طريقة عمل باستا فاهيتا الفراخ بالخطوات والفيديو
باستا فاهيتا الفراخ, وجبة لذيذة وسهلة وسريعة التحضير, وفي نفس الوقت متكاملة لان داخل فيها مكرونة وفراخ وخضار, تعالوا نعرف طريقتها مع بعض بالخطوات والفيديو.
باستا فاهيتا الفراخ:
الوجبة دي تكفي تقريبا 4 افراد.
المكونات:
– 3 معالق كبيرة زيت.
– 3 شرايح صدور فراخ.
– 1 ثمرة فلفل رومي احمر, متقطعة شرايح.
– 1 ثمرة فلفل اخضر رومي, متقطعة شرايح.
– 1 ثمرة فلفل اصفر رومي, متقطعة شرايح.
– 1 بصلة متقطعة شرايح.
– 1 معلقة صغيرة ملح.
– 1 معلقة صغيرة فلفل اسود.
– 1 معلقة كبيرة شطة.
– 1 معلقة كبيرة كمون.
– 1 معلقة كبيرة ثوم بودر.
– 5 كوبايات لبن “1 ¼ لتر”.
– 4 كوبايات مكرونة اقلام “400 جرام”.
– 1 كوباية جبنة بالفلفل اي نوع “100 جرام”, متقطعة, وممكن تستخدمي جبنة شيدر متقطعة.
باستا فاهيتا الفراخ
طريقة التحضير:
1- في حلة كبيرة على نار عالية, حطي الزيت وسخنيه كويس.
2- ضيفي الفراخ وسيبيها لحد ما لونها يتغير حوالي من 5 – 6 دقايق, بعدها طلعي الفراخ في طبق على جنب.
3- حطي الفلفل الالوان والبصل في الزيت, وسيبيهم على النار لحد ما البصل يبقى لونه شفاف, حوالي 6 دقايق.
4- رجعي الفراخ تاني مع الفلفل والبصل وضيفي الملح, الفلفل الاسود, الشطة, الكمون, والثوم البودر, وقلبي كل المكونات مع بعض حوالي 30 ثانية.
5- ضيفي اللبن والمكرونة, مع التقليب المستمر عشان المكرونة متلزقش.
6- اطبخي المكرونة لمدة 20 دقيقة لحد ما تستوي, وكمية اللبن تقل ويبقى صوص سميك بيغطي المكرونة.
7- ضيفي الجبنة وقلبيها كويس مع باقي المكونات لحد ما تسيح.
8- وكده يبقى الطبق جاهز, قدميه في الطبق ورشي عليه من فوق بقدونس مفروم للتزيين.
السعرات الحرارية الاجمالية في الطبق ده حوالي 1958 سعرة حرارية, الكربوهيدرات 305 جرام, الالياف 16 جرام, السكريات 50 جرام, البروتين 90 جرام.
الطريقة بالفيديو:
رد مع اقتباس