لكل عشاق كنتاكي اكيد عارفين اشهر طبق ارز عندهم وهو ارز الريزو مع الفراخ, بيبقى طعمه لذيذ جدا ومختلف, والنهاردة من خلال موضوعنا هنقولكم طريقة عمل ارز الريزو مع الفراخ في البيت ويطلع معاكم زي اللي بتاكلوه في كنتاكي بالظبط.
طريقة عمل ارز الريزو بالفراخ:
المكونات:
– ارز بسمتي.
– صدور فراخ مقطعة مكعبات.
– 2 بصلة متوسطة مفرومة ناعم.
– 6 فصوص كبيرة قوم مفرومة ناعم.
– فلفل اسود.
– شطة “حسب الرغبة”.
– معلقة فلفل احمر حار مفروم.
– معلقة كبيرة بهارات فراخ.
– معلقة كمون ناعم.
– زيت.
– ملح.
– معلقة صغيرة كاري.
– معلقة صغيرة كركم.
– مرقة دجاج.
– صوص باربكيو.
– كاتشاب.
– بابريكا.
– مية.
طريقة عمل ارز الريزو بالفراخ
طريقة التحضير:
1- في حلة النار حطي الزيت, وضيفي الثوم والبهارات والفلفل الاحمر الحار والكاري والكركم والملح والفلفل والبابريكا والشطة والكمون وقلبيهم كويس مع بعض.
2- ضيفي البصل وقلبيه مع باقي المكونات كويس لمدة دقيقة.
3- ضيفي مكعبات الفراخ وشوحيها شوية.
4- ضيفي الكاتشب والمرقة والمية بتاعة الارز على قد الكمية اللي انتي عملاها.
5- لما المية تغلي قللي النار وغطي الارز وسيبيه على نار هادية لحد ما يستوي.
6- قدمي الارز وحطي عليه من فوق صوص الباربكيو.
رد مع اقتباس