المُخيَم بُعيدَ الحادثة مُباشرة (حادثة حرق مدارس اللاجئين العِرَاقيين برفحاء) وَإلتقى باٌلشيوخ العِرَاقيين في المُخيَم وَكانَ مِن أفسدهم أو أبرزهم في ذلِك اللقاء الشيخ عبد الكاظم ريسان الحجامي (مِن أهل ذي قار/ الناصرية) وَالسَيِّد علي السَيِّد خلف (مِن محافظة المثنى/ السماوة) وَقد سألَ أو إستفسرَ اللواء عبدالعزيز آل الشيخ مِن كاظم الريسان عن سَبَب تِلكَ الحادثة؟ فأجابه: "أستاد (اُستاذ) هاي (هذِهِ) فتنة !!." ثمَّ إستفسرَ آل الشيخ مِن سَيِّد السماوة؟ فقالَ السَيِّد علي: "أستاد اِحنا نطلب تطبيق الغانون (القانون) السعودي (أحالة الفاعلين عَلَى القضاء)."

ثمَّ طلبَ كُلّ مِن كاظم الريسان (ممثل الناصرية) وَسَيِّد علي (ممثل السماوة) مِنَ المسؤول السعودي (قائد القوات المشتركة) أن ينقل بعض اللاجئين العِرَاقيين بتزكيتهما إلى المُدن السعوديَّة (يعني حسَب رُؤية كاظم الريسان وَسَيِّد علي.. أن يتم عزل عائلتيهُمَا وَخاصتيهُمَا بتزكيتهُمَا !! وَأن يعيشوا في المدن السعوديَّة وفق أقامات رسميَّة.

فقالَ لهُمَا اللواء عبدالعزيز آل الشيخ مَا مضمونه: مَا في مانِع وَأنا لي كلمة وَثقة وَرأيي سيكون معتبراً وَمعتمداً لدى القيادة السعوديَّة وَأنا مُوافق عَلَى طلبكُمَا بنقل لاجئين عِرَاقيين ليعيشوا أو يقيموا في المُدن السعودية وَلكن بشرط؟ هُوَ أن أضع قنينة غاز (غاز الطبخ) بَينَ مُخيَم أهل الناصرية وَمُخيَم أهل السماوة في المساء وَإذا أصبَحَ الصبَاح وَالقنينة في مكانها لم يسرقها أحد منكُم فسأُوافق عَلَى نقلِ اللاجئين مِنَ المُخيم إلى المُدن السعوديَّة .
استراليا – العراق

سبق وكتلج
احنة مو من المعقول نعتمد امور بهذا المستوى
وناخذ صدكها من جذبها من كاتب يكتب مقال
والا اكو مئات المقالات التي تقول عكس ما يقوله هذا الكاتب

لا يعرف اجرام صدام وزمرته
الا من عاش حكمه



انرتي يالعزيزة

[فقار الكرخي]

هذا الكاتب منافق واكيد من استخبارات صدام المدسوسة مع الرفحاويين كذلك يتأمل تكريم ال سعود
يقول احد ابناء رفحاء .
في باب المخيم .
والمخيم محاط بسيم (شبك نحاسي ) هناك سيطرة حرس على كل باب .
ويوجد دائما .مصباح كبير يطل على المخيم من اجل مراقبة اللاجئين .
فيقول هذا الشخص وغلاظة الايمان على لسانه مع شهود من معسكره (طبعا يسمون كل مخيم معسكر)
المهم .
يقول خرجت الظهر في ساعة حر شديد . وأخذت ابريق الى التواليت .
كانت التواليت من (الجينكو) اللامنيوم .ومرتبه ليس بالهينة ينقصها الماء فقط .
وعندما دخلت التواليت .وبعد انتهائي .وقفت ارتب ملابسي وقليل من رأسي خارج جدار الحمام .اي كنت اطول من الجدار بقليل .
فجاء شخص من بين الخيم .طبعا الشخص ايضا عراقي لاجئ .
فرأيته يلتفت يسرة ويمنه وكأنه هارب من شيء .
فظليت انظر له وهو لايراني .
ثم تأكد ذاك الشخص .ان لااحد مستيقظ بالمخيم .الكل كانت نائمة لان الدنيا لاهبة حارقة ناهيك اننا بصحراء لاتقبل الافعى بالعيش بها .
ثم ماذا فعل هذا الشخص .؟؟؟؟؟؟؟؟
راح كلم الحرس ثم شتمهم وبصق في وجوههم .وهم اعتبروه مجنون على مايعتقد صاحبنا لانه يشتم وهم يضحكون .
لكنه لم يكتفي .فكسر المصباح .
بعدها اثار اعصابهم .وهم طبعا جنود مساكين مجرد حرس (بالمناسبة يذكر ان كل حراس رفحاء هم من اعماق البادية لايعرفون القراءة ولا الكتابة ) فقراء بالنفس طيبين المعشر الى حد السذاجة )
المهم .
عندما كسر المصباح .عاد فتح الحرس باب الشبك وصاروا يصيحو عليه بصوت عالي .
انهم متمرسين على الصياح للبعير عندما يهيج .؟
اثناء هذا الصياح والناس نيام .فصار العراقي الاجئ يصيح اكثر منهم . انه يريد ان ينهض الناس من مضاجعهم .اي يفعل ربكة .
وعندما جفل العراقيون من نومهم .ركضوا مسرعين اتجاه الصوت وهذا شيء طبيعي .
ولكن اخونا العراقي الاستخباراتي .
بدأيصيح بهكذا لهجة وبهذا الكلام .
وين أحفاد علي وين اولاد فاطمة الزهراء .الحكولي ذول الوهابية سبّو فاطمة واولادها .
فيقول صاحبنا ابو(التواليت) استغربت وشبعت ضحك .اشلون اقول الحقيقة ومافعله من مكيدة هذا الاستخبارت .
لانه اللاجئين المساكين لايعرفون القصة مجرد يسمعوا شخص عراقي يتنخى بهم ويدافع على ال بيت رسول الله ص
هكذا هم من حرقوا المدارس ياكاتب ياغبي يامنافق .وليس اهل رفحاء الحقيقين .
النتيجة .
صارت معركة كبيرة وانجرح بعضهم من اطلاقات الحرس ووصلت المعركة للصليب والامم المتحدة وهي اصلا فرد مدسوس يفتعل هكذا اشياء .
ثم تدخل محمد يسموه الامير وهو القائد الكبير للفرقة الموكلة بالحراسة على الاجئين والمؤمورة من امريكا على ال سعود .
ثم لم اسكت .
فيقول ذهبت بنفسي متطوعا ووصلت للامير محمد .وقصيت الحقيقة .
وبعدها صفونا بطريقة سجناء ثم مسكنا المسبب وبشهادتي .
عاد اخذه الامير .
وبعد ثلاث ايام عاد الفرد الاستخباراتي وهو محمل بالهداية والجكاير مع شنطة حلوة وثمينة ومحمله بأشياء لانعرفها وملابس حلوة
يعني مكرم معزز . وعقوبته نقلوه الى معسكر اخر .
وانا حكيت القصة الى كل المعسكر .
وبعد اقل من شهر .صارت مشكلة كبيرة بالمعسكر اللي انتقل له ذلك الاستخبارات .
عركة مع جراح مابين اهل النجف والبصرة .وصار تسفير قسري لبعضهم على اساس مشاغبين .
كان الغرض ايها الكاتب المنافق من حرق المدارس .
هم اتباع اللعين صدامك من اجل رمي الحجج على بلبلة الاجئين ثم تسفيرهم الى صدام اللقيط وبعدها اعدامهم
حتى ينهي قصة العار على حكمة وهو اسم (رفحاء)
واليوم اتباعه اعداء الانسانية يوفوا لسيدهم . فقلبوا الاعلام بالسلب والحرب القانونية والغير قانونية تمنياً بنسيان رفحاء والى الابد
من اجل يكون الخنزير اسد .
فيامن تستند على المنافقين والمدلسين احذر من ان تحشر معهم .
تحياتي

احسنت
وهذا رأي نستطيع الاخذ به
اذا كانت كل الاراء يؤخذ بها
كالكاتب الذي استدلت به الاخت سارا


نورت يالغالي

[فقار الكرخي]

حسب تقاريركم هذولي حتى الهم علاقه بخروج العراق من كأس العالم ..بيها حرق مدارس وصدام يوصي بيهم وعدهم محلات بالسعوديه يعني ياكلون طرف وينامون وسطه ..
طيب ..ماذا عن بقية الناس اذا كان عضو الشعبه وفدائيوا صدام واهل حلبچه واهل رفحا والسياسين متنعمين بخير العراق منذ سقوط صدام زين بقية الشعب شو محد يعدهم بالعده بس شابعين حر وشموس وضيم فألى متى يبقى البعير على التل ..ليش هو خير العراق ورث للشيعه واحزابها الملعونه لو للسنه ومجرميها لو للأكراد المستهترين زين
..بعد واحد شيحچي غير بس يسلم على رجل كان يحرق ايد اخوه اذا طلب زايد عن الناس والعاقل يفتهم ..اذا ماترجع مقدرات الناس بيد اصحاب العدل الألاهي فأتوقعوا اي شي من هؤلاء الصعاليك ..فقار الطيب

افهم من كلامك
جانت مقدرات الناس بيد العدل الالاهي
وجان الشعب عايش بخير
ومحد يروح يبيع صابون الحصة بالوكفات
وهسة صار الامر بيد الصعاليك ؟

احنه غير كون جنه منعمين وهسة كتلنا الجوع حتى نطالب مثل ما طالبت
اشو احنه من يومنا شبعانين ضيم

يعني ناس انلعب بيهم طوبة
وخصصولهم راتب اشبه بالتعويض
وين المشكلة ؟

راح تكول كلنا جنه عايشين بالظيم
اوك
بس ما راحت بيوتنه وتهجرنا قسرا
ما عدمو اقاربنا بمقابر جماعية
هواي امور صارت وياهم قليل الناس تعرفها
لهذا انا انظر للأمور من ناحية انسانية
واظن ان الاعلام الخبيث استطاع ان يصل للكثير من الناس
ويغير الحقائق في عقولهم


الحبيب عدنان الكلش احبة
بوسات

[Suzana]

افهم من كلامك
جانت مقدرات الناس بيد العدل الالاهي
وجان الشعب عايش بخير
ومحد يروح يبيع صابون الحصة بالوكفات
وهسة صار الامر بيد الصعاليك ؟

احنه غير كون جنه منعمين وهسة كتلنا الجوع حتى نطالب مثل ما طالبت
اشو احنه من يومنا شبعانين ضيم

يعني ناس انلعب بيهم طوبة
وخصصولهم راتب اشبه بالتعويض
وين المشكلة ؟

راح تكول كلنا جنه عايشين بالظيم
اوك
بس ما راحت بيوتنه وتهجرنا قسرا
ما عدمو اقاربنا بمقابر جماعية
هواي امور صارت وياهم قليل الناس تعرفها
لهذا انا انظر للأمور من ناحية انسانية
واظن ان الاعلام الخبيث استطاع ان يصل للكثير من الناس
ويغير الحقائق في عقولهم


الحبيب عدنان الكلش احبة
بوسات

كل التعويضات لمرة واحده خو مو للتالي
حتى انت من تسوي فاينه اتروح اتعوض مرة وحده لو تدفعله كل شهر العمر كله..
ومن يموت راح تبقى تعوض لعائلته كتقاعد ..
زين خل يشغلوهم حتى لو باشياء بسيطة يستفاد منها الناس ليش وهمه كاعدين بالبيت يستلمون راتب حتى يصير راتبه حلال ومحد يعترض ..

[فقار الكرخي]

كل التعويضات لمرة واحده خو مو للتالي
حتى انت من تسوي فاينه اتروح اتعوض مرة وحده لو تدفعله كل شهر العمر كله..
ومن يموت راح تبقى تعوض لعائلته كتقاعد ..
زين خل يشغلوهم حتى لو باشياء بسيطة يستفاد منها الناس ليش وهمه كاعدين بالبيت يستلمون راتب حتى يصير راتبه حلال ومحد يعترض ..

اوك
المتقاعد هم شكو منطي راتب
يشوفولة شغلة مابيها تعب ويشغلو

اني بيتي راح واقاربي اندفنو وهم احياء
بمقابر جماعية
اولادي انمنعو يكملون دراستهم حالهم حال باقي الناس
ونفسياتهم تحطمت
وشفت اني وعائلتي انواع الظلم

وتجين تكليلي تعال شوفلك شغلة
وتتحسفين بية راتب

من يم الكردي والبعثي ما حجيتي
بس من يمي اني المكرود
كمتي تسوين كاعد بالبيت واستلم راتب
اي ما كفاج محبوس اني وعائلتي بالصحراء 13 سنة
ضاع مستقبلي ومستقبل جهالي وعائلتي
بعد وينه الحيل والعمر
الي اكدر بي اكون مستقبلي ومستقبل عائلتي

يعني سالفة وتحد
يلزمو بتوثية ويكسرو تكسر
ويجو ورة ساعه يالا حبيبي انت سبع
تعال امشي كوم لتضل كاعد
جا والتواثي

[Suzana]

اوك
المتقاعد هم شكو منطي راتب
يشوفولة شغلة مابيها تعب ويشغلو

اني بيتي راح واقاربي اندفنو وهم احياء
بمقابر جماعية
اولادي انمنعو يكملون دراستهم حالهم حال باقي الناس
ونفسياتهم تحطمت
وشفت اني وعائلتي انواع الظلم

وتجين تكليلي تعال شوفلك شغلة
وتتحسفين بية راتب

من يم الكردي والبعثي ما حجيتي
بس من يمي اني المكرود
كمتي تسوين كاعد بالبيت واستلم راتب
اي ما كفاج محبوس اني وعائلتي بالصحراء 13 سنة
ضاع مستقبلي ومستقبل جهالي وعائلتي
بعد وينه الحيل والعمر
الي اكدر بي اكون مستقبلي ومستقبل عائلتي

يعني سالفة وتحد
يلزمو بتوثية ويكسرو تكسر
ويجو ورة ساعه يالا حبيبي انت سبع
تعال امشي كوم لتضل كاعد
جا والتواثي

هههههههه خلص فقار ..تمام

[فقار الكرخي]

هههههههه خلص فقار ..تمام

يعني لو ازيد الظلم عالناس
لو هاي هية خلص

لهذا الله مجاي ينزل رحمتة علينا


نورتي مديرة

[Suzana]

يعني لو ازيد الظلم عالناس
لو هاي هية خلص

لهذا الله مجاي ينزل رحمتة علينا


نورتي مديرة

لا عيناي اني استنتجت من خلال ردودك انه رواتب مجاهدي رفحاء هي العدالة بعينها وليذهب الفقراء للجحيم