هنا

[Scrap]

اي واحد برفحاء اشوف حقه يستلم راتب اذا كان ما عنده راتب اصلا
بس مثلا اكو مبالغات انه هو وكل نفر من عائلته يستلمون راتب هنا راح يكون بيها ظلم للناس الي ماعدها راتب اصلا
الشغلة الثانية ليش بس هم الناس صاحت عليهم..لان اغلب الرفحاويين من مزدوجي الرواتب والجهات الي تدعم الرفحاويين هي الحكومة الي كل شي مقدمت للمواطن خصوصا المواطن الي انتخبها
ف شي طبيعي يتعرضون لهل الهجمات مع العلم الشغلة بيها تحريك من الخارج يعني مو بس الداخل
شكرا فقار ع طرح الموضوع

[فقار الكرخي]

فقار جماعة رفحا جانوو مدللين بالسعودية ومن رجعووو تدللوو بعد اكثر..ياريت الدولة العادلة تنصف اليتامى ابناء شهداء الحشد الشعبي واللي همه اولى بالرواتب من رفحا والبعثية وغيرهم

ترة هم مجانو بالسعودية
جانو بصحراء

اما السعودية
الاولى بيها خل ادلل شعبها
القطيف وغيرها واكعتلهم دك
يومية عادمة واحد منهم
الشيخ النمر مثلا

اما يجي شخص تدعمه ايران الشيعية
ويثور ضد صدام السني
وتحتضنه وادلله السعودية


بربج مقتنعه بهذا الكلام عليج حمزه

[فقار الكرخي]

الناس الجانت داخل العراق تعبو اكثر
وهوايه اطفال ماتو من الحصار
.. شوف فقار من الاخير
اي خدمة او اي مظاهرة او اي جهاد للبلد حته لو تهجرت فميصير وحرام شرعا تاخذ مقابيله فلوس
نورك هذا

اي خدمة تقدمها للبلد يعني حرام تاخذ فلوس عليها بنظرك

لعد بهيج حالة لازم نلغي رواتب المتقاعدين
ومدير المدرسة من يكبر وماعندة تقاعد بسبب فكرتك
يكعد يبيع بانزين مو ههههه


لا اخوية مو هيج

صح ميصير اكثر من راتب
بس مو اختزل معاناتي ومعاناة اخوتي واهلي
براتب واحد ينطو فقط لرب الاسرة



نورت يالعزيز

[فقار الكرخي]

شنو شغلهم استغفر الله
اني جنت موجود ؟

اني هم جنت موجود
بس مو كلشي شفت
بس بمرور الايام كامت تطلع الفيديوات
والصور وهواي امور

[فقار الكرخي]

اي واحد برفحاء اشوف حقه يستلم راتب اذا كان ما عنده راتب اصلا
بس مثلا اكو مبالغات انه هو وكل نفر من عائلته يستلمون راتب هنا راح يكون بيها ظلم للناس الي ماعدها راتب اصلا
الشغلة الثانية ليش بس هم الناس صاحت عليهم..لان اغلب الرفحاويين من مزدوجي الرواتب والجهات الي تدعم الرفحاويين هي الحكومة الي كل شي مقدمت للمواطن خصوصا المواطن الي انتخبها
ف شي طبيعي يتعرضون لهل الهجمات مع العلم الشغلة بيها تحريك من الخارج يعني مو بس الداخل
شكرا فقار ع طرح الموضوع

اذا والدك اخذك واخذ 3 من اخوتك وياه
ورحتو تشتغلون ب معمل

ابو المعمل ينطي بس اجرة والدك
ويعوفكم
لو ينطي ولدة هم
بأعتبارهم اشتغلو وتعبو


مزدوجي الرواتب هاي هالة اعلامية
الاعلام يشتغل عليها صارلة سنين

واجة اخو عماد وراد يطش
كال طلعت الاف مزدوجي الرواتب
اذا طلعت هلكد مزدوجي رواتب معناها صار عند الدولة كومة فلوس

اشو راح يقترض من السعودية هذا الهوسة

اما الماعندة راتب
انت تريد كاعد بالبيت وانطيك راتب لو شلون ؟

الراتب يجي وفق معطيات يقدمها الفرد للدولة او صاحب العمل

والا اني وانت وغيرنه شكو متعبين نفسنه
نكعد بالبيت ونستلم راتب


اني الله شاهد مو دفاعا عن رفحا
بس انت ليش تميز بين الناس بقراراتك




الضلع سكران
العفو سكراب الغالي نورت الكون

[Scrap]

اما الماعندة راتب انت تريد كاعد بالبيت وانطيك راتب لو شلون ؟

اي الدولة مجبره توفر راتب سواء اشتغل او لا للعلم
وهم ماطلعوا يشتغلون
فقوري الغالي

[الرميثي]

اني هم جنت موجود
بس مو كلشي شفت
بس بمرور الايام كامت تطلع الفيديوات
والصور وهواي امور

اخ فقار اذا عندك كم فلم بلكي ترفعه لنا بس مو بالقسم الفني
واذا عندك فد كم صورة وياك
بس مو تنسة تكتب عليهم للكبار فقط +18

[المستشار القانوني]

سلام عليكم اخي فقار
١..ماگطع رواتبهم.
٢.. وقف فقط الازدواج بالراتب يعني اللي ياخذون منهم راتب رفحا مع عدة رواتب اخرى
٣..لم يكونوا سجناء أو محتجزين.. بل تم وضعهم في مخيمات لحين ما تم تخييرهم بين الدول وكلهم اختاروا السفر للدول الأوربية ومنحوا حق اللجوء السياسي هناك ورواتب لاجئين.
٤..المبالغ المخصصة لهم مبالغ فيها
٥..ازلام النظام البائد حين خصص لهم رواتب تقاعد.. هذه مبالغهم المودعة في صندوق التقاعد كل موظف يستقطع منه مبلغ يدخر له لحين إحالته للتقاعد.. يعني ماكلفوا خزينة الدولة بعكس الرفحاويين أخذوا تقاعد بدون دفع اي توقفت تقاعدية
٦..هل للنضال ثمن... وهم ياخذون ثمن نضزلهم ضد صدام؟ الله يساعد اللي بالداخل بقوا وشافو ويلات الحصار والجوع..

[Suzana]

اذا والدك اخذك واخذ 3 من اخوتك وياه
ورحتو تشتغلون ب معمل

ابو المعمل ينطي بس اجرة والدك
ويعوفكم
لو ينطي ولدة هم
بأعتبارهم اشتغلو وتعبو


مزدوجي الرواتب هاي هالة اعلامية
الاعلام يشتغل عليها صارلة سنين

واجة اخو عماد وراد يطش
كال طلعت الاف مزدوجي الرواتب
اذا طلعت هلكد مزدوجي رواتب معناها صار عند الدولة كومة فلوس

اشو راح يقترض من السعودية هذا الهوسة

اما الماعندة راتب
انت تريد كاعد بالبيت وانطيك راتب لو شلون ؟

الراتب يجي وفق معطيات يقدمها الفرد للدولة او صاحب العمل

والا اني وانت وغيرنه شكو متعبين نفسنه
نكعد بالبيت ونستلم راتب


اني الله شاهد مو دفاعا عن رفحا
بس انت ليش تميز بين الناس بقراراتك




الضلع سكران
العفو سكراب الغالي نورت الكون

هههههه الله عليك اشتغلوو وتعبوو
ششتغلووو فقار يعني اني ذابحني الجوع ايام الحصار وجنا نشتري حنطه ونضمها علمود ناكلها بدل هالصخام اليوزعوه بالحصة ويجي صدام وربعه يلم شكو حنطه موجودة بالبيوت حتى الشعب يموووت جوع وخلصت كلية بايام الظيم واكعد من ال٨ ل١٢ بالمدرسة ادرس واشبع اهانات ومغثه من الطلاب ، واستلم ٩٠٠ الف بالشهر ويجي المدلل برفحا جان ع التبريد وبرعاية الامم المتحدة ويجي يستلم اضعاف اضعاف راتبي هو وعائلته
الله عليك اشتغلوو وتعبوو كول يالله وكولي ششتغلو فدوه همه هذوله لو غيرهم




حاسبات وزي نسق واحد وتنظيم ورعاية شيريدون بعد؟
ذكرتني بسالفة اللوري بالدجيل بوكت ماانضرب صدام صارت اعتقالات واكو جماعة صعدوهم باللوري نص ساعه ورجعوهم وهسه امتيازات وقطع اراضي وافلوس وقبول دراسات عليا هههههههه لو ندري صاعدين باللوري ولا هالمذلة هاي بوكت صدام ووكت هالاحزاب السخيفه..
انا لله وانا اليه راجعون

[راهب]

مرحبا ...
العزيز فقار ...
اولاً : يا ريت تنوّرنا بفقرات القانون التي تخص رواتب رفحاء وازلام النظام السابق.
ثانياً: اعتقد ان متن الموضوع ناقص.. على اعتبار انت لم تبحث عن توصيفهم الدولي وفق وصف الامم المتحدة ... بمعنى هل صنّفتهم الامم المتحدة (لاجئين) لو (محتجزين) ؟
بالاجابة على هاتين النقطتين ... ساعود لوضع مداخلة على اجابتك ....
تقبل محبتي ...