هنا

[فقار الكرخي]

وحك ضيم التسعتشهر ويمكم
البيه الموت اجه يمي ويمكم
محد عمل عملتكم ويمكم
ابمجان ازيارتي تحلفون بيه

حسين صالح
…………………

الدهر صبلي اعله مد الشوف صوان
صبر .. چي للربه ماشفت صوان
لوني طالگتلي بحجر صوان
ولاشوغتهم بذيج البنيه

دكتور فلاح الزيدي

………………………………
العله خصمي احسبتهم عون وحلاف
منهم لف دليلي الاه وحلاف
هضيمه بتالي شيبي انتهم وحلاف
ويزه الدرتي يجبعوني برديه

ميثم الخطاط
…………………………………………

برد حيله الدهربلوجه يولاد
ويوميه جرح بلكلب يولاد
ردتكم عون موفرعون يولاد
بتهيمه شلون وتحلفون بيه

حسن الهلالي
.………………………….........
انتضرت من الضنه فرحه ردتهم
ولاكطرت حيه عدهم ردتهم
نفس السيد المنه ردتهم
خذوني الحضرته يحلفون بيه

صادق الجهلاوي
………………………………… .
يهل مسرع جدامك " يتّهمها "
توها من المصايب "يتّهمها"
الـ گاد أمّه وتجرأ "يتّهمها"
ببوگة شلون حبلت بيه هيّه ؟!!!

سيد عماد
………………………………………
عليك بسهم لانيشن ولاطلاك
وضيمك عرس بكلبي ولاطلاك
تبوكني افه وتعبي ولاطلاك
وجزاتي لليمين تكود بيه

غزوان الزيدي
………………………....………………� ��
ارباهم ماورد فرحه وردهم
الي وضل ذابل بكلبي وردهم
بعد ماريد شوفتهم وردهم
وتحرم جلمة اليمه عليه

حيدر ياسر
………………………
شتوفي يبد الذات لماك
اللوله وحضنهه شكثر لماك
ضميرك ليش ابد مايوم لماك
علمك من تمسهه المهضميه

شهيد الجهلاوي

------------------------------
رباهم يهدم بحيلي ونبناي
بهم وسجيم بدمعي ونبناي
تبر حته الوحوش امهه ونبناي
اتهموني ابؤگه ويحلفون بيه

سيد نور الجابري

------------------------
ابچفن وبنعش عدله حلفوني
الردتلي اوزار منهم حلفوني
ندهتي البيهم احلف حلفوني
اعله تهمه وطش خبر للناس بيه
علي عماد

-----------------------------
وحك من أذن أبيته بلالاه
أجفن من أدمع خدي بلالاه
نهاري أطلوك خلصته بلالاه
عكب ذاك أربه أيحلفون بيه

لفته الجهلاوي
-------------------------------
نسو ذاك الحضن من كبل لمهم
يل منهم ديلي اشكثر لمهم
عبالي من اجو يدعون لمهم
اطلعو مو لدعه يحلفون بيه

حميد دريول
------------------------

تليت مصايبي وأنهت بتالي
وماظل من ثگل نوحي بتالي
ردت وگفتي أبّيت الله بتالي
العمر مو واگفة تحلفون بيّه

احمد دوخي
-----------------------------
ماسواها كل منحط ودوني
سوايت ولدي والغربه ودوني
اتهموني ابوكه ومنيدي ودوني
لكرب سيد يحلفون بيه

علي ابراهيم طلب
--------------------
صدري شكثر شبعكم وانه امكم
وياهو العلي وداكم ونمكم
تبوكوني عكب شيبي ونمكم
تحلفوني وانه الينحلف بيه

ايمن الزبيدي

[الملاذ الاخير]

عاشت الايادي فقوري

[سمراء من قوم عيسى]

ابوذيات جميله

[انثى مخمليةة]

عاشت ايدك...

[ميليان]

شكراا لمجهودك . .