أنَا المفروض أگلّك هسّه مشكور
أنَا كاتم سوالف عِشرتي وْياك
لا تجبرني و تْخليني أعلّم!
أنَا المفروض أگلّك هسّه مشكور
لأن خلّفتْ بيَّ جْروح ترسم!
خرايط بالگلب و تْبيع لوحات!
و الشمّات تدفع و ٱنتَ تعزم!
وْ مِن شِفت عْلىٰ وجهك رايد وْداع
گتلك روح فدوه وْ لا تحشّم!
شجاك وْ بسّطت بالسوگ و تْصيح؟!:
"منو رايد گلب ما يعرف يْذم؟"
كل هذا وْ بعدني أشتاگلك حيل!
وْ حَسِن گلبي، صاير ما يقيّم
لأن من گتلي: تحلف؟ گتلك: إي صار
وحگ نضرة(ت) عْيونك من تسلهم!
صادق الجهلاوي
رد مع اقتباس
