الى كل من يملك نانو ستيشن وراوتر راح اخليكم تدخلون على النانو وايرلس
السلام عليكم
هذا الموضوع تعلمته من احد الاخوان وجربته
فخليته هنا حتى تعم الفائدة على الجميع
اكو امور تصير وانت جاي تشتغل على النت طبعا الاغلب يكوم يروح يطفي النانو ويشغل ويشلع الوايرات .... الخ
بهذا الموضوع راح اخليك تعرف شنو السبب لفصل النت وانت كاعد بمكانك بدون ما تكوم .
طبعا الشرح لجماعة النانو والباور الي مركبين روترات ويشتغلون وايرلس وهم راح اضيف لجماعة النانو الي رابطين واير هم يكدرون يجيكون بدون فصل الواير .
نبدا الشرح
طبعا الكل يعرف انو الوايرات نازله من النانو للادبتر السوده بورت (POE) ومن السوده من بورت (LAN) رايح للروتر ومدخلين اليوزر والباسوورد بالورتر علمود يوزع .
هسه لو فرضنا انت رابط وايرلس وطفه عندك النت شنو تسوي ؟ طبعا الكثير يكوم يربط مباشر على الحاسبة ويكنك برودباند واكو جماعه يخلي ايبي بحاسبته ...الخ , خل اشرح الطريقه علمود بعد ما يكوم من مكانه ويتعب نفسه
اولا ادخل على اعدادات النانو ورح على خيار (Network) من الاعلى , وغير الايبيات كالاتي في ادناه .
IP Address : 192.168.1.30
Subnet Mask : 255.255.255.0
Geteway IP : 192.168.4.1
Primary DNS : 192.168.4.1
Secondary DNS IP :192.168.4.1
واحفظ واطلع
هسه ادخل على الروتر مالتك وروح لفقرة (Network) على اليسار اضغط عليه واختار (WAN) روح على (Secondar connection) اختار (Static IP) واكتب بالفراغات جوه الايبيات ادناه .
IP Address :192.168.1.33
Subnet Mask : 255.255.255.0
لا تغلط بالايبيات لان ما راح يشتغل عندك
احفظ واطلع هسه لهنا انتهينا بقه بس الفحص , بس خل اكلكم شنو سوينه علمود توصل الفكره واضحه اكثر
احنه هسه سوينه الروتر جسر نعبر من خلاله للوصول الى النانو , احنه مو قبل جنه نفصل الروتر ونربط مباشر بهاي الطريقه يعني الايبي الي خليناه هذا من خلاله راح نفوت على النانو واحنه رابطين وايرلس على الروتر اعتقد واضحه ؟ .
هسه نفحص المفروض هسه واحنه كاعدين ومكنكين وايرلس نكدر ندخل على النانو ونشوف ليش راح النت .
الفحص : تذكرون شنو خلينه الايبي بالنانو ؟ خلينه هذا الايبي 192.168.1.30 هذا الايبي نكتبه بشريط العنوان بالمتصفح بدال الايبي الاصلي مالت النانو الي هوه 192.168.1.20
بس نكتبه نضغط انتر المفروض يدخل على النانو . بعد نتاكد اكثر شلون نبنك على الايبي من الحاسبه شلون ؟؟؟
نكتب بالرن (Run) كلمة (cmd) راح تطلع نافذه سوده الي هيه الدوز نكتب بيه هذا الامر (ping 192.168.1.30 -t ) ونضغط انتر ونشوف المفروض النانو يجاوب يعني يطلع سطر طويل يتكرر بي بالاخير ارقام واحد او ثنين وبي ارقام 32 اذا طلع هذا السطر يعني العمليه توب ناجحه ميه بالميه .
بهاي العمليه بعد تنسه الكيبلات مالاتك بس يوكف النت راسا تدخل على النانو بثواني اذا دخل واكو اشاره يعني السبب مو يمك واذا ما دخل يعني عندك السبب لو النانو طافي لو الروتر طافي ....الخ
ولجماعة الكيبل لان وعدناهم بشي بسيط بس يسوي الفقره الاخيره البنك بس يبدل الامر الاخير بهذا ( ping 192.168.1.20 -t ) , المفروض يطلع السطر الي شرحنا سابقا واذا ما طلع يعني الاحتمالات الي ذكرناها لتوقف النت ..
رد مع اقتباس
