كل ما نقدمه للتسلية والترفيه، فلا يعلم الغيب الا الله وتبقى مجرد توقعات والله أعلم
حظك اليوم مع الأبراج اليومية ليوم الأحد 5 تموز / يوليو / 2020
توقعات برج الحمل اليوم الاحد 05 يوليو 2020 ثابت الحسن
برج الحمل
اليوم بدي منك تكون هادي وحكيم بتصرفاتك في حال تعرضت للمواجهة او الصدام مع احد الاشخاص ، ماتحط دانك عند حدا وتضيع وقتك بكلام فاضي ، بنصحك ركز اهتمامك بمجال عملك وكيفية الحصول على ارباح مالية اضافية ، اليوم عندك حدث مهم ممكن خبر بيتعلق بامر قانوني او عم تاخد قرار بتغيير مكان سكنك او شي بيتعلق بمستقبلك
عاطفيــا”… لازم تكون لطيف ولين بتعاملك مع الشريك حاول تستوعبه حتى تتجنب المشاكل معه
طاقة برج الحمل { 73 }
توقعات برج الثور اليوم الاحد 05 يوليو 2020 ثابت الحسن
برج الثور
اليوم عم تكون نشيط وحركتك جيدة ، عم تقدر تنظم وقتك وترتب امورك بطريقة مريحة ومناسبة لحتى تخلص التزاماتك الضرورية ، بتحاول تطلع من الجو المحيط فيك وتكون ايجابي وبعيد عن الاجواء السلبية ، عند المسا بتحب تقعد لحالك وبتعيد النظر بحياتك حتى تكسر الروتين وتغير شي بمسار حياتك نحو الافضل
عاطفيــا”… اهمال الشريك الك او انشغاله عنك بزيد من انفعالك وبيخلق مشاحنات معه
طاقة برج الثور { 72 }
توقعات برج الجوزاء اليوم الاحد 05 يوليو 2020 ثابت الحسن
برج الجوزاء
اليوم عن تشعر بوهن عام حاول تخلص شغلك الضروري بالفترة الصباحية وترتاح بعد الضهر ، عم تسمع اخبار او وعود كتيرة وناطر حدث او خبر بفارغ الصبر ممكن تتأخر الامور بعض الوقت ، الوضع المالي شاغل بالك وعم تفكر كيف تنظم ميزانيتك حتى تتناسب مع مدخولك رح تحصل على دعم مادي غير متوقع ، المسا ممكن تزور شخص مقرب منك بمدك بالطاقة وبيرفع من معنوياتك .
عاطفيــا”… الظروف ماعم تكون متل مابدك انت والشريك “لاتكره شيء عسى ان يكون خير لكم “
طاقة برج الجوزاء { 67 }
توقعات برج السرطان اليوم الاحد 05 يوليو 2020 ثابت الحسن
برج السرطان
اليوم حاسس انك عم تمتلك طاقة ايجابية عم تساعدك لتشتغل بجدية وتركز اهتمامك بالعمل ، عندك فرص جيدة استغلها حتى تعزز من مكانتك المهنية وضمن الوسط المحيط فيك ، ماليا رح يكون عندك تحسن بوضعك المالي وممكن عم تدخل بمشروع او عمل جديد رح تحصل على فائدة من خلاله
عاطفيــا”… حافظ على تواصلك مع الشريك حتى تحافظ على المحبة والالفة بينكما
طاقة برج السرطان { 76 }
توقعات برج الاسد اليوم الاحد 05 يوليو 2020 ثابت الحسن
برج الاسد
يومك عم يكون منيح بشكل عام والحظ عم يحالفك وعم تقدر تتجاوز بعض الصعوبات والعراقيل ، عندك حلول وتصليحات ببعض الامور المهنية او المنزلية ، زيادة الضغط عليك عم تشعرك بالتعب بنصحك تهتم بحالك وتاخد قسط من الراحة لتقدر تتابع اعمالك على اتم وجه ، ماليا وضعك متقلب وعم تطلعلك مصاريف جانبية وكلو ضروري
عاطفيــا”… عندك اوقات حلوة مع الشريك وعم تخطط لتطلعوا من الجو المحيط وتجددوا طاقتكما
طاقة برج الأسد { 80 }
توقعات برج العذراء اليوم الاحد 05 يوليو 2020 ثابت الحسن
برج العذراء
اليوم عم تنقلب الموازين عندك وحاسس براحة نفسية ومتفاءل عم تنظر للنصف المليان من الكأس ، عندك تطورات بمجال العمل استغل حظوظك رح يكون عندك خطوات ايجابية بتصب بمصلحتك ، عند المسا بتتقرب من افراد العائلة وبتهتم باحوالهم ، ماليا عم تمشي الامور متل مابدك وخاصة اذا كان عندك بيع او شراء
عاطفيــا”… يوم جيد لحل اي خلاف مع الشريك وممكن لعلاقة جديدة للعازبين
طاقة برج العذراء { 79 }
توقعات برج الميزان اليوم الاحد 05 يوليو 2020 ثابت الحسن
برج الميزان
اليوم عندك شغل كتير عم تحط كل جهدك وطاقتك بالشغل هالشي بخليك تشعر بالتعب بوقت اسرع ، بنصحك تنظم وقتك وتريح حالك من وقت للتاني لتقدر تخلص اعمالك بأريحية اكبر ، عندك مواضيع عائلية شاغلة تفكيرك انتبه من طريقة كلامك مع الاشخاص المحيطين وحاول تضبط أعصابك ، ماليا وضعك مستقر وعندك مكاسب جيدة نتيجة تعبك وجهدك
عاطفيــا”… بنصحك ماتوجه عتب للشريك او تفتح نقاش معه بمواضيع مو بوقتها
طاقة برج الميزان { 70 }
توقعات برج العقرب اليوم الاحد 05 يوليو 2020 ثابت الحسن
برج العقرب
اليوم عم تكتر تحركاتك وتنقلاتك وتواصلك مع المحيطين ، عم توطد علاقتك مع احد الاصدقاء المقربين وممكن عم تفكر بمشروع مشترك مع احد افراد العائلة ، فكرة السفر عم تضل ببالك وناطر الظروف المناسبة ، ماليا عندك انفراج ودعم بآخر اللحظات دائما بس هالشي مالازم يخليك تتكاسل عن العمل والسعي وراء الرزق
عاطفيــا”… عم تتناقش مع الشريك بمواضيع مستقبلية وعم تتوافق معه بالرآي
طاقة برج العقرب { 76 }
توقعات برج القوس اليوم الاحد 05 يوليو 2020 ثابت الحسن
برج القوس
اليوم عم تكون اعمالك روتينية وعم تخلصها بوقت قصير ، عندك مواضيع عائلية مختلفة عم تاخد الحيز الاكبر من وقتك ، بنصحك تسمع من جميع الاطراف في حال كان في سوء تفاهم حاصل وماتتعصب لموقف محدد ، ماليا حظوظك المالية جيدة وعم يتوفر معك مبلغ من المال بنصحك ماتسرف زيادة حتى ماتوقع بالضيق
عاطفيــا”… يوم جيد بحياتك العاطفية استغل اللحظات الحلوة مع الحبيب
طاقة برج القوس { 78 }
توقعات برج الجدي اليوم الاحد 05 يوليو 2020 ثابت الحسن
برج الجدي
اليوم حظوظك ممتازة وثقتك بنفسك عالية عم تكون شخص مبادر اتجاه المحيطين وعم تعطي حلول ومساعدات هالشي عم يزيد ثقة الناس من حولك فيك وعم تزداد مكانتك عندون ، رح تخف عنك الضغوط وتلاقي وقت لتهتم بحالك وتروح عن نفسك ، ماليا رح تحصد ثمار تعبك وجهدك خلال الفترة الماضبة
عاطفيــا”… يوم جيد ومناسب لتتجاوز مع الشريك اي خلاف قديم وتهتم فيه وتجدد مشاعر المحبة بينكما
طاقة برج الجدي { 87 }
توقعات برج الدلو اليوم الاحد 05 يوليو 2020 ثابت الحسن
برج الدلو
اليوم ماعم تكون بكامل نشاطك عم تفكر بمواضيع شاغلة بالك وماعم تعرف تحسن التصرف، الندم مابفيد وبضيع من وقتك لازم تعرف كيف تتعامل مع مجريات الامور وماتتردد بطلب مساعدة او استشارة من اشخاص موثوقين بالنسبة الك ، ماليا اليوم عم يكون مصروفك كبير انتبه حتى ماتوقع بوضع حرج
عاطفيــا”… الامور الخارجية عم تنعكس عنفسيتك بشكل سلبي هالشي ممكن يسببلك توتر بعلاقتك مع الشريك
طاقة برج الدلو { 65 }
توقعات برج الحوت اليوم الاحد 05 يوليو 2020 ثابت الحسن
برج الحوت
اليوم عم تكون نشيط وبتبدي اهتمام ملحوظ بمجال عملك وبتحاول تعوض اي تقصير قديم ، عندك تواصل اجتماعي وممكن تلبي دعوة احد الاصدقاء وبتتواصل مع ناس صرلك زمان ماشفون ، عم تحاول تعمل بعض التغييرات بحياتك حتى تجدد طاقتك وحيويتك ، ماليا عم تحاول تكون اقتصادي لبين مايوصلك مبلغ من المال موعود فيه
عاطفيــا”… يوم عاطفي عم تكون اكثر انسجام مع الشريك وفرص جيدة للارتباط للعازبين
طاقة برج الحوت { 79 }
رد مع اقتباس
المشاركة الأصلية كتبت بواسطة Scrap
