انتهت
ابــغيابك يــاهو كثري بــاچ ،، لاوان
ونــه امــگبليني ونـت الـبست ،، لاوان
اردلـك شــرط جيب اجفوف ،، لاون
الــعلي.. وتـرد مـحنه عـليك بيه
انتهت
ابــغيابك يــاهو كثري بــاچ ،، لاوان
ونــه امــگبليني ونـت الـبست ،، لاوان
اردلـك شــرط جيب اجفوف ،، لاون
الــعلي.. وتـرد مـحنه عـليك بيه
كلتلك ذني عملاتك ،،، وذن باك
الهضمني مانزل دمعك ،، وذن باك
ذنبي اتوجع ابهجرك ،،، وذنبك
جبح چي ماعرفت الوجع بيه
يا تين راوي وحايل وشابع فيّ
شسويلك بعد خاطر يغزرن بيك
تراجي انطيتك بوكت التراجي زلوف
ياكلبي يابو الصدك
يلـ ما وكفلك بشر
يلـ عازتك عازه
تذكر ضحكنه شـ كثر
مدري بجينه شـ كثر
چا هيچي نتجازه…
#الوجع
من تبچي وچفوف التلولي عليك ماهنة
وگع بطل الصبر وتطشر إگزازه؟
كاظم الگاطع
ابوي اشكد حنون ايفيض وجدان
وابوي اصحابه تتباها ابصفاتــــه
كريم ايجود حتى ابلگمة اعشاه
وقف للناس ناذر كل حياتــــــــــه
اذا يسمع طفل فد يوم جوعان
توگف لگمته ابطارف لهاتـــــــه
من يوگف يصلي اتفيضه الدموع
اوتصير ادموعه سجادة صلاتـه
يشماغه بخت وعگاله شارات
صر اهموم ربعه ابسد عباتــــــه
شريعه تشع امل وشراع بالريح
لجل الناس ناكر دوم ذاتـــــــــه
وابوي الغيره عنده اجروف نهران
منها اصحابه تغرف والشماتـــــه
وابوي اشيگصي وكته ايگوم تفاگ
يتوچه اعلى جرحه ابكل رهاته
سمح يلگه العذر لليخطي وياه
عفه اوحلمه چرچوبة سماتــــه
ماسد باب جوده ابشحة الجود
عنوان الكرم كل ذكرياتــــــه كل شبه
ابمظيفه اعدال ديوان غاص امن الزلم
حتى ابمماته وابوي الخير بيده
اشيكرم ايزود مثل حري العراق اومي فراته
جنك راح ترحل منه ياعام
باجر عكب باجر رايح ادور
ﻻتنسه الدمار بموطني الصار
تره شاهد دمارك فوك الطيور
بعدهه ام الشهيد اتصبر الايتام
وبعدهه تحط بخور بنص الكبور
ﻻتجبر كسرهه بعامك يروح
هم سامع يطيب الكلبه مكسور
عيش غالي أمحسره الوادم عليك
الرخيص بسوكه محد يشتهيه
واثكل بعين التِحبهّم دمعه صير
صير ماي اليعطش ايمدلك اديه
وظل عزيز بعز هوه ألريّة غريج
الماتلوحه جفوفنه انكمز عليه
كون تحفظ هيبتك خلك وحيد
النسر عايش وحده بس نحجي بيه
الناس متهاب النهر لو صار كيش
البحر حتى الطير فوكه ويختشيه
صير ديرم تلكط بشفت الحجاك
الزرع من يشتاك بالغيمه حجيه
السمه شما يثكل وجها اتحبها كاع
صير عيد بجيتك اتفرح التجيه
ولا تطلعه من الصدر لو رمح جان
رايك وتدري النشد مايشتريه
ولاتسلم ركبتك للماله رأس
الكصته عطشانه شتظن من تنتخيه
عيش وكتك عايشه الشمعه اعله نار
البدوي من يحدي يذب ضيمه بحديه
الناس طين ابالها ايغرز الثكيل
المشيه سفره وينكل بيها الوجيه
الفتح ريته لكل هوه ايعرف النظيف
المانشد فانوس بالظلمه يتيه
