هنا

[غسان العراقي]

تسئلمن قصيدة للشاعر ايهاب المالكي

تسئلمن علية او وين تلكاني
انه بدمع عينك صار عنواني
بعد دمي علجفك وانته بس متهوم
وبسيفك بعدهن وصل شرياني
اخذت حجايتك عن مثل باب وريح
من ذاك الوكت سديت بيباني
انه زعلان بس مو مثل زعلي الراح
مااقبل بعد ينكسر حلفاني
زرعتك بيدي صح حد ماصرت بستان
بس هسه انتهينه وجنت بستاني
انه السورت روحي بكبر سور الصين
مو طابوك جرحك حجربنياني
شسولفلك تريد ؟احجيلك شسويت ؟
بيدك شككتني شلون تقراني؟
انه بصوتي هذا المايعجك شوف
من ونيتلك بجيت جيراني
انه الشجرة العفتهه بوكت شح الماي
وجفوف الغرب كسرت عوداني
سكف روحك جنت فيك ابصدري ايصير
بردت روحك وذبيت عمداني
بعد ماحب ورد مزروع يذبل خاف
او ينكطع ممكن بيد عدواني
صح ورد الصناعي من ورق مصنوع
بس سهلة من اعوفهه وسهل ينساني
انه ميت كبل لاموت مثل الناس
بس احفظ اسراري الوكت خلاني
متت موتت شعر عد شاعر اخر س صار
لايقراني غيرة ولاهو يقراني
انه تمثال هم تنمحي بظلة نجوم
انه نحاة جرحي وصرح سواني
اشكثر مرّو ابصفي شكثر فاتت ناس
بيه تنادسو من جتف للثاني
ربك ماكطع وكفت جروحي وياي
انعه جروحي مرة ومرة تنعاني
انه شاعر ولكن عللشفته وياك
كمت اضحك بصوت بوجه ديواني
انه مملكتي كاغد واعتزلته التاج
من كامت عليه تصول فرساني
انه عدة ايام الباقيات وياي
ومنيشن مجاني وجهز دفاني
كون المثلي هسة يشوف حاله شصار
مو كاعد اكتبلك شعر وجداني

[سجايا]

بيدك شككتني شلون تقراني؟
انه بصوتي هذا المايعجك شوف
من ونيتلك بجيت جيراني

كلمات مؤثره ..وبالصميم

تسلم ابو مصطفى

[بـاران]

كلمات جميلة

يسلموو

[كبريائي قاهرهم]

رعـــــــــ عاشت الايادي ــــــــــــة
كلمات مؤثرة
انتقاء راقي كرقي سمو شخصكم الكريم
لا حرمنا لاقادم من جديدك
خالص الود والاحترام

[غسان العراقي]

بيدك شككتني شلون تقراني؟
انه بصوتي هذا المايعجك شوف
من ونيتلك بجيت جيراني

كلمات مؤثره ..وبالصميم

تسلم ابو مصطفى

سلمك الله دكتورة
ولذوقك الرائع

[غسان العراقي]

كلمات جميلة

يسلموو

ذائقتك الشعرية هي الجميلة اخت باران
ودي وتقتيري

[غسان العراقي]

رعـــــــــ عاشت الايادي ــــــــــــة
كلمات مؤثرة
انتقاء راقي كرقي سمو شخصكم الكريم
لا حرمنا لاقادم من جديدك
خالص الود والاحترام

راقي دائما كما عهدك اخي العزيز
كل الود والتقدير