خنگة المغرب قيامه
ردني يَ الْ ماخذني عود گْرنفل وْ هودَرِت بيَّ لْسلف عنده الریح كفره!
خايف تْخضّر عَلَى خْدودي قصيده مْن الدمع يم ناس ما متعلمه تقرا!
تدري المفارج، غريب…
وْ حوبة الغربا تِخَرطلك تراچي الليل و تْلثّم الگمرا؟
خنگة المغرب قيامه…
وْ ديره ما بيها حضن، تنعد مگبره!
وْ تدري المضيّع ضحكته…
مْعاتْبه وْيَ الله نعاوي؟
الصفنه عنبايه بْخلا و العبره ريح…
وْ فرِّطَت كل خرص راوي
ردني لايام الهلا و الهيل، ردني؛ وْ لِم حزن عمري الْ تطشّر بالگهاوي
ردني لملمني عْلى كيفك…
طشّرَتنی الآااااه سالوفة عروس وْ ماهي باكر…
تندعي يسترها ليل!
وْ سولِفَتني دنية مْظفّر، حمد من دون ريل!
ردلي لو بسمة چذب لشفاف ميته
البسمه رادت حيل مني…
وْ دَوَّرِت حيلي وْ شفت ما عندي حيل!
ظال دشداشه وْ دگم…
و عيون تربي
النهته تاخذني وْ تجيب
رِدِت أنزع حزني وْ ليغااااد أعلگه
وْ دَغدَغِت عمري وْ ضحكلي سْنین شيب!
م
رد مع اقتباس
