الحلقة 1 باقي الحلقات موجودة بالتعليقات
تابعوها
اليوم ولدي العجل چوقي دخلني انذار . بس انه وياه بالبيت امه موش هنا .. وانه نايم الظهر وهوه طاب يسبح .. فزيت اسمعه يگول
" لمّي شعرچ .. فدوه تعبتي الهوى ) انا اخوك . گلت هذا مدششله وحده المدفور بالحمام يو شنهي .. ومكه رفست الباب رفسه خلعته من النرمايد . لگيته كاض الليفه ويعاين عليها ... گتله بويه صگد كلها شعر ليفتنا .. لمّ شعرها
التعديل الأخير تم بواسطة علي الواسطي ; 13/July/2020 الساعة 9:41 pm
هذا يدششله جدر تمن دولمه
عاشوا علاوي
دوم الضحكة نورتيالمشاركة الأصلية كتبت بواسطة ميليان
نورت غلايهذا يدششله جدر تمن دولمه
عاشوا علاوي
حلقة رقم 2
كنتُ قبل قليل اروي لولدي الشفج چوقي قصة تعارفنا
انا وامه ام غايب . بعد اصرار دام شهرآ ونيف ..
قلتُ له يا بني ذات يوم كنتُ طالبآ في المدرسه الاعداديه وكان حينها الجوُ ممطر وانا في الشارع اثناء عودتي للمنزل ادنن ( برد ورياح ومطر يدكدك على الشباك ) ..
حتى صادفتني امرأه ذات بوز 7 ملم مال ضباط وتصورت انه اللاعب دروغبا ولكن في حينها لم تواجهني امرأه في حياتي تقابلني بأبتسامه .. وهي تحمل علاگه جنفاص محمله مسواگ ..
هرعت اليها مبتسمآ فرحآ مستبشرآ وكنتُ انوي ان أمد يد العون اليها وريثما نحن سائرون في الطريق اتعرف عليها .. قلت لها ؟ من باب الغزل
اعطني هذا الحمل ولا ينبغي لفراشةً مثلُكِ ان تحمل مالايتحملهُ البعير !!!
ردت وهي مبتسمه ،
لا اريد ان اتعبك معي ، يكفي كلامك وشعورك
بأتجاهي !
گال چوقي ( من غسل لغسلها لو عايفها طاگها طحيل ! )
غطيته ونومته گتله بعد لا تعيدها لان ماتصيرله كل چاره هذا الفرخ
التعديل الأخير تم بواسطة علي الواسطي ; 13/July/2020 الساعة 9:41 pm
ههههه
منين جبته هذا
نورتي
حلقة رقم 3
عمي شنهي هالفلك هذا .. تعالو ليه ياجماعه وجابلوني ...
اني اغبش من الصبح . على باب الله .. وعيوني اتلامضّ . وعلاگتي الجنفاص على گفاي . وسنسولي محنّب .. ساعة الساعه احد ايسبگلي بالدرب وايچلتني . اطلع اجيبلي مصيرف . اعيش بيه هالفروخ .. الدور طلعتلي صبريه ام غايب صفح ..
النهار كله فاكه حلگها للهوه . وتتبطر تبطر ..
( نوشه جابت بچر . اريد اوصلها بعشر تالاف . ...كاضميه حماها ميت . اريد اوصلها .. . فخريه ذابه الاسود اريد افك حزنها بثوب ابو الدانتيل هوه وخياطه ب ثلاثين الف .... واني ريجي مافاكه الصبح بصمونه وهيه تفك حزن بثلاثين الف )
قسمبلاه اذا تضل هيج . لو اطلگها لو ابيع النظده مالتها . لو احرگ تاير بالبيت ؟؟؟
التعديل الأخير تم بواسطة علي الواسطي ; 13/July/2020 الساعة 9:42 pm
حلقة رقم 4
شگد اكره واحد يجينا بوكت العشه ، النوب يعزمون نفسهم كوه ، اجانا ابن عمي خويلد ابو اذان ، كال لا تحسبون حسابي بس اصلي وامشي .. شني گتله بيتنا مطل ع المسجد النبوي .. چا ماصليت عد اهلك ..
لحكت ام غايب للمطبخ كتلها اخري الصبّه علما يخلص صلاة ويروح ..
شو هذا صار علينا اية الله ، يدعي ويناشغ من البواچي .. سيدي ، اخرج حب الدنيا من قلبي يصيح . ويبچي ... گتلها بويه ام غايب حطي سفرتچ بعد مامنها ، هذا يموت روحه ومايكوم .
الدور كمل كال اعااا ، راح تصبون . يله بس رطبات اريدلي . شو حطوا الدجاجه گباله وانه صار كدامي ..
، زلاطه ،وموز ،وتمن ومرگ . تكول ابو ذيه .
من كمل گال ، الحمدو لله احنا يسوون دجاج ابيتنا بس مو مثل هذا ... گتله مو ابيتكم ماخارج حب الدنيا من قلبك .. بس من تجي هنا يخرج ...
شلج خايس كون وعلى حلگك
يوميات حجي چاكوچ حلقة 5
روى لي ابي عن جدي ، عن جد جدي . قال
انك كنت كثير الجمال ، حتى جدتك رحمها الله وضعت لك بيضه ودنبوس في ماعون حدر كاروكك . وعلگ مزورينه الحمزه الغربي ....
الا ان البيضه انكسرت من كثرة ( عيون الوادم عليك ) لانني كنت اسُر الناظرين ...
ومن جانب اخر الگرفه اللتي تحملها .. ففي يوم ولادتك فتحت لي السماء ابوابها . وتفلت عليّ ، لان بطولني من الشغل !!
رواه . ابي .. في كتاب الفگر والمفگور في لحم الزنبور
رد مع اقتباس
