روحِي ندهتني وأَجيتك يـ العفتني
شلون گلبّك طاوعك ماودعتني
_____________________
١/ خلِصت الدِرب مِن الخيّم لـ حَسيّن ونة درِفع بونة
يعِت بيّة التعب والهضم والـ ياريت حيلي منين أَجيبنة
أنا مضيعتلّي خُنصر بيّن ديَرة گوم والمحبَس خِذو منِة
شمضيّعة الـ خيَول بصِدرك المبخوِت شيّريَدن وداسنِة
يـ الهـواي شـلون ألـمك
مچفي فوكَ الگاع دِمـك
شلون گلبك طاوعك ماودعتني
_____________________
٢/ أتيَـة بخطوتي واليّل نفِسة الـيّل لٱ نجمة الـتضويلي
أدور بالجثث ياهـو الـ بگلبّة سهِام أرحم اختك اوميلي
أمد سمعي يَـ هلبّت صوت منك جاي يـ أَبن أَمي تدليني
أنا بيَا وڪت مو يمَك ودِور عليّك يـ معگود بتفاصيلي
ننطبّكَ جفنيّن چنـة
هسـة مانتلاگة صـرنة
شلون گلبّك طاوعك ماودعتني
_____________________
٣/ أَذا طالت الغيبة وماتِرد لختِك يمكن طيّف تلگاني
أَتانيّك بعُمر يخلص ورِد ردود أَتانيّك بعُمر ثاني
حگي اسهر سهِر ماشايفاتة عيّون أَول مرة تنساني
مُصيبة الـ نِشد عنك وين اخوچ حسيَن اگلهُم وحِدي خلاني
شوفـك وملگـاك نـعمة
لچـن هيِ الفـرگة قِسـمة
شلون گلبّك طاوعك ماودعتني
_____________________
٤/ يبعـد اليّذكرنك بـ الدمع والشوف مودع راشدة النية
بس ضمَد جروحك تره تراب الگاع يلچمهن بكِل هوية
يـ هلبّت تُمطر الدنيّا وتِروي شفاك يـ الماضگت الـ آميـّة
أَنا تمنيَت أَحضنك حضنِة مغربيّن ماصحتها الـ الأُمنيَة
ضيعتني وضعـت منـي
يـ المشيت ويـاك أخـذني
شلون گلبّك طاوعك ماودعتني
_____________________
اداء | حـسن خـريبط
ڪلمـات | أُسـامـة الفـيروز
تـدويني
رد مع اقتباس
المشاركة الأصلية كتبت بواسطة صفاء العامري
