گالو مايذكرك بعد مادامه
مشه ولاگيله ناس تحقق احلامه
وگلت بالعافيه ومابينت مكسور
بس رديت گلبي مدنگ الهامه
عفتني بلاسبب تشبه حچي المگوار
مانعرف عليمن دورت الثامه
ماباريك ذمه وباچر من اتموت
يلگون برگبتك عمري والشامه
صرتلك صيده خاف الوادم يگولون
عنك مايعرف يسدد اسهامه
الوكت مو وكت طيبه المطر چيفن زين
ماشفناله صاحب طاح جدامه
الاعمه بطيحتك ما الك عتبه وياه
تعتب عله الناس الهيه تتعامه
من امنعك حگي اغار الناس التحب ناس
حته صورهم يسجنونها بجامه
وبعد سديت گلبي وما اثق بانسان
اخاف الغير دربي يروحن اجدامه
عديم الثقه تجيبه بنص بدو تخليه
اول مايحط بيبان لخيامه
يل غافي بحضنهم والله عندي عيون
مايغمض جفنها وليلها اتنامه
عشت حيرت هذاك الكضته الحيطان
ومتاني اتوقع ورقه اعدامه
اذكرك وابدي اضوج منين مامرتاح
واگول الله تخبل جانت ايامه
بس الدنيا هاي وكل بشر مغلوب
اذا مايفطنلها ويرتخي احزامه
الشاعر علي نافع
رد مع اقتباس
المشاركة الأصلية كتبت بواسطة فـرح
