١/ هسة الوكت مو زِين من عافوني صحبّاني
چانو ضوة عيوني طفو واحد ورة الثاني
تيّهت الدرِب من وين بس دمكُم الدلاني
امس چنكُم مسية الخيّر يمكم امس يخواني
امس نضحك سوة واليوم ضحك الامس بچاني
اليوم محد گلي قاري عيونك
ولا عمة عيني وتغير لونك
٢ / اعصر بالچفوف اليّوم وحيَد والتفت كلساع
كلساع التفت لـناس غُربة والعِرف عـ الگاع
چا بالدنيّا كلها اشري اذا هـو الأخو ينباع
ودلي امشي لـ العباس اگلة وياي گوم بساع
گوم گل الگلبّي ميعوفونك
ولا عمة عيني وتغير لونك
٣/ اباوع لـ الخيّم وابچي وحسِن بالخيّم وحشة
اباوع گبـل لـ العباس واحلف ما رمش رمشة
من چنة نعوف الخيّل ونطول بالدرب ممشة
من چنة نسولف هيّل حچية هوية الغُبشة
مات حسين مو عباس يـبعد العافية وهرشة
يـ العلى الشط ماكو ناس بلونك
ولاعمة عيني وتغير لونــك
٤/ ما متعود بـوحدي وحِس بكربلّة هيَمة
حيّل استاحش من الناس ورد انتچي على الخيّمة
ذني الاَبد مو يمي چنت يم وادمِ الشيّمة
دلوني على صحبّاني احسن بالصدر غيمة
يمهم ارد اموت هِناك يمهُم لجرح قيّمة
بالخيم يحسيّن هم يردونك
ولاعمة عيني وتغير لونك
٥/ متعود عليّهُم يموت ولا يجافونة
يضل يتعثر برجليّة ومايسكت بچي عيونة
اذ اهل الـ هلا يموتون چا المن يخلونة
مامش وادم تگودة على خيامة يدلونة
حسين اليوم مو هوَ ولاذاك التعرفونة
حسين طاحو وين لي يحبونك
ولاعمة عيني وتغير لونك
اداء | حـسن خـريبط
ڪلمـات | زيّد مُصطفى النمر
تـــــــــدويـــــــنــــ ــي
رد مع اقتباس
المشاركة الأصلية كتبت بواسطة ПộR
