ابعاد .. الشخصية !!
- يكولون : انو الشخصية الإنسانية الها 3 ابعاد أو صور :
الأولى : الصورة الذاتية ، وهي اعتقاد الشخص عن نفسه ؛ يعني الصورة أو النظرة اللي ماخذهه الشخص عن نفسه (آني شخص اجتماعي ، آني شخص انطوائي منعزل ، آني شخص غبي ، آني شخص ذكي ، ..الخ ) ..
الثانية : الصورة المثالية ، وهي الحالة اللي يطمح الشخص للوصول الهه بالمستقبل ( اريد اكون عالم ، اريد اكون فيلسوف ، اريد اكون طبيب ، اريد اكون فيترجي ، ...الخ ) ، وسميت هاي الصورة "مثالية" لأنها صورة ارقى وافضل من الواقع الحالي ..
الثالثة : الصورة الاجتماعية أو الصورة المنعكسة عن المجتمع ، بهاي الصورة يكون الشخص متأثر بنظرة المجتمع له ، فياخذ نظرة عن ذاته كما يراه المجتمع ..
- شلون يعني ؟
-"سلام نفخة" شخص يشرب عرك طول الوكت بس بينه وبين نفسه ؛ يعني المجتمع ما يدري بيه يشرب عرك ، بالعكس فهو يظهر للناس بمظهر الإنسان التقي النقي الورع ، والناس ماخذه عنه هاي النظرة ، هاي النظرة من قبل المجتمع تجاه "سلام نفخة" خلته فرحان ومكيف ؛ لانو نظر إلى نفسه من خلال نظرة المجتمع ، فهو وأن كان يعلم انو مو خوش آدمي ؛ بس نظرة المجتمع قدمهه على نظرته لنفسه ، فهاي الصورة الثالثة أو البعد الثالث من ابعاد الشخصية الإنسانية ..
- حلو ، منو من هاي الصور مفيد ومنو منهن مضر ؟
-تلاثتهن مضرات ؛ لانو ولا وحدة من هاي الصور تمثل حقيقة الإنسان ؛ وإنما حقيقة الإنسان هي شيء آخر غير كل هاي الصور ، حقيقة الإنسان هي بطرح والتخلي عن جميع هذه الصور ؛ لكي يظهر بعد ذلك المعدن الحقيقي للشخصية الإنسانية وهو الروح أو الوعي ..
والحمد لله ..
رد مع اقتباس
المشاركة الأصلية كتبت بواسطة Suzana
